Japta 9
Boe Ia Jisas
Jisas i bin groap long siti blong Nasaret. Hem i bin lanem plante samting mo i bin stat blong kam “waes we i waes. Mo oltaem God i stap mekem i gud tumas long hem.”
Taem Jisas i bin kasem 12 yia, Hem i bin go wetem Josef mo Meri long wan grup blong ol pipol long wan selebresen long Jerusalem. Oli bin stap longwe blong samfala dei.
Taem Josef mo Meri tufala i bin aot blong gobak hom, tufala i bin ting se Jisas i bin stap wokbaot i gobak long Nasaret wetem ol fren blong Hem. Be Jisas i bin stap long Jerusalem.
Taem Josef mo Meri i bin lukaotem Jisas, tufala i no faenem Hem. Nogat wan long olgeta long grup i bin luk Hem. I mekem se Josef mo Meri i bin gobak long Jerusalem. Tufala i bin lukaotem Jisas blong tri dei. Tufala i bin harem nogud.
Long en tufala i bin faenem Jisas long tempol, i stap toktok wetem sam tija. Hem i stap ansarem ol kwestin blong olgeta. Ol tija oli bin sapraes long save we Jisas i bin gat.
Luk 2:46–47 No Translation
Meri i bin talem long Jisas se hem wetem Josef tufala i bin wari tumas long Hem. Jisas i bin ansa se Hem i stap mekem wok blong Papa blong Hem—wok blong God. Josef mo Meri tufala i no bin andastanem.
Jisas i bin gobak long Nasaret wetem Josef mo Meri mo i bin obei long tufala.
Jisas i bin lanem plante samting abaot wok blong Papa blong Hem long Heven.
Hem i bin gro bigwan mo strong.
Ol pipol oli bin lavem Hem. Hem i bin mekem wanem God i bin wantem Hem blong i mekem.
God i bin lavem Hem.