Japta 12
Mared we I Stap long Kena
Jisas Kraes mo ol disaepol blong Hem oli bin go blong wan lafet blong wan mared long Kena. Meri, mama blong Jisas, i bin stap tu long mared ia. Hem i bin talem long Jisas se i nomo gat waen blong ol man we oli invaetem olgeta.
Jisas i respektem mo lavem mama blong Hem. Jisas i bin askem hem wanem nao hem i wantem Hem blong i mekem.
Jon 2:4 No Translation
Meri i bin talem long ol wokman we oli stap wok long mared ia blong oli mekem wanem Jisas i talem long olgeta blong oli mekem.
Jisas i bin talem long ol wokman blong fulumap sikis bigfala jag blong wota we oli bin wokem wetem ston. Wanwan jag ia i holem kolosap 68 kasem 102 lita blong wota. Afta Hem i bin tanem wota i kam waen.
Hem i bin talem long ol wokman blong kasem waen long ol jag ia mo givim long bos blong lafet.
Bos blong lafet ia i bin sapraes taem hem i bin dring waen ia. Oltaem oli givimaot fastaem ol gudfala waen long stat blong lafet. Be naoia, oli givimaot gudfala waen long en blong lafet.
Hemia i fas merikel we oli rekodem we Jisas i bin mekem long laef blong Hem long wol. Hem i bin mekem samting ia blong helpem mama blong Hem. Mo tu i helpem blong mekem fet blong ol disaepol blong Hem i kam moa strong.