Japta 40

Gudfala Man blong Lukaot long Sipsip

Jesus holding a lamb - He is the good shepherd - ch.39-1

Wan man blong lukaot long sipsip hem i kea gud long ol sipsip. Hem i helpem olgeta blong faenem kaekae mo wota. Hem i no lego olgeta blong oli gat kil o lus. Hem i save olgeta mo lavem olgeta mo bae i givim laef blong hem blong i sevem olgeta.

Jon 10:11–15

Jesus tells the people that the good shepherd gives His life for the sheep - ch.39-2

Jisas Kraes i bin singaotem Hemwan wan Gudfala Man blong Lukaot long Sipsip. Jisas Hem i man blong lukaot long sipsip we i lukaotem yumi. Yumi ol sipsip blong Hem. Hem i lavem yumi. Hem i helpem yumi lanem trutok. Hem i tijim yumi olsem wanem blong stap laef blong yumi save gobak long Papa long Heven. Hem i bin givim laef blong Hem from yumi.

Jon 10:11–15

Jesus tells the people that He has other sheep - ch.39-3

Sevya i bin talem long ol pipol long Jerusalem se Hem i gat ol narafala sipsip. Hem i bin talem se bae Hem i visitim ol narafala sipsip ia. Ol pipol oli no bin andastanem.

Jon 10:16; 3 Nifae 15:21–22, 24

Jesus visits the people in the Americas after His resurrection - ch.39-4

Afta Jisas i bin laef bakegen long ded, Hem i bin visitim ol narafala sipsip blong Hem long Amerika. Buk blong Momon i tokbaot visit blong Hem longwe. Jisas i bin stap longwe blong plante dei, i stap hilim ol sikman mo i stap blesem olgeta pipol. Hem i bin givim prishud long olgeta mo i bin oganaesem Jos blong Hem. Jisas i bin tijim olgeta pipol ia semfala samting we Hem i bin tijim ol pipol long Jerusalem long hem.

3 Nifae 11–28