Japta 47: Ol Ten Yang Gel

Ten virgins wait at the door for the bridegroom - ch.47-1

Jisas i bin talem wan stori abaot ten yang gel we oli bin go long wan mared. Oli bin wet long man we i jes mared blong i kam mo letem olgeta oli go insaed. Oli no save wanem taem bae hem i kam.

Matiu 25:1, 13

The wise virgins have extra oil for their lamps - ch.47-2

Ol ten gel ia oli bin karem wetem olgeta ol kerosin mo laet blong olgeta. Faef long ol gel ia oli bin waes. Oli bin karem spea kerosin wetem olgeta.

Matiu 25:2, 4

The foolish virgins had only the oil in their lamps - A woman stands looking at a lamp she holds in her hands - ch.47-3

Ol narafala faef gel ia oli no waes. Oli bin gat kerosin ia nomo we i stap long ol laet blong olgeta.

Matiu 25:3

The five wise virgins put extra oil in their lamps while the five foolish go to find more oil - ch.47-4

Man we i jes mared hem i tekem longtaem blong kam. Ol kerosin long ol laet blong olgeta i finis. Ol faef gel we oli waes oli gat spea kerosin blong fulumap long ol laet blong olgeta. Ol faef gel we oli no waes oli bin go blong pem sam moa kerosin.

Matiu 25:5–9

The bridgroom comes and the five wise virgins go into the feast - ch.47-5

Taem oli go, man we i jes mared i kam. Hem i bin letem faef waes gel ia oli go insaed long lafet.

Matiu 25:10

The five foolish virgins knock on the door - ch.47-6

Taem ol faef gel ia we oli no waes oli kambak, doa i bin klos. Oli no save go long lafet.

Matiu 25:10–12

Jesus Christ comes again and the righteous members are ready, but other members, like the foolish virgins, are not - ch.47-7

Jisas i olsem man we i jes mared long stori ia. Ol jos memba oli olsem ol ten yang gel ia. Taem Jisas i kambak bakegen, sam memba bae oli rere. Oli bin obei long ol komanmen blong God. Ol narafala wan bae oli no rere. Bae oli no save stap wetem Sevya taem Hem i kambak bakegen.

Matiu 25:13; Luk long Doctrine and Covenants 45:56–57; 88:86, 92; Jesus the Christ, 576–80