Ol Samting we Oli Stap Insaed
Ol Risos
Sam long ol infomesen insaed long buk ia oli karemaot long ol buk we oli no skripja, we oli kwotem andanit ia.
Bible Dictionary long Latter-day Saint edition blong King James Version blong Baebol (1979)
Jemes E. Talmej, Jesus the Christ, Edisen 3 (1916)
Teachings of the Prophet Joseph Smith, sel. Joseph Fielding Smith (1976)
I Go long Hem we Bae I Ridim Buk Ia
Ol Niu Testeman Stori oli bin raetem speseli blong yu. Ol stori ia oli bin tekemaot long wan buk we i tabu. Taem yu ridim ol stori ia, tingbaot se hem i abaot olgeta pipol we oli bin laef long taem bifo finis.
Ridim ol stori ia plante taem kasem taem yu save gud olgeta. Bae yu wantem tu blong ridim olgeta long Baebol. Andanit long plante long ol pikja, bae yu save faenem ol refrens we bae i talem long yu wea nao bae yu save faenem stori ia long Baebol o long ol nara buk. Mekem Papa, mama, tija, o wan fren i helpem yu blong faenem stori long ol skripja.
Sapos yu no save wan mining blong wan toktok, yu save lukaotem long seksen blong “Ol Toktok blong Save” we i stap long en blong buk. Sapos yu wantem lanem moa abaot wan ples, yu save lukaotem long seksen blong “Ol Ples blong Save.” Sapos yu no save wan man, lukaotem hem long seksen blong “Ol Pipol blong Save.” Buk ia, i gat tu wan seksen we i gat ol foto blong ol ples long Holi Lan mo wan taem laen blong Niu Testeman.
I Go Long Ol Papa mo Mama mo Ol Tija
Buk ia i save helpem yu blong tijim ol skripja. Yusum ol seksen ia “Ol Toktok blong Save,” “Ol Ples blong Save,” mo “Ol Pipol blong Save” blong helpem ol pikinini blong save gud ol toktok, ol pipol, mo ol ples insaed long buk ia. Ol narafala help we oli stap long buk ia i gat tu ol map, ol foto, mo wan taem laen blong Niu Testeman.
Taem yu tij, serem testemoni blong yu long Baebol. Leftemap tingting blong olgeta we yu stap tijim olgeta blong oli prea mo lukaotem oltaem testemoni blong olgetawan long ol skripja mo long Sevya, Jisas Kraes. Save blong olgeta we yu stap tijim bae i gro i kam antap, taem yu stap ridim long olgeta ol stori long Baebol we oli laekem tumas.