Japta 4
Josef mo Enjel
Josef i bin wan man we i gud mo kaen. Hem wetem Meri, tufala i bin rere blong mared. Taem hem i bin faenemaot se Meri bae i bonem wan bebi, hem i no save wanem blong mekem. From bebi ia i no bebi blong hem, hem i bin stap tingting se i gud bae hem i no maredem hem.
Wan naet wan enjel i bin kam long Josef long wan drim mo i bin talem long hem se bebi blong Meri hem i Pikinini Boe blong God. Enjel i bin talem long Josef blong i maredem Meri mo givim nem blong bebi ia Jisas. Jisas bae i Sevya blong wol.
Josef i bin obei long enjel mo i bin maredem Meri.