Te Kabanea n Katairiki

Kanuringau,iroun Walter Rane

Meei 29–Tuun 4

Mataio 26; Mareko 14; Ioane 13

“Bwa Kauringan”

Ngkai ko wareka Mataio 26; Mareko 14; ao Ioane 13, noori iango aika ko namakini bwa e na kakabwaiaia ataei ake ko reireinia.

te aikaon ibukin te tibwatibwa

Kaungaa te Tibwatibwa

Kaoti tamnei bobotaki inanon mwakoro aikai, n aron Bookin tamnei te aro, nambwa. 54–55, ao kaoia ataei bwa ana kaeka iaon te bwai ae riki n te tamnei.

te aikaon ibukin te anga reirei

Reirei te Reirei: Ataei aika a Uarereke Riki

Mataio 26:26–29; Mareko 14:22–24

Te toa e buokai bwa N na iangoa aron Iesu.

Buokiia ataei bwa a na ataia ae kanakin te toa bon te tai n uringa ana mwakuri Iesu ibukira.

Waaki ni Kakukurei aika a Kona ni Karaoaki

• Kakimototoa karakinan Iesu ni kabwarabwaran te toa. Ko kona n kabonganai “Mwakoro 49: Moan karaon te Toa” (inanon Karaki man Nu Tetemanti, 124–26, ke te tamnei iaon ChurchofJesusChrist.org), kee te tamnei iaon “Te toa” (ChurchofJesusChrist.org). Bukin tera ti anaa te toa? Buokiia ataei bwa a na ataia ae ti uringa Iesu n tain te Toa.

• Kaota nakoia ataei te kariki ao te mwangko n ran. Tuangiia bwa tera ae e tei ibukin te kariki ma te ran. Kabwarabwarai kanikina aikai n buokiia n uringa bwa E mate Iesu ibukira ao e uti man te mate.

• Tuangiia ataei bwa a na kamakii mataia ao n iangoa aia koraki, ao ngkane tuangiia bwa a na tuangko rongorongon te aomata anne. Tuangiia bwa a na manga kamakii mataia, a na iangoa te Tia Kamaiu, ao n tibwai bwaai ake atai ibukina. Kaungaia bwa a na iangoa Iesu n tain te toa ni katoa wiiki.

• Kaoiia ataei bwa a na kaota nakoia te bwai ae a urinnga iroun Iesu ao ni karinerine n tain te toa. Buokiia ataei ni karaoa te boki ae uarereke are e kabwarabwara te mwakuri ni kauring n te wiki aei ao ni kabongana n iango Iesu n tain te toa. Angania bwa ana kakaea Ana bebwa n wareware te ekaretia ibukin tamnein Iesu ao ikoti n teuana bwa ana kona nori inanon tain te toa.

Ioane 13:34–35

I kona n tangiriia aomata n aron are karaoia Iesu.

Iesu e kaota Ana tangira man tabeakinaia aomata. Tera taai aika a kona ni karaoa te mwakuri n ibuobuoki am ataei?

Waaki ni Kakukurei aika a Kona ni Karaoaki

• Kaoti tamnei karaki are a tia n reiakina ataei n te ririki aio ngke Iesu e kaota iai ana tangira nakoia tabeman (noori kabwarabwara ake mai imwaina n Nakomai, Iriirai—Ibukiia Aomata n Tatabemaniia ao Utu). Wareka Ioane 13:34–35, ao buokia ataei n taekina man kaokioka te mwakoro n taeka ae “Ngkana I tangiriko, … tangiria raom.” Ti na kanga ni kaota ara tangira ibukiia ara utu ma raoraora?

• Kaoia te ataei temanna bwa e na taua tamnein te tia kamaiu ao ni kabane ataei ana anenea te kuna iaon ana tangira te tia kamaiu, n aron “Tangira raom” (Aia booki ataei n Anene, 136). Anga te beeba aika aati nakoia ataei ao tuangiia bwa a na korei tamneia ae a karao te mwakuri ni kaota aia tangira ibukin temanna.

te aikaon ibukin te anga reirei

Reirei te Reirei: Ataei aika a Ikawai Riki

Mataio 26:26–29; Mareko 14:22–24

Te toa e buokai n uringa Iesu Kristo ao Matena ibukiu.

Ko na kanga ni buokiia ataei ni karekea te taneiai ae tamaroa n tain te toa?

Waaki ni Kakukurei aika a Kona ni Karaoaki

• Kaoia ataei bwa ana ikaruoruo n warekan te kibu inanon Mataio 26:26–29 or Mareko 14:22–24 (noora naba Ana rairairi Iotebwa Timiti, Mareko 14:20–24 [mai buki n te Bwaibara]) ao Reirei ao Berita 20:75–79. Tera taeka ma iango aika titebo ni kiibu aika uoua aikai?

• Tuangiia ataei bwa tera ae a kona ni karoaia n iango Iesu n tain te toa. Buokiia kakaei kiibu ma taeka ma anene n toa are a kona ni wareki a nt ain te toa, ao ni korei iaon te beeba are a kona n taraia ataei n tain te bootaki n toa. Anenei tabeua kuna ma ataei (noora Anene, nos. 169–97).

  ataei a kana te toa

  Te toa e buokira ni uringa Iesu Kristo ao Matena ibukira.

• Korei ointaeka man te tataro n toa iaon te burakibooti, ao buokiia ataei ni kamatenanoa. Tera ae nanonaki n taeka ke kibuntaeka aikai? Bukin tera e kakawaki kabouan ara berita ni katoa wiiki?

• Kaoa te ataenimmwane ae iai iroun te Nakoanibonga ae te Aaron bwa e na tuangiia ataei arona ni katauraoi, kakabwaia, ke ni kabuta te toa. Tera ae buokia n ana katauraoi? Tera ana namakin ngkana e karaoia? A kanga te kariki ma te ran ni kauringiia te Tia Kamaiu?

• Kaoiia ataei tabeman ake a tia ni bwabetitoaki bwa a na tibwaua te bwai are a uringa miin karaoan te bwabetito. Tera ae a namakinna? Tera berita aika a karaoi? (noora Motiaea 18:8–10). Tuangiia bwa ni katoa wiiki ngkana ti kana te toa, ai aron ae ti a manga bwabetioaki naba—a kabwaraaki ara bure, ao ti kaboui ara berita.

Ioane 13:1–17

Iesu Kristo e kaotia nakoira bwa ti na kanga n buokia tabeman.

Rongorongon te Tia Kamaiu ngke e teboki waeia Ana reirei e kona ni kaungaia ataei n beku ma te tangira ibukiia aomata.

Waaki ni Kakukurei aika a Kona ni Karaoaki

• Tabeua bong imwain te tai Ioane 13:4–9 ao tibwaua kanoan te booki ma kain te kiraati man ana iango Betero. Tera ae kataia n reirei te Tia Kamaiu nakon Betero ao Abotoro? A kona n marooroakina ataei baika a reiakinna man karakinan Iesu Kristo aio. Tera ae ti reiakinna man buokaia tabemwang?

• Wareware ni kabane Ioane 13:12–17. Tuangiia ataei bwa a na korea rongorongon te tai are te Tia Kamaiu e beku ibukiia aomata. Kaungaia bwa a na taekin reireiaia man Ana katooto. Ngkana a kainnanoa te ibuobuoki, a kona n tarai katooto n te tamnei ae “Katein Kristo” (ChurchofJesusChrist.org). Tuangiia bwa a na tibwauai bwaai ake a korei ma kaain te kiraati.

Ioane 13:34–35

Ana reirei Iesu Kristo a tangiriia aomata n ai Arona.

Ngkana ti bwabetitoaki, ti karaoi berita aika tabu bwa ti na riki bwa ana reirei Iesu Kristo. Inanon Ioane 13:34–35, Te tia Kamaiu e kabwarabwara bwa tina kanga n kaotia ae ngaira bon taan iriria.

Waaki ni Kakukurei aika a Kona ni Karaoaki

• Koroboki iaon te burakibooti temanna; ngkana iai irou ngkoe (Ioane 13:34). Kaoiia ataei bwa a na kakaei kiibu ao n kanoaa te bwangabwanga. Tera riki bwaai aika ti kona ni karaoi ni kaotiabwa ngaira taan iriira Kristo? Ataei a kona n iangoi riki taeka tabeua ae e na kona n katabwanina te kibuntaeka iaon te burakibooti, n aron Ibuobuoki ao Buokia ke Reireinia ao Tuangia.

• Kaoia ataei bwa ana wareka Ioane 13:35 ao ni iangoia tabemwanga ake ataia ae bon ngaia ana banna ao ana reirei te tia kamaiu. Tuangiia bwa a na tibwaa aroia aomata aikai ni kaota aia tangira n aron are E karaoia te Tia Kamaiu.

te aikaon ibukin te kamatebwai

Kaungaa te Kamatebwai n te Mweenga

Kaoia ataei bwa ana iangoa te bwai ae a tangiria ni karaoia ibukin te bwai ae a reiakinna n te kiraati. Te katooto, a kona n tibwaa aron aia ururing iroun Iesu Kristo n tain te bootaki n toa.

Kanakoraoan Ara Anga reirei

Kaota te koaua nakoia kain te kirati. Te koaua e kona n rangi ni bebete n ai aron ae “I ataia bwa Tamara are i Karawa e tangiri ngkami” ke “I namakina te kukurei inanou ngkai I reiakina aron Iesu Kristo.”

iteraniba ibukin waaki ni kakukurei: te toa