Japta 58
Saemon mo Prishud
Plante pipol long Sameria oli bin harem mo bin biliv long gospel. Oli bin baptaes, be oli no bin kasem Tabu Spirit.
Pita mo Jon, tufala i bin go long Sameria. Tufala i bin putum han antap long hed blong ol pipol mo givim long olgeta presen we i Tabu Spirit.
Wan man we nem blong hem Saemon i bin luk Pita mo Jon tufala i stap givim long ol pipol presen we i Tabu Spirit. Saemon i bin save se tufala Aposol ia tufala i save givim long ol pipol presen we i Tabu Spirit from tufala i gat prishud. Hem i wantem prishud ia tu.
Hem i wantem givim long Pita mo Jon mane from prishud. Pita i bin talem long Saemon se i no gat wan man i save pem prishud. God i stap givim nomo long ol stret mo gud man. Pita i bin save se Saemon hem i no wan stret man. Hem i bin talem long Saemon blong i sakem sin.