Japta 7
Ol Waes Man
Sam waes man oli bin stap long wan narafala ples. Oli bin save wanem we ol profet i bin talem abaot taem we Jisas bae i bon. Taem oli bin luk wan niufala sta antap long skae, oli bin save se wan king i bin bon.
Ol Waes Man oli bin go luk Herod, wan king blong ol man Jiu, long Jerusalem. Oli bin askem hem wea nao niufala king i stap long hem. Herod i bin talem long olgeta blong lukaot long Betlehem. Taem we bae oli faenem bebi ia bae oli mas kambak mo talem long Herod.
Ol Waes Man oli bin go long Betlehem mo oli bin faenem Jisas. Oli wosipim Hem mo givim ol presen long Hem. Oli bin kasem wan drim blong nomo gobak long Jerusalem mo talem long Herod weaples bebi ia i stap long hem. Mo oli no bin gobak.