Ol Toktok blong Save
- Aposol
-
wan lida insaed long Jos blong Jisas Kraes we hem i testifae abaot Jisas Kraes mo i stap tijim gospel
- atoriti
-
raet ia blong yusum wan paoa olsem prishud o blong gat raet blong save panisim olgeta we oli no obei long loa
- baptaes [baptaes]
-
wan odinens o seremoni we wan man we i holem prishud atoriti blong God i putum wan nara man i go draon gud long wota mo leftemap hem bakegen. Man i mas baptaes sapos i wantem blong kam wan memba blong Jos blong Jisas Kraes. Luk tu long presen we i Tabu Spirit.
Pikjabaptism - berem [bin berem]
-
blong putum bodi blong wan ded man long wan hol blong ston o long graon mo kavremap wetem graon; blong berem samting long graon we wan man i wantem blong haedem
- biliv
-
blong filim se wan samting i stret o i tru
- blaen
-
no save lukluk
- blesem
-
blong givim ol gudfala samting o helpem wan man
- blesing
-
wan spesel prea we yu askem Papa long Heven blong i givim kamfot o mekem wan man i kam gud bakegen; man we hem i givim prea ia i bin mekem tru long paoa blong prishud we hem i holem. Eni help we yumi kasem long God.
- bodaon [bin bodaon]
-
blong benem hed i godaon blong soem respek
Pikjabowed head - bodi blong mit mo blad
-
ol bodi we ol pipol long wol ia oli gat; we i gat long hem skin, ol bun, ol masel, mo blad
- bodi i jenis
-
wan jenis we i hapen long wan man long sot taem we i mekem i posipol blong hem i save stap long fes blong Papa long Heven
- bos blong hotel
-
man we i mekem bisnis blong wan hotel
- bred [ol bred]
-
sep we oli bekem bred long hem
Pikjaloaf - devel
-
nara nem blong Setan
- disaepol
-
wan man we i biliv long Jisas Kraes mo i traem blong kam olsem Hem
- draon
-
ded from i stap andanit long wota longtaem tumas
- Enjel
-
wan mesenja blong God
- etkwek
-
graon i seksek
- fasin blong sevem man
-
blong sevem yumi from ol sin mo ded, blong yumi save stap wetem Papa long Heven bakegen
- fet
-
blong biliv mo gat tras long Jisas Kraes
- fogiv
-
blong stop blong kros long wan man we i bin mekem nogud o ol samting we i save spolem man
- folem
-
blong mekem wanem narawan i stap mekem
- fulap wetem Tabu Spirit
-
blong gat Tabu Spirit i fulumap trutok long maen mo hat blong wan man
- gadman
-
wan man we i lukaot ol pipol long kalabus; blong lukaot ova long wan man, ples, o samting
- gat kil long bodi
-
wan rabis kil long bodi blong wan man
- giaman
-
blong no talem trutok
- gospel
-
ol tijing blong Jisas Kraes abaot olsem wanem ol pipol oli mas laef blong oli save gobak mo stap wetem Papa long Heven; hem i plan blong Papa long Heven blong sevem man
- hadtaem o tes
-
wan taem we ol pipol oli traem blong pruvum se wan man i bin o i no bin brekem loa
- hanibed (bed blong ol bi)
-
bed we ol bi oli bin mekem. Ol bi oli fulumap hani long ol hol blong bed ia.
Pikjahoneycomb - hat blong king we i gat ol nil
-
rop we i gat sap nil we oli raonem olsem wan hat mo putum long hed blong Jisas
Pikjacrown of thorns - heven
-
ples we Papa long Heven mo Jisas Kraes i stap long hem
- hil
-
wan maonten o bigfala hil
- hol blong ston
-
wan ples we i gat bigfala hol long saed blong hil
Pikjacave - hol blong ston
-
wan ples we oli berem ol dedman long hem
Pikjatomb - holemtaet [bin holemtaet]
-
blong tekova long wan kantri o wan man tru long fasin blong fos
- hotel
-
wan ples we ol pipol oli save kakae mo silip taem oli go long wan trip
- hym
-
wan singsing blong jos o wan singsing blong presem God
- ivel
-
samting we i no gud mo i no kam long God
- jikim
-
blong mekem fani long
- joen
-
blong kam pat blong wan grup
- jusum
-
blong jusum o selektem
- kalabus
-
wan ples we pipol oli brekem loa oli putum olgeta long hem
- kaonsela
-
wan man we i help o givim advaes i go long wan narawan
- kingdom blong God
-
Jos o ples we ol stret mo gud man bae oli stap wetem Papa long Heven afta long laef ia
- koen (selen)
-
wan flat aean, pis mane
Pikjacoin - komanmen
-
samting we God i talem long ol pipol blong oli mekem blong oli save stap glad
- kot
-
wan longfala, kot we oli bin werem ova long ol nara klos
Pikjarobe - krusifae
-
blong kilim wan man taem oli stap hangem hem long wan kros we oli mekem long wud olsem we oli bin mekem long Jisas Kraes
- laef bakegen long ded
-
blong gat ol bodi mo spirit blong yumi i kambak tugeta afta we yumi ded
- laef we i no save finis
-
blong kam olsem Papa blong yumi long Heven mo stap wetem Hem blong oltaem
- lafet
-
wan bigfala kaekae oltaem oli mekem blong wan spesel dei
- les
-
no wantem blong wok
- lid (lidim)
-
blong gaedem ol narawan
- lida
-
wan man we i gaedem mo hem i responsibol long wan grup blong ol pipol
- livim kakae
-
blong no kakae mo dring wota taem yu stap lukaotem ol blesing long Papa long Heven
- lokis (grasopa)
-
wan bigfala bebet we i stap flae we samtaem oli stap yusum blong kakae
Pikjalocust - man blong lukaot long sipsip
-
wan man we i lukaot long sipsip
Pikjashepherd - man blong mekem pis
-
wan man we i helpem ol pipol blong oli no kros long wanwan long olgeta
- man we i mared
-
wan man we i stap mared
- man we i mekem sin
-
wan man we hem i no obei long ol komanmen blong Papa long Heven
- mared
-
wan taem we wan man mo wan woman i mared
- mekem gud bakegen
-
blong mekem wan sikman o man we i harem nogud i kam gud bakegen
- mekem samting
-
blong mekem o planem samting i gro
- memba
-
wan man we i blong wan jos o wan grup
- menja
-
wan bokis we oli putum kaekae blong ol animol blong oli kakae
Pikjamanger - merikel
-
wan sapraes samting we i hapen from paoa blong God
- misin
-
wan spesel taem blong seves blong go mo tijim ol pipol gospel blong Jisas Kraes mo mekem kingdom blong God long wol i kam moa strong
- misinari
-
wan man we hem i go long wan misin; samtaem man ia oli bin kolem hem blong i go long ol nara ples
- neiba
-
wan man we i stap kolosap long hom blong yu; eni nara pikinini blong God
- nildaon [bin nildaon]
-
blong nildaon long ol ni blong yu
Pikjakneeling - no gat kaekae
-
taem kakae i sot from i no gat inaf kaekae we oli planem blong fidim evriwan
- nogud
-
man we hem i ivel
- obei
-
blong mekem wanem we oli bin askem o komandem
- oda
-
blong talem long wan man o wanem samting blong mekem
- oden (odenem)
-
ol man we oli holem prishud atoriti oli putum han antap long hed blong wan nara man blong givim long hem prishud paoa mo atoriti
Pikjaordination - oganaes
-
blong putum long oda Jos blong Jisas Kraes
- ol skripja
-
ol buk we insaed i gat ol toktok blong God we oli givim long ol profet blong Hem
- olta
-
wan tabu ples olsem wan tebol insaed long tempol long taem we Jisas i bin stap laef. Ol pipol oli bin mekem ol sakrifaes long God long olta.
Pikjaaltar - oltaem
-
oltaem
- Ol Waes Man
-
ol man we oli bin kam long Is blong visitim Jisas taem Hem i wan bebi
- paoa
-
strong tingting blong mekem samting. Luk tu long prishud.
- parabol
-
wan stori we i stap tijim wan prinsipol o lesen
- Pasova
-
wan spesel selebresen taem ol man Jiu oli tingbaot olsem wanem God i bin sevem ol pipol blong olgeta long ol man Ijip long taem blong Moses
- ples we i nogat man long hem
-
graon we i gat smol wota nomo mo sam tri o ol animol
- ples we i no gat man long hem
-
wan ples we i no gat ol taon o ol siti mo sam pipol nomo oli stap long hem
- prea
-
blong toktok long God, talem tangkyu long Hem mo askem ol blesing
- prea
-
wanem we oli bin talem taem wan man i prea
- pres
-
blong talem ol gudfala samting abaot wan man
- presen
-
wan gud samting we God o ol narawan oli givim long yumi
- presen we i Tabu Spirit
-
raet blong gat help blong Tabu Spirit; oli givim long wan man afta we hem i baptaes tru long man we i gat prishud atoriti
- pris
-
wan lida insaed long wan jos
- prishud
-
atoriti blong mekem wok long nem blong God
- profet
-
wan man we God i bin kolem hem blong talem long pipol wanem God i wantem olgeta blong mekem
- promes
-
talem se bae yu mekem samting
- revelesen
-
samting we God i talem long ol pikinini blong Hem
- rop we i gat nil
-
wan pat blong wan flaoa we i sap taem yu tajem i save givim kil long yu
- rop blong grep
-
men stamba blong wan tri, olsem wan rop blong grep, we i gat ol branj we oli kamaot long hem. Rop blong grep ia i kipim ol branj ia i laef.
Pikjavine - Sabat
-
wan spesel dei long wik taem ol pipol oli wosipim God taem oli go long jos mo lanem moa samting abaot Hem
- safa
-
blong filim bigfala soa
- sakem sin
-
blong filim sore from samting we yu bin mekem mo blong promes neva blong mekem bakegen
- sakramen
-
wan odenesen we oli blesem mo pasem bred mo wota mo oli pasem long ol memba blong Jos blong oli tingbaot Jisas Kraes mo blong kipim ol komanmen blong Hem. Odinens ia ol man we oli gat prishud nao oli mekem.
- sakrifaes
-
blong livim ol impoten samting mo lukluk long God o ol nara pipol
- salem
-
blong go agensem wan fren o salem hem i go long wan enemi
- sef
-
blong karemaot yumi long ol denja. Jisas i bin ded blong i sevem yumi long ded long bodi mo ol denja blong sin.
- Seken Kaming
-
taem Jisas bae i kam long wol bakegen blong i sevem ol stret mo gud pipol mo smasemgud ol rabis man
- selebret
-
blong tingbaot wan impoten dei blong mekem wan samting we spesel
- Sent
-
wan memba blong tru Jos blong Jisas Kraes
- sin
-
blong no obei long ol komanmen blong Papa long Heven
- soa
-
wan eria long bodi we i soa o i stap blad
- soldia
-
wan man we i mekem folem oda blong wan king o lida
- sora i fas
-
no save harem samting
- spirit
-
wan pikinini blong Papa long Heven we hem i no gat bodi blong mit mo bun
- stil
-
blong tekem samting we i blong nara man
- stilman [ol stilman]
-
man we i stilim ol samting blong nara man
- stret mo gud
-
obei long ol komanmen blong God
- tabu
-
samting we i no toti mo i klin mo God i mekem i tabu blong oli yusum
- tabu
-
eni samting we God i givim long yumi we yumi mas respektem mo gat revren long hem
- taeting
-
mane we oli givim long God blong bildimap Jos blong Hem
- takis
-
mane we ol pipol oli pem i go long gavman
- tempol
-
Haos blong God long wol ia; wan ples blong wosipim God; wan tabu ples we oli bin mekem ol tabu odinens long hem
Pikjatemple - temtem
-
blong traem blong mekem wan man i mekem samting we i rong
- testemoni
-
wan filing o tingting we i kam long Tabu Spirit se gospel i tru
- testifae
-
blong talem long ol nara pipol se yumi save samting i tru
- toktok
-
wan toktok we i go long wan grup blong ol pipol abaot gospel
- transletem
-
blong jenisim ol toktok we oli raetem o talem long wan lanwis i go long ol toktok we i gat sem mining be long wan defren lanwis
- trutok
-
we i tru mo i raet
- visen
-
wan kaen revelesen we i kam long Papa long Heven
- waen
-
wan dring we oli mekem long ol frut blong grep
- waes
-
wan man we i smat tumas mo i andastanem ol pipol, ol loa, mo ol skripja, mo tu, wan we i mekem plan fastaem
- wan jos
-
wan bilding we ol man Jiu oli mit long hem blong wosipim God
- wan man we i gat rabis sik blong skin
-
wan sikman we i gat ol so i kavremap bodi blong hem
- we i no gat en
-
samting we i no gat en; i stap oltaem
- wido
-
wan woman we hasban blong hem i ded finis
- wip
-
wan smol rop; blong yusum olsem wan wip blong wipim wan man o samting long hem
Pikjawhip - wo
-
wan faet bitwin ol enemi
- wokbaot
-
blong go long wan ples i go long wan nara wan
- wokman
-
wan man we i givim seves o i wok blong wan nara man o blong God
- wosip
-
blong presem, lavem, mo obei long God