27 Febwari–5 Maj.

Matiu 8; Mak 2–4; Luk 7

“Bilif blong Yu i Mekem Yu Yu Gud Bakegen”

Taem yu ridim Matiu 8; Mak 2–4; mo Luk 7 long wik ia, tingbaot ol pikinini we yu stap tijim. Prea se bae Tabu Spirit i givim insperesen long yu long ol aedia we bae i helpem olgeta blong fanemaot ol trutok long japta ia.

Invaetem Ol Pikinini blong Serem Wanem Oli Gat

Askem ol pikinini blong serem wan stori blong Jisas we i stap mekem wan merikel (luk lis blong ol merikel long aotlaen blong wik ia long Kam Folem Mi—Blong Wanwan Man, Woman mo Famli). Yu save soem ol pikja we i go wetem (olsem Gospel Art Buk, namba 40).

Tijim Doktrin: Ol Smol Pikinini

Matiu 8; Mak 2–3; Luk 7

Jisas i gat paoa blong mekem ol merikel.

Taem ridim abaot ol merikel blong hiling we Sevya i bin mekem, tingting hevi long wanem ol merikel we evriwan i serem. ?Olsem wanem nao yu save helpem ol pikinini we yu tijim blong andastanem wok blong fet insaed long ol merikel we Jisas i mekem?

Samfala Aktiviti we Yu Save Mekem

• Serem stori blong man we i paralaes, we i stap long Mak 2:1–12. Blong kasem help, luk long “Japta 23: Man We I No Save Wokbaot” (long Ol Niu Testeman Stori, 57–58, o vidio i go wetem ChurchofJesusChrist.org). Eksplenem se man we i paralaes i no save wokbaot. Helpem olgeta blong luksave se, Sevya i hilim man ia.

• Invaetem ol pikinini blong tokbaot wan taem we oli bin sik. Talem wan long ol stori we Jisas i stap hilim wan sikman olsem Matiu 8:1–4, 5–13, 14–15; Mak 3:1–5; Luk 7:11–16. Invaetem ol pikinini blong talem stori bakegen be long ol toktok blong olgetawan. Testifae se paoa blong Jisas i save hilim, blesem mo kamfotem yumi.

Matiu 8; Mak 2–3; Luk 7

Mi save soem lav long ol narafala wan olsem we Jisas i bin mekem.

Jisas i soem bigfala lav taem i stap hilim ol sik man mo olgeta we oli stap harem nogud. Tingting hevi long olsem wanem yu save tijim ol pikinini blong soem fasin blong stap kaen long ol pipol we oli stap nid.

Samfala Aktiviti we Yu Save Mekem

• jusum wan o moa long wan stori blong Jisas we i stap soem lav long wan we i stap long nid, olsem olgeta long Matiu 8:1–4, 5–13, 14–15; Mak 2:1–12; 3:1–5; Luk 7:11–16. (Luk tu long vidio blong “Widow of Nain” on ChurchofJesusChrist.org.) Serem wan taem we wan i bin soem lav long yu long wan taem we yu stap long nid mo yu bin filim olsem wanem. Invaetem ol pikinini blong serem ol eksperiens blong olgeta.

• Soem vidio “Gordon Hinckley: Lessons I Learned as a Boy” o “The Coat” (ChurchofJesusChrist.org). ?Olsem wanem ol pikinini long ol vidio ia, oli bin folem eksampol blong Jisas ? Invaetem ol pikinini blong serem ol narafala situesen taem we maet wan i bin stap long nid. ?Wanem nao yumi save mekem blong helpem olgeta?

• Singsing wan singsing abaot lav mo fasin blong stap kaen olsem “Mi Mas Kaen GudSTSP, 63).

Aot long Fraet i go long Fet, i kam long Howard Lyon

Mak 4:35–41

Taem mi fraet o stap long denja, Jisas i save helpem mi blong filim pis.

stori blong Jisas i stap mekem stopem wan strong win i save helpem ol pikinini blong save se Hem i save givim pis long olgeta taem we oli filim se oli fraet.

Samfala Aktiviti we Yu Save Mekem

• Helpem ol pikinini blong pikjarem se oli stap insaed long sip taem yu stap rid Mak 4:35–41. (Luk tu long “Japta 21: Jisas I Givim Oda long Ol Win mo Solwota,” long Ol Niu Testeman Stori, 53, o vidio we i go wetem long ChurchofJesusChrist.org.) Askem ol pikinini blong tokbaot wanem nao bae oli save filim sapos oli bin stap long tetaem ia. ?Wanem taem nao ol pikinini oli fraet taem oli stap long sip ia? ?Olsem wanem nao oli faenem kamfot?

• Invaetem ol pikinini blong mekem saon blong strong win mo stop taem wan bae i talem “Yu gat Pis, stap kwaet.” Testifae se, olsem we Jisas i save givim pis long yumi taem i gat strong win aotsaed, Hem i save givim pis insaed long hat blong yumi taem yumi filim nogud insaed.

• Tijim ol aksen long ol pikinini we bae i go wetem nambatri ves blong “Tell Me the Stories of Jesus” (Children’s Songbook, 57), mo singsing long ves tugeta taem yufala i stap mekem ol aksen.

Tijim Doktrin: Ol Bigfala Pikinini

Matiu 8; Mak 2–3; Luk 7

Jisas i save mekem ol merikel long laef blong mi taem mi gat fet long Hem.

Jisas i mekem plante merikel long taem hem i stap mekem seves blong Hem long wol ia. ?Olsem wanem yu save helpem ol pikinini blong save se ol merikel i save hapen tedei?

Samfala Aktiviti we Yu Save Mekem

• Askem ol pikinini blong jusum wan long ol merikel blong ridim mo droem: Matiu 8:1–4, 5–13, 14–15; Mak 2:1–12; 3:1–5; Luk 7:11–16. Invaetem ol pikinini blong eksplenem ol droing blong olgeta long klas. ?Wanem nao yumi lanem abaot Jisas long ol stori ia?

• Askem ol pikinini blong aktem olsem wanem oli filim taem oli sik, harem nogud, fraet o wari. ?Olsem wanem nao Jisas i helpem yumi taem yumi stap gat ol filing ia? Testifae se Jisas i save helpem ol pikinini long ol situesen olsem.

• Invaetem ol pikinini blong serem ol eksperiens, we taem olgeta, o wan narawan we oli save, we i kasem prishud blesing. ?Olsem wan man ia i kam oraet o kasem blesing.

Mak 2:15–17; Luk 7:36–50

Jisas i lavem yumi iven taem yumi mekem sin mo i wantem helpem yumi blong sakem sin.

Ol stori long Mak 2:15–17 mo Luk 7:36–50 i save helpem ol pikinini blong andastanem se Jisas Kraes i lavem yumi iven taem yumi mekem sin. Hem i wantem blong helpem yumi blong sakem sin blong kam moa kolosap long Hem.

Samfala Aktiviti we Yu Save Mekem

• Raetem ?Wanem filing blong Jisas abaot sin? mo Wanem filing blong Jisas long yumi, taem yumi sin? Long bod. Askem ol pikinini blong tingbaot ol kwestin ia taem oli ridim tugeta Mak 2:15–17 mo afta serem ol ansa blong olgeta. (Bae yu wantem blong ridim tugeta “Publican” long Gaed long Ol Skripja [olskripja.ChurchofJesusChrist.org].) ?From wanem hem i impoten blong save se Jisas i lavem yumi, nomata se yumi no stret evriwan? Taem ol toktok blong hem i tijim yumi blong yumi no mas fraet?

• Sam dei bifo klas, invaetem wan pikinini mo wan memba blong famli blong kam long klas, rere bo=long serem wan stori long Luk 7:36–50. Oli save droem ol pikja blong soem ol pat blong stori blong soem long klas. Toktok raon wetem ol pikinini abaot wanem, Lod i wantem yumi blong lanem aot long stori ia?

Mak 4:35–41

Taem mi mi fraet o stap long denja, Jisas i save helpem mi blong filim pis.

Ol pikinini oli nid blong save se Sevya i save givim pis long olgeta taem oli fesem l strong win blong laef—naoia mo long fiuja.

Samfala Aktiviti we Yu Save Mekem

• Askem wan long ol pikinini blong yusum Mak 4:35–41 mo pikja Jisas I Mekem Solwota I Kwaet (Gospel Art Buk, namba 40) blong talem stori blong Jisas we i mekem solwota i kwaet. Askem ol pikinini blong tokbaot wanem bae oli bin filim sapos oli bin stap long tetaem ia.

• Invaetem ol pikinini blong oli serem ol eksperiens blong olgeta taem oli bin filim pis afta we oli prea from help. Rimaenem olgeta se pis ia i kam tru long Sevya.

• Givim long wanwan pikinini wan pepa ren klaod, mo askem olgeta blong raetem wan tes blong laef we wan i stap fesem long pepa ren klaod ia. Putum wan pikja blong Jisas long bod mo kavremap wetem ol pepa klaod ia. Invaetem wan pikinini blong karemaot wanem klaod mo talem ol wei we yumi save mekem blong helpem wan wetem tes blong laef ia we i stap long pepa, blong faenem pis. Taem we oli karemaot evri klaod, testifae long paoa blong Sevya blong mekem solwota i kwaet.

Stap Leftemap Tingting blong Lanem Samting long Hom

Helpem ol pikinini blong raetemdaon aksen blong seves bae oli mekem long wan narawan long wik ia.

Stap Kam Antap long Fasin blong Yumi blong Stap Tij

Ol pikinini oli laekem blong muvmuv. Long sam taem, bae yu filim se paoa blong ol pikinini i mekem se i had blong oli lanem samting. Be yu save mekem ol aktiviti we i go wetem wanem we oli save mekem, taem yu invaetem olgeta blong aktem wan stori o mekem ol aksen we i go wetem samting we i hapen insaed long wan singsing o skripja. (Luk long Teaching in the Savior’s Way, 25.)