Japta 43

Jisas I Mekem Lasaros I Laef Bakegen

Jesus visits Lazarus and his sisters, Mary and Martha - ch.43-1

Wan man we nem blong hem i Lasaros i bin stap long Betani wetem ol sista blong hem, Meri mo Mata. Jisas i bin lavem Lasaros mo tufala sista blong hem, mo olgeta oli lavem Jisas.

Jon 11:1–2, 5

Lazarus becomes very sick while the Savior is in another town - ch.43-2

Lasaros i stat blong sik bigwan. Sevya i bin stap long wan narafala taon. Meri mo Mata tufala i bin sendem toktok i go long Hem se Lasaros i sik tumas.

Jon 11:3

The Savior asks His disciples to go with Him to help Lazarus - ch.43-3

Sevya i bin askem ol disaepol blong Hem blong oli go wetem Hem blong helpem Lasaros. Ol disaepol oli bin fraet blong oli go long Betani. Hemia i kolosap long Jerusalem. Sam pipol long Jerusalem oli wantem blong kilim Jisas.

Jon 11:6–8, 18

Jesus tells His disciples that Lazarus is dead, but He will bring him back to life - ch.43-4

Jisas i bin talem long ol disaepol blong Hem se Lasaros i bin ded. Hem i bin talem se bae Hem i mekem hem i kambak laef bakegen. Merikel ia bae i helpem ol disaepol oli save se Hem i Sevya. Jisas i bin go long Betani. Taem Hem i kasem longwe, Lasaros i bin ded fo dei finis.

Jon 11:11–17, 19

Martha tells Jesus that Lazarus would not have died if He had been there - ch.43-5

Mata i bin talem long Jisas se Lasaros bae i stil laef yet sapos Hem i bin kam kwik lelebet. Jisas i bin talem se Lasaros bae i laef bakegen. Hem i bin askem Mata sapos hem i biliv long Hem. Mata i bin talem yes. Hem i bin save se Jisas Hem i Sevya.

Jon 11:20–27

Mary kneels at Jesus' feet crying - ch.43-6

Mata i livim Jisas i stap mo i go from sista blong hem, Meri. Meri i bin go blong mitim Jisas tu. Plante pipol oli bin folem hem. Meri i bin nildaon, i stap krae, kolosap long ol leg blong Sevya. Ol pipol we oli bin stap wetem hem oli stap krae tu. Jisas i bin askem weaples nao oli putum bodi blong Lasaros long hem.

Jon 11:28–34

Jesus tells the people to move the stone in front of the place where Lazarus is buried - ch.43-7

Jisas i bin go long hol blong ston ia we oli bin berem Lasaros long hem. I bin gat wan ston long maot blong hem. Hem i bin talem long ol pipol blong oli muvumaot ston ia.

Jon 11:38–39

Jesus prays to Heavenly Father - ch.43-8

Jisas i bin lukluk i go antap. Hem i bin talem tangkyu long Papa long Heven blong stap harem ol prea blong Hem.

Jon 11:41–42

Jesus commands Lazarus to come forth - ch.43-9

Afta, wetem wan strong voes, Jisas i bin talem long Lasaros blong i kamaot long hol blong ston ia. Lasaros i bin kamaot. Plante pipol we oli bin luk merikel ia oli jes bilivim nao se Jisas Hem i Sevya.

Jon 11:43–45