Te Kabanea ni Katairiki

Te Kabanea ni Katairiki, iroun William Henry Margetson

Tuun 5–11

Ioane 14–17

“Kam Na Maeka n Tangirau”

Tataro bwa ko na ata kainnanoia ataei ake ko reireinia ngkai ko wareka John 14–17. Nakomai, Iriirai—Ibukiia Aomata n Tatabemaniia ao Utu e kona ni buokiko ni boutokaa am kamatebwai, ao te karaki aio e kona ni kauki iango n aron reireinakiia ataei n am kiraati.

te aikaon ibukin te tibwatibwa

Kaungaa te Tibwatibwa

Buokaia ataei bwa a na tibwa reireiaia ni mweengaia, tuangiia ataei bwa a na taui aati beeba ao n tibwaa te bwai ae e na karaoia ni kaota te tangira nakoia aomata.

te aikaon ibukin te anga reirei

Reirei te Reirei: Ataei aika a Uarereke Riki

Ioane 14:15

I kaota au tangira ibukin Iesu Kristo man kawakinan Ana tua.

Buokiia ataei bwa a na kona ni kaotia nakon te Tia Kamaiu bwa a Tangiria man kawakinan Ana tua.

Waaki ni Kakukurei aika a Kona ni Karaoaki

• Buokia ataei bwa ana taekini reirei n Ioane 14:15. Tuangiia bwa a na taekina ae “Ngkana kam tangirai” ngkana ko tabeka te beeba ae te aati. Tuangiia bwa a na taekina “Tou mwiin au tua” ngkana ko kaotii ieta kiibu.

• Buokiia ataei n iangoi tabeua ana tua Iesu. Kaoiia bwa a na kakaei kawai ni kawakin taian tua. Kaota am koaua bwa bwaai aikai a kaota ara tangira ibukin Iesu Kristo.

• Bootaki n anenea te kuna ae taekin tuua, n aron “Keep the Commandments” (Aia Boki n Anene Ataei, 146–47).

• Karaoa te takakaro man te iteraniba ibukin te mwakuri ni kauring ma ataei.

Ioane 14:26–27; 15:26; 16:13–14

Te Tamnei ae Raoiroi e buokai.

E reirei nakoia Ana reirei koaua aika kakawaki n te Tamnei ae Raoiroi. Iangoia bwa a na kanga reirei aikai ni kona ni buokiia ataei aika ko reireiniia.

Waaki ni Kakukurei aika a Kona ni Karaoaki

• Kaoti tamnei Te kabanea n Amwarake (Gospel Art Book, nambwa. 54). Kabwarabwara nakoia ataei bwa n te Kabanea ni Katairiki, ao Iesu e reireiniia Ana reirei taekan te Tamnei ae Raoiroi. Tibwai tabeua koaua are E reirei man Ioane 14:26–27; 15:26; 16:13–14.

  Iesu e taetae nakoia ana reirei

  Te Kabanea ni Katairiki, iroun Clark Kelley Price

• Tibwa rongorongom ngke te Tamnei ae Raoiroi e anganiko te rau, e kairiko, ke e buokiko n ataa te koaua. Kaota am koaua bwa te Tamnei ae Raoiroi e kona ni buokiia ataei ni kawai aika ti tebo.

• Ma am ataei, anenea te kuna ae taekina te Tamnei ae Raoiroi, n aron “The Holy Ghost” (Aia Boki n Anene Ataei, 105). Kaoiia ataei bwa a na kakauongo nakon bwaai ake a taekinaki n te kuna are e karaoi te Tamnei ae Raoiroi.

Ioane 17:3

I kona n ataa Tamara are i Karawa ao Iesu Kristo.

E reirei Iesu Kristo bwa “te maiu ae akea tokina” bon kinaakin “te Atua ae koaua, ao Iesu Kristo.” Ngkai ataei aika ko rireiniia a Kinaia, a na karekea te korakora n te maiu n tamnei are e na kakabwaiaia inanon maiuia ao ni buokiia ni karekea te maiu ae akea tokina.

Waaki ni Kakukurei aika a Kona ni Karaoaki

• Wareka Ioane 17:3, ao tuangiia ataei bwa a na kakauongo bwa tera ae e tangiria Iesu bwa ti na ataia. Kaotii tabeua tamnei ake a tei ibukin kawai ake a na kinaa Tamara are i Karawa ao Iesu Kristo, n aron tamnein booki aika tabu, te utu ae a bootaki ni kamatebwai, ao te aomata ae beku ibukin raona. Kareei taian tamnei, ao kaoiia ataei bwa a na ikaruoruo ni kaetii tamnei ao ni kabwarabwara bwa tera te bwai are inanon te tamnei. A kanga rongorongo aikai ni buokiira ni kinaa riki Tamara are i Karawa ao Iesu Kristo?

• Maroro ma ataei iaon bwaai ake a karoai ni kinaia riki raoraoia. A na kanga ni kinaa Tamara are i Karawa ma Iesu Kristo? Tibwai kawai ake ko karaoa nanon aei.

te aikaon ibukin te anga reirei

Reirei te Reirei: Ataei aika a Ikawai Riki

Ioane 14:15; 15:10–14

I kaota au tangira ibukin Iesu Kristo man kawakinan Ana tua.

Ngkana ko wareki kiibu aikai n am kamatebwai, iangoia ataei ake ko reireiniia. A na kanga ni kakabwaiaki ngkana a ataia bwa aia ongeaba nakon te Tia Kamaiu bon kaotan aia tangira Ibukina?

Waaki ni Kakukurei aika a Kona ni Karaoaki

• Kaoiia ataei ni tibwai kawai are Iesu E kaota ana ongeaba nakon Tamara arei Karawa. Kaota tamnein maiun te Tia Kamaiu (taraa Boki n Tamnei n te Euangkerio, nambwa. 34–35, 56–57). Tuangiia ataei bwa a na maroroakin taai ake a ongeaba iai nakon Tamara are i Karawa.

• Kaoa te ataei bwa e na wareka Ioane 14:15. Tuangiia ataei bwa a na korei tamnei aika tamneia aomata aika a kawakina te tua, ao ataei ake tabeman a keetinna bwa tera ae e korea tamneina. Te katooto ibukin tuua, taraa Ibukin Kakorakoraia Kairake te boki ae uarereke (2022). E na kanga kawakinan tuua ni kaotia nakon te Tia Kamaiu bwa ti Tangiria?

Ioane 14:26; 15:26; 16:13

Te Tamnei ae Raoiroi e kairi, e karau nano, ao e kaota te koaua.

Ataei ake ko reireiniia a na tia ni karekea te Tamnei are Raoiroi? Tera ae a ataia n ana mwakuri n ibuobuoki te Tamnei ae Raoiroi? Iangoia bwa a na kanga n oota n taben te Tamnei ae Raoiroi.

Waaki ni Kakukurei aika a Kona ni Karaoaki

• Anga kiibu aikai bwa a na wareki ni kakauoman ngaiia: Ioane 14:26; 15:26; ao 16:13. Tuangiia bwa a na kakaei taeka ake a reireiniia ana mwakuri te Tamnei ae Raoiroi. Tuangia bwa a na korei taeka iaon te burakibooti.

• Tibwa te rongorongo are ko kairaki iroun te Tamnei ae Raoiroi, e karaua nanom, e anganiko te kauring, ao e kaota te koaua nakoim. Kaoiia ataei bwa a na tibwaua te bwai ae a tia n rinanona. A kanga ni kinaa korakoran te Tamnei ae Raoiroi?

• Kaoiia ataei bwa a na korea tamneia n te kaatibooti. Kaura te tooti, ae tei ibukin te Tamnei ae Raoiroi, nako nanon taian baeki. Ao karin bwaai inanon te baeki are e na tuuka te oota, n aron moti ni kunnikai, n reirei bwa bwaai aika kairua a kona n tuuka ana ibuobuoki te Tamnei ae Raoiroi inanon maiura. Tuangiia ataei bwa a na butii bwaai man aia baeki bwa tein te rairanano.

Ioane 15:1–9; 17:3

Tamara are i Karawa ao Iesu a tangirai bwa N na Kakoauaia.

Ko na kakabwaiaia ataei ngkana ko buokiia ni kaaniia ma Tamara are i Karawa ao Iesu Kristo.

Waaki ni Kakukurei aika a Kona ni Karaoaki

• Kaota te aroka (ke tamneina) n aia tai n wareware ataei n tain kibu man Ioane 15:1–9. N te aro raa ae Iesu Kristo kanga te aroka ae te kureebe? Ti kangaa ngaira n riki bwa mwaanga? Tera ae ti kona ni karaoia n “tiku,” ni kaaniia, te Tia Kamaiu?

• Kabaibati wareka Ioane 17:3. Tuangia ataei bwa tera ae a karaoia bwa a na kinaa Tamaia are i Karawa ma Iesu Kristo. Tibwaa arom ni KinaIa.

te aikaon ibukin te kamatebwai

Kaungaa te Kamatebwai n te Mweenga

Kaungaia ataei bwa a na tibwauaia ma aia utu te kuna ae a tibwa kakamatea n aia reirei ke n taatain te anene.

Kanakoraoan Ara Anga reirei

Kataneiai ni Waaki ni Kakukurei. Ngkana ko reireiniia ataei aika a uarereke, ko kona ni karekei iango are ko kona ni kangaraoia nakon am kiraati irouia ataei ake a ikawai riki. N aron aei, mwakuri ni kauring a kona ni kangaraoaki nakoia ataei ake a ikawai riki.

iteraniba ibukin waaki ni kakukurei: I kaota au tangira ibukin Iesu Kristo man kawakinan Ana tua