Ecce Homo, iroun Antonio Ciseri

Tuun 19–25

Mataio 27; Mareko 15; Ruka 23; Ioane 19

“E a Tia”

Waakina am katauraoi mani warekan Mataio 27; Mareko 15; Ruka 23; ao Ioane 19. Tataro mwaaka bwa ko aonga n atai kainnanoia am ataei.

Kaunga te Tibwatibwa

Tuangiia ataei bwa a na ikaruoruo n taua te tamnei man te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu. Ngke e taua te tamnei, ataei a kona ni tibwai bwaai ake a noori n te tamnei.

Reirei te Reirei: Ataei aika a Uarereke Riki

Mataio 27:11–66; Ruka 23; Ioane 19

Ibukina bwa e mate ibukiu, N na mangauti.

Ataei ake a uarereke a kona n kainano man ni karakinan Taurakin Iesu. “Mwakoro 52: Bowian Iesu” ao “Mwakoro 53: E tauraki Iesu” (n Nu Tetemanti Stories, 133–38, ke tamnei ake a irekereke ChurchofJesusChrist.org) kakaea aron am angareirei are e na aki reke irouia te un am ataei.

Waaki ni Kakukurei aika a Kona ni Karaoaki

• Kaota the tamnei n te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu ngkai ko taekina ana bowi Iesu, tiringakina, ao taunakina (taraa naba Boki n Tamnei n te Euangkerio, nambwa. 57–58). Kaoiia ataei bwa a na tibwauai baike a atai ibukin karaki aikai. Kabwarabwaraa bwa n te katenibong, E uti Iesu. Ke nanon aei, E a manga maiu.

• Tuangiia ataei bwa a na taekin bwaai aika a kakaraoi aika karo ake a tuia kona ni karaoia ibon irouia. Kaota tamnein te Tia Kamaiu. Kabwarabwara bwa ngkai e a tia n uti Iesu, ti a kona ni mangauti—aio te bwai ae tiaki kona ni karekea bon iroura.

• Kaota tamnein te aomata ae e a tia ni mate. Kaota am koaua bwa ibukin e a tia n uti Iesu te aomata e a kona ni manga maiu.

Te Taunimate, iroun Carl Heinrich Bloch

Mataio 27:26–37; Ruka 23:34

I kona ni kabwarai aia bure aomata n ai aron are karaoia Iesu.

Ko na kanga ni buokiia ataei bwa a na kona ni kabwarai aia bure aomata ake aki ako, n aron are karaoia Iesu?

Waaki ni Kakukurei aika a Kona ni Karaoaki

• Kabwarabwara aroia tautia n aki ako nakon Iesu (taraa Mataio 27:26–37), ao wareka Ruka 23:34. Kabwarabwara bwa ngkana ti kabwarai aia bure aomata, ti aikoa un irouia ao ti kaota te tangira nakoia.

• Kaoti katooto n ana taeka te aomata ke ana mwakuri n aki ako. Kaoiia ataei bwa a na maroroakin te kabwara bure ngkana a riki aaro aikai.

• Bootaki anenea te kuna ae taekina te kabwarabure, n aron “Help Me, Dear Father” (Aia Boki n Anene Ataei, 99). Tabeki titiraki aika a kona ni kaekaki n te anene, n aron “Antai ae N na kabwara ana bure?” ke “Antai ae kona ni ibuobuoki ngkana e matoa te kabwara bure?”

• Kakaea te Rao ae booureirei ni kakaea karakinan te ataei ae e kabwara ana bure temanna. Tibwaua te karaki aei ma ataei.

Ruka 23:32–33, 39–43

Ibukina bwa e maraki ao e mate ibukiu, I kona n raira nanou ao ni kabwaraaki au bure.

E boni ngae ngke ataei ake iaan waniua te ririki a tuai roko n te roro ni bukintaeka, e kakawaki bwa a na ataa aron te rairanano mani kairua ake a karaoi.

Waaki ni Kakukurei aika a Kona ni Karaoaki

• Kakimototoa Ruka 23:32–33, 39–43, ao buokiia ataei ni kakaeia uoman taan iraa tamnei 57 n te Boki n Tamnei n te Euangkerio. Kabwarabwaraa bwa te moan tia iraa e waningarea Iesu, te kauoman n tia iraa e kariaia burena—e waaki ni karaoa te rairanano.

• Wareka Reirei ao Berita aika Tabu 19:16 nakoia ataei. Bukin tera e karawawataaki Iesu ibukira?

• Kaota te tamnei ae “The Shiny Bicycle” (ChurchofJesusChrist.org). Kabwarabwara bwa ti kona n tataro nakon Tamara are i Karawa bwa E na kabwarai ara bure ao ara kairua ao ni karekea kabwaraan ara bure.

• Tuangiia ataei bwa a na koroboki iaon te burakibooti bwa e na tei ibukin kairua. Ao tuangiia bwa a na kamaunai bwa e na tei ibukin te rairanano. Kaota tamnein te Tia Kamaiu, ao kaota am koaua bwa ti kona n rairanano.

Reirei te Reirei: Ataei aika a Ikawai Riki

Mataio 27:11–66; Ruka 23; Ioane 19

Iesu Kristo e mate ibukiu ibukina bwa E tangirai.

Bukin tera ko kaitau ngkai E mate Iesu Kristo ibukim? Iangoia bwa tera am ibuobuoki nakoia am ataei bwa aonga n ataa kakawakin maten te Tia Kamaiu ibukiia.

Waaki ni Kakukurei aika a Kona ni Karaoaki

• Korei oi n rongorongo man Mataio 27:11–66 iaon mwakoro ni beeba (te ibuobuoki ibukin aei, taraa “Mwakoro 52: Bowian Iesu” ao “Mwakoro 53: E tauraki n te kaibangaki Iesu,” n Karaki man te Nu Tetemanti, 133–38, ke tamnei ake a irekereke ChurchofJesusChrist.org). Kaoiia ataei bwa a na kamatebwai kiibu aikai ao n karinan rongorongon n taai ake a riki iai.

• Tuanga te ataei bwa e na wareka Mataio 27:54, ao kaoiia ataei bwa ana tibwaua rongorongon Iesu are e kaotaki iai bwa boni Ngaia Natin te Atua.

• Tuangiia ataei bwa tera ae a reiakinna n te Taurakin Iesu man “Behold the Great Redeemer Die” (Anene n Taromauri, nambwa. 191) ke n te anene n taromauri riki teuana. Bukin tera e anga nanona Iesu bwa e na mate ibukira? (taraa Reirei ao Berita aika Tabu 18:10–11; 19:16).

Mataio 27:26–37; Ruka 23:34

I kona ni kabwarai aia bure aomata n ai aron are karaoia Iesu.

E matoatoa kabwaraan aia bure tabemwaang. Ataei ake a reireiniia a na kakabwaiaaki ngkana a iriira ana katooto te Tia Kamaiu ao n reiakina te kabwarabure.

Waaki ni Kakukurei aika a Kona ni Karaoaki

• Kaoiia ataei bwa a na ikaruoruo n wareka rongorongoia tautia ake aki ako nakon Iesu ni Mataio 27:26–37 ao Iesu e kabwarai aia bure n Ruka 23:34. (Taraa te nonoori are e reke man Ana Rairairi Iotebwa Timiti n Ruka 23:34, te bwai ae e na taraaki i nano c.) Tera ae ti reiakinna n ana katooto Iesu?

• Korea iaon te burakibooti Tera ae ko kona ni karaoia ni kabwara ana bure te aomata ae aki ako nakoim? Tuangiia ataei bwa a na ikaruoruo ni korei aia iango n te burakibooti, n aron Tataro ni karekea tangiran te aomata anne ke Iangoa tamaroan te aomata anne.

Ruka 23:32–33, 39–43

Ibukina bwa e maraki ao e mate ibukiu, I kona n raira nanou ao ni kabwaraaki au bure.

Te reirei aei bon te tai ae tamaroa ni kaota am koaua bwa ngkai iai Iesu Kristo, ti kona ni rairananora man ara bure ao ni kabwaraaki ara bure.

Waaki ni Kakukurei aika a Kona ni Karaoaki

• Kaoa te ataei bwa e na kabaibati ni wareka Ruka 23:32–33, 39–43. Kabwarabwara bwa uoman aomata ake a tauraki irarikin Iesu bon taan iraa. Tera aron temanna te tia iraa are e moan ana rairanano? Tera ae ti kona ni karaoia ni kaotia bwa ti rairanano? (Taraa te Kairi nakon Koroboki aika Tabu, “Rairananom, Rairanano,” scriptures.ChurchofJesusChrist.org.)

• Korea kibuntaeka aikai iaon te burakibooti, katikui mwaawa ibukin taeka ake a rara: “E kona n kabwaraaki au bure ngkana I raira nanou ao e reke aio man Ana mwakuri ni kamaiu bon Iesu Kristo.” Anga te ibuobuoki nakoia ataei ngkae a kakaei baika a bua.

• Kaoa te ataei bwa e na taua te baeki, ao ni karin inanon atibu ngkana e bure aia reke ataei. Buokiia ataei ni kabotaua te baeki ao te rawawata are ti uotia ngkana ti bwaka n te bure. Bukin tera te rairanano ai aron kanakoan taian atibu mai nanon te baeki? Ko kona ni kauringiia ataei bwa te rairanano bon tiaki te bwai ae karaoaki tii te taina ma e karaoaki n te bong ae koraki.

• Taraa teuana te maekatiin ae te Rao ao kakaea te karaki are reirei te rairanano, ao tibwauaia ma ataei.

Kaungaa te Kamatebwai n te Mweenga

Kaungaia ataei bwa a na iango raoraoia are a riai ni kabwara ana bure ao ni karaoa ae tamaroa nakon te aomata anne bwa kaotan bwaran ana bure.

Kanakoraoan Ara Anga reirei

Reiakinna ni kinaa te kaotioti. Te kaotioti e roko “teutana imwin teutana” (2 Nibwaai 28:30), e aki reke ni kabane n tii te taina. Ngkai ko tataro ao n iangoi taekan koroboki aika tabu, ko na kunea bwa a kona n roko iango ao namakin n te tai ae aki baireaki ao n taabo nako—ngkai ko mwananga ni mwakuri, ngkai ko karaoi tabem ni mweengam, ke ngkai ko reitaki ma am utu ao raoraom.