Japta 14

Nikodimas

Nicodemus - ch.14-1

Nikodimas i joen long wan grup blong ol man Jiu we oli bin singaotem olgeta ol Farasi. Hem tu hem i wan lida blong ol man Jiu. Plante Farasi oli no bin bilivim se God i bin sendem Jisas Kraes. Be Nikodimas i bin bilivim from ol merikel we Jisas i bin mekem.

Jon 3:1–2

Nicodemus comes at night to talk to Jesus - ch.14-2

Nikodimas i bin kam wan naet blong toktok wetem Sevya. Jisas i bin talem long hem se i no gat wan man i save go insaed long kingdom blong God sapos hem i no bon bakegen.

Jon 3:2–3

Nicodemus asks Jesus how a person can be born again - ch.14-3

Nikodimas i no andastanem. Olsem wanem nao wan man bae i save bon bakegen? Sevya i bin eksplenem se Hem i stap tokbaot ol samting long saed blong spirit. Blong bon bakegen, wan man i mas baptaes long wota mo kasem presen we i Tabu Spirit.

Jon 3:4–7

Jesus tells Nicodemus He is on earth to prepare a way for all men to return to Heavenly Father - ch.14-4

Jisas i bin eksplenem se oli bin sendem Hem i kam long wol blong helpem yumi evriwan blong gobak long Papa long Heven. Hem i bin talem se Hem bae i safa from ol sin blong yumi mo bae i ded long kros blong mekem se yumi save kasem laef we i no save finis.

Jon 3:12–17

Jesus tells Nicodemus that men need to choose the right to live in the kingdom of God - ch.14-5

Hem i bin talem se yumi nidim blong biliv long Hem mo jusum raet. Sapos yumi mekem wanem i raet oltaem, bae yumi laef blong oltaem long kingdom blong God.

Jon 3:18–21