Fasfala Parabol
Sipsip we I Bin Lus
Wan gudfala man blong lukaot long sipsip i bin gat 100 sipsip. Wan long olgeta i bin lus.
Man blong lukaot long ol sipsip ia i bin livim 99 sipsip i stap mo go lukaotem wan we i bin lus. Taem hem i faenem sipsip ia we i lus, hem i bin glad tumas.
Man blong lukaot long sipsip i bin karem sipsip ia i gobak long hom. Hem i bin singaotem ol fren blong hem mo ol neiba blong hem blong oli kam mo glad wetem hem. Hem i bin faenem sipsip we i bin lus.
Jisas Kraes i bin talem long ol Farasi wanem nao mining blong parabol ia. Hem i bin talem se olgeta we oli gat sin oli olsem sipsip ia we i bin lus.
I semmak olsem we man blong lukaot long sipsip ia i wantem blong sevem sipsip ia we i lus , Jisas i wantem blong sevem olgeta we oli sin.
Jisas i bin talem se hemia nao from wanem Hem i stap toktok wetem ol man we oli sin.
Mo semmak olsem man blong lukaot long sipsip i bin glad tumas taem hem i bin faenem sipsip we i lus, nao Jisas i glad tumas taem yumi sakem sin.