Kala glas windo long Nauvu Ilinoa Tempol i kam long Tom Holdman

23–29 Jenuware

Matiu 3; Mak 1; Luk 3

“Yufala I Mekem Rere Rod blong Hae God we I Masta blong Yumi”

Taem yu rid abaot Jon Baptaes mo baptaes blong Jisas Kraes, raetemdaon eni filing mo tingting we yu kasem long saed blong spirit. Kam Folem Mi—Blong Wanwan Man, Woman mo Famli yu save andastanem ol skripja ia mo helpem yu blong sapotem wanem we ol pikinini oli stap lanem long hom.

Invaetem Ol Pikinini blong Serem Wanem Oli Gat

Blong givim wan janis long ol pikinini blong serem wanem we oli bin lanem finis, soem wan pikja blong Jisas we i kasem baptaes. Askem olgeta blong talem long yu, wanem i stap hapen long pikja mo olsem wanem oli filim abaot taem wan i kasem baptaes.

Tijim Doktrin: Ol Smol Pikinini

Matiu 3:13–17

Mi save kasem baptaes olsem Jisas.

?Olsem wanem yu save yusum stori blong taem we Jisas i baptaes blong helpem ol pikinini oli rere blong kasem baptaes?

Samfala Aktiviti we Yu Save Mekem

• Talemsot stori blong Sevya we i baptaes (luk long Matiu 3:13–17; luk long “Japta 10: Jisas I Bin Baptaes,” long Ol Niu Testeman Stori, 26–29, o vidio we i go wetem long ChurchofJesusChrist.org). Eksplenem se Jisas i bin kasem baptaes andanit long wota, tru long wan man we i gat prishud atoriti. Ripitim stori plante taem mo invaetem ol pikinini blong serem evri samting we oli save tingbaot.

• Soem wan pikja blong Jisas we i kasem baptaes mo aktiviti pej blong wik ia. Letem ol pikinini oli poenem ol samting we i semsemmak long tufala pikja. (I gat wan pikja blong Jisas we i kasem baptaes long aotlaen blong wik ia long Kam Folem Mi—Blong Wanwan Man, Woman mo Famli.)

• Luklukbak long ol promes we bae ol pikinini oli mekem taem oli kasem baptaes (luk long Mosaea 18:8–10; Doktrin mo Ol Kavenan 20:37; Gospel Topics, “Baptaes,” topics.ChurchofJesusChrist.org). Askem olgeta wijwan long ol samting ia, oli stap mekem finis.

• Invaetem wan memba blong bisoprik blong talem long ol pikinini abaot baptaes intaviu we bae oli go tru long hem bifo oli kasem baptaes.

• Singsing tugeta wan singsing olsem “Baptism” (Children’s Songbook, 100–101). Tingting blong askem wan pikinini blong lidim ol narafala pikinini taem oli stap singsing.

Yumi save folem eksampol blong Jisas taem yumi kasem baptaes.

Matiu 3:11, 16

Tabu Spirit i stap helpem mi.

Blong ademap long wei blong stap rere blong baptaes, ol pikinini oli stap rere tu blong kasem presen ia we i Tabu Spirit. ?Olsem wanem yu save helpem olgeta?

Samfala Aktiviti we Yu Save Mekem

• Yusum Matiu 3:11, 16 blong tijim ol pikinini se, Tabu Spirit i kam daon long Jisas taem Hem i bin kasem baptaes (wan pijin i kamkamaot olsem wan saen blong soem se hemia i bin hapen). Soem pikja Presen we i Tabu Spirit. (Gospel Art Buk, namba 105), mo eksplenem se, yumi kasem presen we i Tabu Spirit taem yumi kasem konfemesen.

• Karem wan bokis we i gat ol samting olsem, wan pikja blong Jisas, wan wom blangket mo wan kampas o map. Invaetem ol pikinini blong jusum wan aetem, mo letem olgeta oli eksplenem olsem wanem wanwan aetem ia i stap ripresentem wan wei we Tabu Spirit i save helpem yumi—Hem i testifae abaot Jisas (luk long Jon 15:26), we i stap kamfotem yumi (luk long Jon 14:26), mo soem stret rod long yumi (luk long 2 Nifae 32:5).

• Serem eksperiens blong yu long taem we yu bin kasem help we i kam tru long Tabu Spirit.

• Invaetem ol pikinini blong lisin long ol wei we Tabu Spirit i stap helpem yumi, taem oli singsing long wan singsing abaot Hem “The Holy Ghost” (Children’s Songbook, 105).

Tijim Doktrin: Ol Bigfala Pikinini

Matiu 3

Mi bin kasem blesing tru long ol odinens blong Aronik Prishud.

Jon Baptaes i bin gat Aronik Prishud, so taem yumi stap rid abaot hem long Matiu 3 i wan gudfala janis blong tijim ol pikinini abaot Aronik Prishud. Helpem olgeta blong luksave ol blesing mo paoa we i kam long yumi tru long prishud ia.

Samfala Aktiviti we Yu Save Mekem

• Invaetem ol pikinini blong mekem wan lis blong ol diuti blong Aronik Prishud, yusum Doktrin mo Ol Kavenan 20:46, 58–60; 84:111. Askem ol pikinini blong lukaotem long Matiu 3 ol eksampol blong ol diuti blong Jon we hem i bin mekem i hapen. ?Olsem wanem yumi evriwan i save invaetem ol narafala man blong kam long k, olsem we Jon i bin mekem?

• Soem sam pikja blong brata we oli gat Aronik Prishud, mo oli stap mekem ol odinens blong baptaes mo sakramen (Luk long Gospel Art Buk, ol namba 103, 104, 107, 108). Toktok raon long olsem wanem ol odinens ia oli mekem yumi rere blong akseptem Jisas Kraes mo ol blesing blong Atonmen.

• Ridim tugeta Doktrin mo Ol Kavenan 13:1, mo testifae se Jon Baptaes i bin givimbak Aronik Prishud long Josef Smit. Askem ol pikinini long olsem wanem oli bin kasem blesing, from we Aronik Prishud i bin kambak long wol ia.

Matiu 3:13–17; Mak 1:1–11; Luk 3:2–18

Mi save folem long ol kavenan blong mi blong baptaes.

Blong stap lanem abaot stori blong taem we Jisas i baptaes, i givim wan gudfala janis long ol pikinini blong luklukbak long ol kavenan we oli mekem taem oli kasem baptaes mo blong oli tingting strong bakegen blong stap folem.

Samfala Aktiviti we Yu Save Mekem

• Invaetem ol pikinini blong rid, wan afta wan, long Mak 1:1–11. Toktok raon long, from wanem Papa long Heven i wantem yumi blong kasem baptaes. ?From wanem Jisas i bin kasem baptaes, nomata Hem i no nidim blong kam klin aot long sin? Helpem ol pikinini blong faenem ol ansa long ol kwestin ia long Matiu 3:13–15 mo 2 Nifae 31:6–7.

• Go tru long ol kavenan we ol pikinini oli bin mekem long taem oli kasem baptaes, we i stap long Mosaea 18:8–10 mo Doktrin mo Ol Kavenan 20:37. Invaetem ol pikinini blong raetem ol refrens ia long aktiviti blong pej blong wik ia.

• Mekem rere sam kad wetem ol sentens we i majem o, ol pikja we oli ripresentem ol kavenan we yumi mekem taem yumi baptaes. Putum ol kad i fesem graon. Invaetem ol pikinini blong oli kam, wan afta wan, blong stap tanem ova tu kad long wan taem, blong lukaotem wan we i majem kad ia. Afta we wan i maj, invaetem ol pikinini blong serem ol wei we oli bin yusum blong folem kavenan ia.

• Serem olsem wanem taem yu stap folem ol kavenan blong baptaes blong yu, i bin blesem yu.

Matiu3:11, 16

Tabu Spirit i save lidim mi.

Ol pikinini oli stap lanem olsem wanem blong luksave mo folem wanem we Tabu Spirit i taem talem. Helpem olgeta blong andastanem se, blong stap folem ol kavenan, bae i helpem olgeta blong stap klin inaf bae folem Tabu Spirit.

Samfala Aktiviti we Yu Save Mekem

• Askem wanwan pikinini blong ridim wan long ol skripja ia, mo eksplenem olsem wanem Tabu Spirit i tijim yumi abaot wei we Tabu Spirit i stap toktok long yumi: Hileman 5:30; Doktrin mo Ol Kavenan 6:23; 8:2–3; 11:12–13.

• Askem wan pikinini blong ridim Matiu 3:11 ?Hao nao Tabu Spirit i olsem faea? Eksampol, faea i stap kamfot, mo givim laet blong lidim yumi (luk long Jon 15:26; 2 Nifae 32:5).

• Invaetem ol pikinini blong sarem ae blong olgeta mo holem ol han blong olgeta. Afta, brasem han blong olgeta wetem wan feta blong faol o string. Askem olgeta blong talem long yu sapos oli filim. ?Wanem nao aktiviti ia i tijim abaot fasin blong luksave ol filing mo tingting blong Tabu Spirit?

• Invaetem ol pikinini blong serem ol eksperiens we oli bin gat wetem Tabu Spirit. ?From wanem taem yumi stap folem ol kavenan blong yumi i helpem yumi blong gat Tabu Spirit i lidim yumi?

Stap Leftemap Tingting blong Lanem Samting long Hom

Leftemap tingting blong wanwan pikinini blong askem papa mo mama blong olgeta, ol narafala memba blong famli o ol fren abaot baptaes blong olgeta.

Stap Kam Antap long Fasin blong Yumi blong Stap Tij

Lukaotem insperesen blong yuwan. No tekem se ol aotlaen ia oli ol instraksen we yu mas folem taem yu stap tij. Be, yusum olgeta olsem ol aedia blong kasem insperesen taem yu tingting hevi long ol nid blong ol pikinini we yu stap tijim. (Luk long Teaching in the Savior’s Way, 7