Maudi a Pangrabii

Pakalaglagipan Kaniak, ni Walter Rane

Mayo 29–Hunio 4

Mateo 26; Marcos 14; Juan 13

Kas Pakalaglagipan”

Bayat ti panagbasam itii Mateo 26; Marcos 14; ken Juan 13, sapulem dagiti pagbatayam a mariknam a amngbendisionto kadagiti ubbing a sursuruam.

icon iti panagbibinninglay

Yawis ti Panagbibinninglay

Ipakitam dagiti ladawan dagiti pasamak kadagitoy a kapitulo, kas iti Libro ti Arte ti Ebanghelio, dagiti num. 54–55, ket awisem dagiti ubbing a mangisarita no ania ti mapaspasamak kadagiti ladawan.

icon iti panangisuro

Isuro ti Doktrina: In-inaudi nga Ubbing

Mateo 26:26–29; Marcos 14:22–24

Makatulong kaniak ti sakramento a mangpanunot ti maipapan ken ni Jesus.

Tulongam dagiti ubbing a makaawat a ti pannakiranud iti sakramento ket maysa a gundaway a mangpanunot no ania ti inaramid ni Jesus para kadatayo.

Dagiti Mabalin nga Aktibidad

• Gupgopem ti pakaammuan ni Jesus a mangyam-ammo iti sakramento. Mabalinmo nga usaren ti “Kapitulo 49: Ti Umuna a Sakramento” (iti Dagiti Estoria iti Baro a Tulag, 124–26, wenno ti maitutop a video iti ChurchofJesusChrist.org), wenno ti video a “Sacrament” (ChurchofJesusChrist.org). Apay nga umawattayo iti sakramento? Tulongam dagiti ubbing a makaawat a laglagipentayo ni Jesus kabayatan ti sakramento.

• Ipakitam kadagiti ubbing ti maysa a piraso ti tinapay ken maysa a baso ti danum. Saludsodem kadakuada no ammoda no ania ti ibagi ti tinapay ken danum ti sakramento. Ilawlawag a dagitoy nga emblem ket makatulong kadatayo a manglaglagip a ni Jesus ket natay para kadatayo ken nagungar manipud kadagiti natay.

• Kiddawem kadagiti ubbing nga agkidem ket mangpanunot iti maysa a tao nga ay-ayatenda, ket kalpasanna awisem ida a mangibaga kenka ti maipapan iti dayta a tao. Kiddawem kadakuada nga agkidem manen, a mangpanunot iti Mangisalakan, ken kalpasanna ibinglayda dagiti banag nga ammoda maipapan Kenkuana. Allukoyem ida a mangpanunot ti maipapan ken Jesus kabayatan ti sakramento iti linawas.

• Awisem dagiti ubbing a mangipakita no ania ti maaramidda a manglaglagip ken ni Jesus ken agbalin a naraem kabayatan ti sakramento. Tulongam dagiti ubbing nga agaramid iti buklet a nailadawan iti panid ti aktibidad itoy a lawas ket usarem daytoy a mangtulong kadakuada a mangpanunot maipapan ken ni Jesus kabayatan ti sakramento. Tulongam dagiti ubbing a mangsukisok iti sumagmamano a magasin ti Simbaan para kadagiti ladawan ni Jesus ket mangaramid iti maysa a collage a mabalinda a kitaen kabayatan ti sakramento.

Juan 13:34–35

Mabalinko nga ayaten dagiti dadduma kas iti inaramid ni Jesus.

Impakitana ni Jesus ti ayatna babaen ti panangipategna kadagiti adda iti aglawlawna. Ania dagiti gundaway a nasken a pangipakitaan dagiti ubbing a sursuruam iti ayatda para iti dadduma?

Dagiti Mabalin nga Aktibidad

• Ipakitam dagiti ladawan dagiti estoria a nasursuro dagiti ubbing iti daytoy a tawen idi impakita ni Jesus ti ayatna para iti dadduma (kitaen dagiti napalabas a balabala iti Umaykayo, Sumurot Kaniak—Para dagiti Indibidual ken Pamilia). Basaem ti Juan 13:34–35, ket tulongam dagiti ubbing a mangulit iti ragup ti balikas a “kas iti panagayatko kadakayo, … agiinnayatkayo.” Kasano a maipakitatayo ti ayattayo para iti pamilia ken gagayyemtayo?

• Awisem ti maysa nga ubing a mangiggem ti ladawan ti Mangisalakan bayat ti panagkansion ti klase iti maysa a kanta maipapan iti ayat ti Mangisalakan, kas iti “Love One Another” (Children’s Songbook, 136). Mangted kadagiti ubbing kadagiti sinan-puso a papel ken awisem ida a mangidrowing iti ladawan ti bagida nga agar-aramid iti maysa a banag a mangipakita iti ayatda para iti sabali a tao.

icon iti panangisuro

Isuro ti Doktrina: In-inauna nga Ubbing

Mateo 26:26–29; Marcos 14:22–24

Tulongannak ti sakramento a manglaglagip ken ni Jesucristo ken ti sakripisiona para kaniak.

Kasano a matulongam dagiti ubbing a maaddaan iti napatpateg a padas iti sakramento?

Dagiti Mabalin nga Aktibidad

• Awisem dagiti ubbing nga agsisinnublat iti panagbasa kadagiti bersikulo iti Mateo 26:26–29 wenno Marcos 14:22–24 (kitaen met iti Patarus ti Joseph Smith, Marcos 14:20–24 [iti Bible appendix]) ken Doktrina ken Katulagan 20:75–79. Ania dagiti balikas ken kapanunotan a kapada iti dua a binatog?

• Saludsodem kadagiti ubbing no ania ti aramidenda a mangtulong kadakuada a mangpanunot ti maipapan ken ni Jesus kabayatan ti sakramento. Tulongam ida a mangsapul kadagiti nasantuan a kasuratan wenno balikas manipud kadagiti himno ti sakramento a mabasada kabayatan ti sakramento, ket kalpasanna ilistada dagitoy iti maysa a kard a mabalin a pagibasaran dagiti ubbing iti sumaruno a gundaway a yaawatda iti sakramento. Kansionen ti sumagmamano kadagitoy a kanta kadagiti ubbing (kitaen iti Hymns, num.169–97).

  dagiti ubbing nga umaw-awat iti sakramento

  Tulongannak ti sakramento a manglaglagip ken ni Jesucristo ken ti sakripisiona para kaniak.

• Isurat dagiti kangrunaan a ragup ti balikas manipud kadagiti kararag ti sakramento iti pisarra, ket tulongam dagiti ubbing a mangyulo kadagitoy. Ania ti kaipapanan dagitoy a ragup ti balikas? Apay a napateg a pabaruentayo dagiti katulagantayo iti panagbuniag iti tunggal lawas?

• Awisem ti maysa nga Aaronic Priesthood holder a mangisarita kadagiti ubbing maipapan iti padasna iti panangisagana, panangbendision, wenno panangipasa iti sakramento. Ania ti mangtulong kenkuana a mangaramid iti daytoy? Ania ti mariknana bayat ti panangaramidna iti daytoy? Kasano nga ipalagip ti tinapay ken danum kenkuana maipapan iti Mangisalakan?

• Paibinglay kadagiti ubbing a nabuniaganen no ania ti malagipda maipapan iti panagbuniagda. Kasano ti nariknada? Ania dagiti katulagan nga inaramidda (kitaen iti Mosiah 18:8–10). Isaritam kadakuada nga iti tunggal lawas a makiranudtayo iti sakramento, mabalin a kas iti panagpabuniag manen—mapakawantayo kadagiti basoltayo, ken mapabarotayo dagiti katulagantayo.

Juan 13:1–17

Impakita kaniak ni Jesus no kasano ti agserbi iti dadduma.

Ti pakaammo ti Mangisalakan a mangbugbuggo iti saka dagiti disipulona ket makaparegta kadagiti ubbing a sursuruam a siaayatda nga agserbi kadagiti tao iti aglawlawda.

Dagiti Mabalin nga Aktibidad

• Sumagmamano nga aldaw a nasapsapa, idawat kadagiti ubbing a mangbasa iti Juan 13:4–9 ket ibinglay ti pakaammuan iti klase manipud iti pannirigan ni Pedro. Ania ti padpadasen nga isuro ti Mangisalakan ken dagiti dadduma nga Apostol? Mabalin nga isarita dagiti ubbing maipapan iti no ania ti masursuroda manipud iti daytoy nga estoria maipapan ken ni Jesucristo. Ania ti masursurotayo maipapan iti panagserbi iti dadduma?

• Aggigiddan a basaen ti Juan 13:12–17. Kiddawen kadagiti ubbing a saggaysa nga isuratda maipapan iti maysa a panawen idi nagserbi ti Mangisalakan iti sabali a tao. Allukoyem ida a mangiraman no ania ti masursuroda manipud iti pagwadanna. No kasapulanda ti tulong, mabalinda a kitaen dagiti pagarigan iti video a “Christlike Attributes” (ChurchofJesusChrist.org). Awisem ida a mangibinglay iti no ania ti insuratda iti klase.

Juan 13:34–35

Ay-ayaten dagiti disipulo ni Jesucristo dagiti dadduma a kas iti inaramidna.

No agbuniagtayo, agaramidtayo kadagiti katulagan tapno agbalin a disipulo ni Jesucristo. Iti Juan 13:34–35, inladawan ti Mangisalakan no kasano a maipakitatayo a datayo dagiti disipulona.

Dagiti Mabalin nga Aktibidad

• Isurat iti pisarra ti tunggal maysa; kas iti kadakayo (Juan 13:34). Kiddawen kadagiti ubbing a kitaenda iti nasantuan a kasuratan ket punuanda dagiti blangko. Ania ti dadduma pay a maaramidtayo tapno maipakita a datayo dagiti disipulo ni Cristo? Mabalin nga agpanunot dagiti ubbing iti dadduma pay a balikas a mangileppas iti binatog iti pisarra, kas iti agserbi ken nagserbi wenno isuro ken nangisuro.

• Awisem dagiti ubbing a mangbasa iti Juan 13:35 ken mangpanunot kadagiti tao nga ammoda a pagwadan dagiti disipulo ni Jesucristo. Idawat kadakuada a mangibinglay no kasano nga ipakita dagitoy a tao ti ayatda para iti dadduma kas iti inaramid ti Mangisalakan.

icon iti panagsursuro

Yallukoy ti Panagsursuro iti Pagtaengan

Awisem dagiti ubbing a mangibinglay iti pamiliada ti maysa a banag nga aramidendanto gapu iti nasursuroda iti klase. Kas pagarigan, mabalinda nga ibinglay no kasano a lagipendanto ni Jesucristo kabayatan ti sakramento.

Panangpadur-as iti Panangisurotayo

Iburay ti pammaneknekmo iti klasem. Ti pamaneknek mabalin a simple kas iti “Ammok nga ay-ayaten ti Nailangitan nga Ama ti tunggal maysa kadakayo” wenno “Nasayaat ti riknak iti kaunggak bayat ti panagsursurok maipapan ken ni Jesucristo.”

panid ti aktibidad: ti sakramento