Japta 52

Ol Hadtaem blong Jisas

The men come to take Jesus away - ch.52-1

Ol lida blong ol man Jiu oli bin sendem ol man i go long Garen blong Getsemane wetem ol naef mo ol wud.

Matiu 26:47

Judas Iscariot is with a group of men holding torches - ch.52-2

Judas Iskariot i bin stap wetem olgeta. Ol jif pris oli bin pem Judas blong i soem long ol man ia weaples Jisas i stap long hem.

Matiu 26:14–16, 47

Judas kisses Jesus to betray Him - ch.52-3

Judas i bin soem long ol man ia huia Jisas taem hem i kisim Hem. Ol man ia oli bin tekem Jisas i go. Oli bin jikim mo wipim Hem. Afta oli bin tekem Jisas i go long hae pris ia, Kaeafas.

Matiu 26:48–49, 57; Luk 22:54, 63–65

Jesus is put on trial - ch.52-4

Ol lida blong ol man Jiu oli bin askem kwestin long Jisas. Oli talem se Hem i bin brekem loa blong talem se Hem nao i Pikinini blong God. Jisas i bin talem long olgeta se Hem i Pikinini blong God. Oli talem se Jisas i rong mo i mas ded.

Luk 22:66–71

The Jewish leaders take Jesus to Pontius Pilate - ch.52-5

Ol lida blong ol man Jiu oli no gat atoriti blong kilim Jisas. Oli bin tekem Hem i go long Ponties Paelat, we hem i save givim oda blong oli kilim Jisas i ded. Ol lida blong ol man Jiu oli talem long Paelat se Jisas i bin tijim ol pipol blong oli no obei long loa blong Rom.

Luk 23:1–2

The crowd asks for Barabbas to be released - ch.52-6

Paelat i no ting se Jisas i bin mekem eni samting i rong. Paelat i bin wantem blong lego Jisas i go fri. Bigfala grup blong ol pipol oli wantem blong krusifaem Jisas.

Luk 23:14–21

Pilate can find no reason to kill Jesus ch.52-7

Paelat i stil wantem blong letem Jisas i go fri. Be ol pris mo ol pipol oli gohed blong singaot se oli wantem blong krusifaem Jisas.

Luk 23:22–23

Pilate washes his hands - ch.52-8

Paelat i bin wasem ol han blong hem. Hem i bin talem se hem i no responsibol long ded blong Jisas. Ol pipol oli bin talem se bae olgeta nao bae oli responsibol long ded blong Hem. Paelat i bin talem long ol soldia blong oli krusifaem Jisas.

Matiu 27:24–26