Ol Foto blong Holi Lan

(Ol namba we oli stap long ol braket oli ol namba blong japta blong ol stori we i bin tekem ples o i kolosap long ples we oli tekem pikja long hem.)

Betlehem Jisas Kraes i bin bon long siti ia. (5, 7)

Tempol Hemia i wan kopi blong tempol long Jerusalem ples ia nao Jisas i bin tijim gospel long hem mo ronemaot ol pipol we oli salem ol animol blong mekem ol sakrifaes. (1, 6, 9, 11, 13, 45, 56)

Ol step i go long Tempol Hemia i ol stret step we i lid i go long tempol.

Nasaret Jisas i bin groap long siti ia. (2, 4, 9, 17)

Jerusalem Jisas mo ol Aposol blong Hem oli bin spendem plante taem blong tij long siti ia. Jisas i bin ded mo i laef bakegen long ples ia. (6, 39–40, 44–57, 63)

Reva blong Jodan Jon Baptaes i bin baptaesem Jisas Kraes sam ples long reva ia. (10)

Ples we i no gat man long hem long Judia Afta Jisas i bin baptaes, Hem i bin livim kakae mo devel i bin testem Hem long ples we i no gat man long hem. (11)

Sameria Jisas i bin tijim wan woman abaot wota blong laef long wan wel long ples ia. Plante man Jiu oli no bin laekem ol man Sameria. (15, 58)

Galili mo Si blong Galili Plante pipol oli bin biliv se saed blong hil ia hem i ples we Jisas i bin givim Toktok antap long Hil. Si blong Galili i kamaot biaen long pikja. Jisas i bin tijim gospel long plante pipol, wetem ol Aposol blong Hem, kolosap long ples ia. Jisas i bin stopem strong win long Si blong Galili. (18–22, 29, 34, 36)

Kapaneam Ol brokbrok bilding ia hem i siti blong Kapaneam. Jisas i bin mekem plante merikel long siti ia. (23–25, 30)

Sisaria Filipae Long eria ia Jisas i bin testifae long ded blong Hem mo Laef Bakegen long Ded, mo Pita i bin testifae se Jisas Hem i Pikinini blong God. (32)

Jeriko Long parabol blong gudfala man Sameria, wan man we kolosap oli kilim ded hem taem hem i stap wokbaot long rod blong go long siti ia. (35)

Hil Ya Taboro Hemia, ating i ples we bodi blong Jisas Kraes i bin Jenis long hem. (33)

Garen blong Getsemane Jisas Kraes i bin prea, i bin safa from ol sin blong yumi, Judas Iskariot i bin salem Hem, mo oli bin arestem Hem long garen ia. (51, 52)

Golgota Hemia ating i ples we Jisas Kraes i bin ded long hem long kros. (53)

Hol blong Ston long Garen Hemia, ating i ples we oli bin berem Jisas Kraes, i bin laef bakegen long ded, mo i bin toktok wetem Meri Magdalen. (53, 54)