Fas Toktok: Plan blong Papa blong Yumi long Heven

Heavenly Father with a group of children - intro.-1

Yumi bin stap wetem Papa long Heven bifo yumi kam long wol ia. Yumi ol spirit pikinini blong Hem mo yumi bin gat ol spirit bodi. Yumi bin lavem Hem, mo Hem i bin lavem yumi.

Teachings of the Prophet Joseph Smith, 354

Heavenly Father explains the plan of salvation - intro.-2

Papa long Heven i bin tijim yumi abaot Plan blong Hem blong yumi. Oli singaotem plan blong fasin blong sevem man. Sapos yumi folem plan blong Hem, yumi save kam olsem Papa long Heven. Plan ia i blong yumi kam long wol ia mo kasem ol bodi blong mit mo blad. Bae oli testem yumi blong luk sapos bae yumi jusum blong obei long ol komanmen blong God.

Luk long Abraham 3:24–25

Jesus Christ and Satan listen to Heavenly Father explain the plan of salvation - intro.-3

Plan blong fasin blong sevem man i givim yumi wan wei blong gobak stap wetem Papa long Heven bakegen. Bae yumi nidim blong kipim ol komanmen. Be bae yumi nidim help tu. Bae yumi nidim blong oli karemaot ol sin blong yumi, mo bae yumi nidim ol bodi we oli laef bakegen long ded. From we yumi no save karemaot ol sin blong yumiwan o, kasem yumiwan ol bodi we i laef bakegen long ded, yumi nidim wan Sevya blong i mekem hemia blong yumi.

2 Nifae 2:5–9

Heavenly Father chooses Jesus Christ to be the Savior - intro.-4

Papa long Heven i jusum Jisas Kraes blong i kam Sevya blong yumi. Jisas i bin lavem Papa long Heven. Mo tu, Jisas i bin lavem yumi. Hem i agri blong kam long wol blong soem long yumi olsem wanem blong gat stret mo gud laef. Bae Hem i soem long yumi wan wei blong save sevem yumi evriwan. Hem i bin agri blong safa from ol sin blong yumi. Mo tu, bae Hem i ded mo bae i laef bakegen long ded mekem se bae yumi save laef bakegen long ded tu.

2 Nifae 2:8–9; Luk long Moses 4:1–2

Setan tu hem i wantem blong kam Sevya blong yumi. Be hem i no bin lavem Papa long Heven. Hem i no bin lavem yumi. Hem i wantem blong jenisim plan blong Papa long Heven blong mekem se hem i save gat paoa mo glori blong Papa long Heven.

Luk long Moses 4:1–2

Satan leads his followers away - intro.-6

Sam long ol spirit pikinini blong Papa long Heven oli bin jusum blong folem Setan. Hemia i mekem Papa blong yumi long Heven i harem nogud. Hem i bin mekem Setan mo ol man we oli stap folem hem oli aot long Heven. Setan hem i devel. Hem wetem ol spirit we oli bin folem hem oli wantem yumi blong mekem sin.

Luk long Moses 4:3–4

Jesus Christ creating the earth. He stands with arms upraised and planets in the background. - intro.-7

Papa long Heven i talem long Jisas blong mekem wan wol blong yumi. Mo Jisas i bin mekem. Hem i bin mekem san, mun, mo ol sta. Hem i putum ol tri mo ol animol long wol ia. Naoia yumi gat wan wol blong kam long hem, ples ia nao bae yumi kasem ol bodi blong mit mo blad.

Hibrus 1:2; Mosaea 3:8; Luk long Abraham 4

A prophet teaches the people. He is holding stone tablets. - intro.-8

Plante pipol oli kam mo stap long wol ia. Sam long olgeta oli jusum blong obei long olgeta komanmen blong God; be sam oli no wantem. Olgeta profet blong bifo oli bin tijim ol pipol abaot plan blong Papa long Heven mo abaot Jisas Kraes.

2 Nifae 2:19–21; Jekob 7:10–11; Luk long Moses 5:13–15

A prophet sees Mary holding the baby Jesus. He is writing on a piece of paper. - intro.-9

Olgeta profet oli bin talem se papa blong Jisas bae Hem i Papa long Heven. Mama blong Hem bae hem i wan gudfala woman we nem blong hem i Meri. Mo bae Hem i bon long Betlehem.

Aesea 7:14; Maeka 5:2; 1 Nifae 11:18–21; Alma 7:10

A prophet explains that Jesus would look like other people. Jesus is depicted using carpentry tools. - intro.-10

Olgeta profet oli bin talem se plante pipol bae oli no bilivim se Jisas Hem i Sevya. Bae Hem i luk olsem ol narafala pipol nomo mo bae Hem i no wan rij man. Plante pipol bae oli no laekem Hem.

Aesea 53:2–3

A prophet tells of John the Baptist who will come before Jesus Christ comes. - intro.-11

Olgeta profet oli bin tokbaot tu Jon Baptaes. Bae hem i kam fastaem long Jisas blong talem long ol pipol abaot Hem. Jon bae i baptaesem Jisas.

Aesea 40:3; Matiu 3:1–3; 1 Nifae 10:7–10; 11:27

A prophet explains that Jesus will perform many miracles. Christ is depicted with a lame man. - intro.-12

Olgeta profet oli bin talem se Jisas bae Hem i gat gudfala fasin mo mekem plante merikel. Bifo Hem i ded, Jisas bae i safa from ol sin blong evri pipol blong mekem se bae oli no save safa sapos oli sakem sin.

Mosaea 3:5–8; Luk long Doctrine and Covenants 19:16–18

A prophet foretelling the crucifixion of Jesus Christ. - intro.-13

Plante profet oli bin save se Jisas Kraes, Sevya blong yumi, bae oli krusifaem Hem. Bae oli nilim Hem long wan kros we oli mekem long wud mo bae Hem i givim laef blong Hem from yumi.

Jon 3:14–15; Mosaea 15:7–9

A prophet tells the people that Christ will be resurrected after three days. - intro.-14

Afta tri dei, bae Hem i laef bakegen long ded. Spirit blong Hem bae i kambak long bodi blong Hem. From Jisas bae i ded mo laef bakegen long ded, bae yumi evriwan tu bae i laef bageken long ded.

Aesea 25:8; Fas Korin 15:22; 2 Nifae 2:8; Alma 33:21–22

Jesus, His Apostles and others- intro.-15

Niu Testeman i soem se ol toktok blong ol profet oli tru. Hem i stori blong Jisas Kraes mo ol Aposol blong Hem. Oli bin stap long Holi Lan. Plante pipol we oli bin stap longwe, oli bin singaotem olgeta ol man Jiu. Ol man blong Rom oli holemtaet Holi Lan, mo oli bin rulum ol man Jiu.