Japta 49

Fas Sakramen

Jews gather around a table for the Feast of the Passover - ch.49-1

Evri yia ol man Jiu oli stap holem wan lafet we oli stap singaotem Pasova. Hemia i helpem ol man Jiu blong oli tingbaot se God i bin sevem ol bubu blong olgeta long taem blong Moses.

Eksodas 12:27; Luk 22:7

The Savior sends Peter and John to get a room for the Passover feast - ch.49-2

Jisas mo ol Twelef Aposol oli nidim wan ples blong lafet blong kaekae Pasova ia. Sevya i bin sendem Pita mo Jon blong faenem wan rum mo mekem rere evri samting blong kaekae blong lafet ia.

Luk 22:8

Peter and John make arrangements for the room - ch.49-3

Oli bin faenem wan rum mo oli bin mekem rere kaekae blong lafet ia.

Luk 22:9–13

Jesus and His Apostles gather in the room for the Passover feast - ch.49-4

Jisas mo evri Aposol oli bin go long ples ia. Oli bin kakae lafet blong Pasova ia tugeta.

Luk 22:14

Jesus blesses the bread - ch.49-5

Fastaem we Jisas i givim sakramen long ol Aposol blong Hem. Hem i bin tekem bred long han blong Hem, i blesem, mo afta i brekem long ol smosmol pis. Hem i bin talem long ol Aposol blong oli kakae bred.

Matiu 26:26; Luk 22:19

Jesus tells His Apostles to think of His body when they eat the bread - ch.49-6

Jisas i bin talem long olgeta blong oli tingbaot bodi blong Hem taem oli kakae bred. Hem i bin askem olgeta blong oli tingbaot se bae Hem i ded from olgeta.

Matiu 26:26; Luk 22:19

Jesus pours wine into a cup - ch.49-7

Jisas i bin kapsaetem waen long wan kap. Hem i bin blesem waen ia mo i bin talem long ol Aposol blong oli dring.

Matiu 26:27

Jesus tells the Apostles to think of His blood when they drink the wine - ch.49-8

Jisas i bin talem long olgeta blong tingbaot blad blong Hem taem oli dring waen ia. Hem i bin askem olgeta blong tingbaot se blad blong Hem bae i ron mo bae i safa from ol sin blong evri man.

Matiu 26:28; Luk 22:20

Jesus tells His Apostles that wicked men will kill Him - ch.49-9

Jisas i bin talem tu long ol Aposol se i no long taem bae ol rabis man bae oli kilim Hem. Ol leven Aposol oli bin harem nogud tumas. Oli bin lavem Sevya mo oli no wantem Hem blong i ded. Jisas i bin save se wan long ol Aposol bae i helpem ol rabis man ia. Nem blong hem Judas Iskariot.

Matiu 26:2, 14–16, 21–25