Ol Skripja Stori
Japta 24: Gel blong Jaeras I Bin Girap long Ded

Japta 24

Gel blong Jaeras I Bin Girap long Ded

Jairus comes to see Jesus - ch.22-1

Wan dei Jaeras, wan lida blong wan jos, i bin foldaon kolosap long ol leg blong Sevya.

Mak 5:21–22

Jairus begs Jesus to bless his daughter so that she will not die - ch.22-2

Jaeras i bin talem se smol gel blong hem we i gat 12 yia i sik tumas. Hem i bin askem strong long Jisas blong i go blesem hem. Hem i biliv se Jisas i save mekem gel blong hem i kam gud bakegen.

Mak 5:23, 42

As Jesus accompanies Jairus home He is stopped by other people - A messenger tells Jairus that his daughter is dead - ch.22-3

Jisas i bin stat blong folem Jaeras i go hom, be Hem i bin stop blong mekem wan woman i kam gud bakegen. Taem Hem i stap toktok long hem, wan man i bin kam talem long Jaeras se hem i let—smol gel blong hem i ded finis.

Mak 5:24–35

Jesus tells Jairus to not be sad but believe in Him - ch.22-4

Jisas i bin harem wanem oli stap talem. Hem i bin talem long Jaeras blong hem i no mas fraet be blong biliv long Hem.

Mak 5:36

Jesus, Peter, James and John arrive at Jairus' house - ch.22-5

Afta Jisas i bin go wetem Jaeras i go long haos blong hem. Haos ia i bin fulap long ol man we oli stap krae from smol gel ia i ded finis.

Mak 5:37–38

Jesus tells the people in Jairus' house that the girl is not dead but sleeping - ch.22-6

Jisas i bin talem long olgeta se gel ia i no ded be hem i stap silip nomo. Olgeta pipol oli laf long Jisas. Oli save se gel ia i ded finis.

Mak 5:39–40

Jesus and others go to the room where the daughter of Jairus is lying - ch.22-7

Sevya i bin mekem evriwan oli aot long haos be ol disaepol blong Hem nomo oli stap, Jaeras, mo waef blong Jaeras. Oli bin go long rum we smol gel ia i stap silip long hem.

Mak 5:40

Jesus raises Jairus' daughter - ch.22-8

Jisas i bin holem gel ia long han blong hem. Hem i bin talem long hem blong i girap. Gel ia i bin stanap mo wokbaot. Papa mo mama blong hem tufala i bin sapraes tumas. Jisas i bin talem long olgeta blong oli no talemaot long eniwan long wanem i bin hapen. Afta Hem i bin talem long papa mo mama blong gel ia blong givim kaekae long gel ia blong kakae.

Mak 5:41–43