Ol Pipol blong Save
- Aesea
-
wan profet blong OlTesteman we i bin raet abaot Jisas
- Agripa
-
wan king blong Rom we i bin rulum Isrel. Pol i bin tijim Agripa abaot Jisas Kraes.
- Ana
-
wan fetful wido we i bin luk Jisas taem Hem i wan smol bebi mo Hem i bin tijim ol pipol se Jisas Hem i Pikinini blong God mo Hem i Ridima
- Ananaeas
-
wan disaepol blong Jisas Kraes we i bin stap long Damaskes. Hem i bin blesem Pol mo i lukaotem gud hem taem Pol i no save lukluk long taem we hem i bin luk wan visen.
- Elaeja
-
wan profet blong OlTesteman
- Elisabet
-
mama blong Jon Baptaes
- Gabriel
-
enjel we i bin visitim Meri mo i bin talem long hem se bae hem i kam mama blong Jisas. Gabriel i bin kam long Sekaraea tu mo i bin talem long hem se bae hem i gat wan boe we bae hem i Jon Baptaes.
- God
-
ating bae i minim tu Papa long Heven o Jisas Kraes
- Herod
-
wan rabis king we hem i bin rulum Jerusalem taem Jisas i bon. Hem i bin kilim ded evri bebi long Betlehem wetem hop se bae i kilim bebi Jisas.
- Jaeras
-
wan lida blong ol man Jiu long Kapaneam. Jisas i bin resemap gel blong hem long ded.
- Jemes
-
wan long ol Twelef Aposol blong Jisas. Hem i bin wan kaonsela blong Pita afta Jisas i ded.
- Jisas Kraes
-
Pikinini blong God mo Sevya blong wol. Hem i bin safa mo ded from ol sin blong yumi.
- Jon
-
wan long ol Twelef Aposol blong Jisas. Hem i bin wan kaonsela blong Pita afta Jisas i ded.
- Jon Baptaes
-
profet ia we hem i bin baptaesem Jisas. Hem i pikinini blong Sekaraea mo Elisabet.
- Josef
-
Hasban blong Meri. Josef i bin lukaotem gud Jisas mo Meri.
- Josef Smit
-
Taem Josef Smit i wan smol boe, Papa long Heven mo Jisas Kraes i bin visitim hem. Tufala i bin talem long hem blong hem i no joenem eni jos we oli stap long wol from evriwan oli no gat trutok. Tru long Josef Smit, tru Jos blong Jisas Kraes i bin kambak long Wol.
- Judas Iskariot
-
wan long Aposol blong Jisas. Judas i bin salem Jisas long ol rabis man blong 30 pis blong silva.
- Kaeafas
-
hae pris blong ol man Jiu we i bin tekem pat blong agensem Jisas long taem we oli jajem Hem
- Lasaros
-
wan man we Jisas i bin resemap long ded
- Matias
-
wan disaepol blong Jisas we oli bin singaotem hem blong tekem ples blong Judas Iskariot olsem wan blong ol Twelef Aposol
- Meri
-
mama blong Jisas
- Meri Magdalen
-
fren blong Jisas mo fas man blong luk Jisas afta we Hem i bin Laef Bakegen long Ded
- Meri mo Mata
-
tufala sista blong Lasaros mo ol fren blong Jisas
- Mesaea
-
nara nem blong Jisas Kraes
- Moses
-
wan profet blong OlTesteman
- Nikodimas
-
wan lida blong ol man Jiu we hem i bin biliv se Jisas i Sevya. Jisas i bin tijim Nikodimas abaot baptaes.
- Ol Farasi
-
ol lida blong ol man Jiu. Plante long olgeta oli no laekem Jisas mo ol disaepol blong Hem.
- Ol Jiu
-
Ol man Isrel we oli bin pat blong kingdom blong Juda. Jisas Hem i wan Jiu.
- Ol Man Rom
-
ol pipol we oli bin kontrolem graon we Jisas i bin stap long hem taem Hem i stap laef
- Ol Man Sameria
-
wan grup blong ol pipol we oli bin stap long graon we Jisas i bin stap long hem. Ol man Jiu mo ol man Sameria oli no laeklaekem olgeta.
- Papa long Heven
-
Papa blong ol spirit bodi blong yumi. Yumi prea long Hem.
- Pita
-
wan long ol Twelef Aposol blong Jisas mo i Presiden blong Jos afta ded blong Jisas
- Pol
-
wan man we hem i no laekem ol disaepol blong Jisas, kasem taem hem i luk Jisas long wan visen mo i bin jenisim laef blong hem. Afta hem i bin sevem God mo i kam wan long ol Aposol. Oli save long hem tu olsem Sol.
- Ponties Paelat
-
gavna blong Rom long Jerusalem. Ol man Jiu oli bin talem long Paelat blong i krusifaem Jisas, mo Paelat i bin letem olgeta blong kilim Jisas.
- Saelas
-
wan misinari mo fren blong Pol
- Saemon
-
wan stret mo gud man we i bin luk bebi Jisas long tempol long Jerusalem
- Saemon
-
wan man long Sameria. Hem i bin traem blong pem prishud long Pita mo Jon. Tufala i bin tijim se wan man i no save pem prishud.
- Sekaraea
-
papa blong Jon Baptaes
- Setan
-
wan spirit pikinini blong Papa long Heven. Hem i no obei long Papa long Heven, i mekem se oli ronemaot hem long heven. Hem i kam olsem devel. Setan i traem blong giaman long ol pipol blong oli mekem wanem we i rong.
- Sevya
-
Jisas Kraes Hem i Sevya. Hem i bin safa mo ded from ol sin blong yumi. Tru long Hem, yumi save gat fogivnes long ol sin blong yumi, sapos yumi sakem sin, bae yumi save laef oltaem.
- Sol
-
luk long Pol
- Steven
-
wan stret mo gud lida blong Jos blong Jisas Kraes. Ol Farasi oli bin kilim ded hem.
- Tabita
-
wan gudfala woman we Pita i givimbak laef long hem
- Tabu Spirit
-
wan long olgeta tri memba blong Godhed. Hem i helpem Jisas Kraes mo Papa long Heven. Hem i gat paoa blong helpem ol ol pipol blong save trutok. Hem i wan spirit mo i no gat bodi blong mit mo bun.