Japta 19
Toktok Antap long Hil
Hem i bin talem long olgeta olsem wanem blong laef blong oli save stap hapi mo laef wetem Papa long Heven bakegen. Ol samting we Hem i bin tijim olgeta long hem oli save mekem yumi hapi tu.
Jisas i bin talem we yumi mas gat kwaet fasin, fasin blong save wet longtaem, mo strong tingting blong obei long Papa long Heven.
Yumi mas traehad oltaem blong kam stret mo gud.
Yumi mas fogivim olgeta pipol we oli no laekem yumi o mekem yumi harem nogud. Sapos yumi fogivim olgeta, Papa long Heven bae i fogivim yumi.
Yumi mas stap olsem ol man blong mekem pis, lavem ol nara pipol, mo helpem evriwan blong lavem wanwan long olgeta.
Yumi no mas fraet blong tokbaot gospel long ol pipol o soem long olgeta se yumi lavem Papa long Heven. Taem ol nara pipol oli luk yumi stap mekem ol gufala samting, bae i helpem olgeta tu blong biliv long God.
Oltaem yumi mas kipim ol promes blong yumi.
Mo i semmak olsem we yumi wantem ol narawan oli gud long yumi, yumi mas stap kaen long olgeta.
Jisas i bin talem se sapos yumi mekem olgeta samting ia, bae yumi glad, Papa long Heven bae i blesem yumi, mo bae yumi stap wetem Hem bakegen.