Te ’ōro’a hope’a

Te ’ōro’a hope’a, nā William Henry Margetson

5–11 nō Tiunu

Ioane 14–17

« ’Ia vai-herehia atu ā ’outou e au »

’A pure nō te ’ite i te mau hina’aro o te mau tamari’i tā ’oe e ha’api’i ra, ’a tai’o ai ’oe te Ioane 14–17. E pāturu te Mai, pe’e mai—nō te ta’ata hō’ē ’e te ’utuāfare i tā ’oe tuatāpapara’a, ’e e hōro’a mai teie fa’anahora’a ia ’oe te mau mana’o e nāhea e ha’api’i i te mau tamari’i i roto i tā ’oe piha.

ītona fa’a’itera’a

Tītau i te mana’o

Nō te tauturu i te mau tamari’i ’ia fa’a’ite mai i te mea tā rātou i ha’api’i mai i te fare, e vaiiho i te tamari’i tāta’itahi ’ia tāpe’a i te hō’ē māfatu pāpie ’e ’ia fa’a’ite mai i te hō’ē mea tāna i rave nō te fa’a’ite i te here ia vetahi ’ē.

ītona ha’api’ira’a

Ha’api’i i te ha’api’ira’a tumu : Te mau tamari’i ’āpī

Ioane 14:15

E fa’a’ite au i tō’u here ia Iesu Mesia nā roto i te ha’apa’ora’a i tāna mau fa’auera’a.

Tauturu i te mau tamari’i ’ia hāro’aro’a ē, e nehenehe rātou e fa’a’ite i te Fa’aora tō rātou here nōna nā roto i te ha’apa’ora i tāna mau fa’auera’a.

Te mau ’ātivite e au

• Tauturu i te mau tamari’i ’ia tai’o fa’ahou te Ioane 14:15. E ani ia rātou ’ia parau « ’ua hina’aro ’outou iā’u », ’ia fa’a’ite ana’e ’oe i te hō’ē māfatu pāpie. E ani ia rātou ’ia parau « e ha’apa’o ïa i tā’u mau fa’auera’a », ’ia fa’a’ite ana’e ’oe i te mau pāpa’ira’a mo’a.

• Tauturu i te mau tamari’i ’ia feruri i te tahi te mau fa’auera’a a Iesu. E ani ia rātou ’ia hōro’a mai i te mau rāve’a e nehenehe ai rātou e ha’apa’o i te fa’auera’a tāta’itahi. ’A fa’a’ite pāpū ē, te ravera’a i teie mau mea e fa’a’itera’a ïa i tō tātou here ia Iesu Mesia.

• Hīmene ʼāmui i te hīmene nō niʼa i te mau fa’auera’a, mai te « Pour trouver la paix » (Chants pour les enfants, 68).

• Ha’uti i te ha’uti i ni’a i te ’api ’ātivite nō teie hepetoma ’e te mau tamari’i.

Ioane 14:26–27°; 15:26°; 16:13–14

E tauturu te Vārua Maita’i iā’u.

’Ua ha’api’i Iesu i tāna mau pipi i te mau parau mau faufa’a rahi nō ni’a i te Vārua Maita’i. ’A feruri nāhea teie mau parau mau i te ha’amaita’i i te mau tamari’i tā ’oe e ha’api’i ra.

Te mau ’ātivite e au

• ’A fa’a’ite i te hōho’a Te ’ōro’a hōpe’a (Buka hōho’a ’Evanelia, N°54). ’A fa’ata’a i te mau tamari’i ē i te ’ōro’a hōpe’a, ’ua ha’api’i Iesu i tāna mau pipi nō ni’a i te Vārua Maita’i. E fa’a’ite i te tahi o te mau parau mau tāna i ha’api’i i roto i te Ioane 14:26–27 ; 15:26 ; 16:13–14.

  Iesu e paraparau ra i te mau pipi

  Te ’ōro’a hōpe’a, nā Clark Kelley Price

• ’A fa’a’ite i te hō’ē ’itera’a ’a tāmāhanahana ai te Vārua Maita’i ia ’oe, ’a arata’i ai ia ’oe, ’aore rā ’a tauturu ai ia ’oe ’ia ’ite i te parau mau. ’A fa’a’ite pāpū ē, e tauturu te Vārua Maita’i i te mau tamari’i mai te reira te huru.

• ’A hīmene ’āmui ’e te mau tamari’i i te hīmene nō ni’a i te Vārua Maita’i, mai te « Le Saint-Esprit  » (Chants pour les enfants,°56). E ani ia rātou ’ia fa’aro’o i te mau mea i fa’ahitihia i roto i te hīmene, tā te Vārua Maita’i e rave.

Ioane 17:3

E nehenehe au e ’ite mau i te Metua i te ao ra ’e ia Iesu Mesia.

’Ua ha’api’i mai Iesu Mesia ē, « te ora mure ore » ’o te ’ite ïa i « te Atua mau ra, ’e ia Iesu Mesia » ’A mātau ai te mau tamari’i tā ’oe e ha’api’i ra ia rāua, e ’ite mai rātou i te pūai pae vārua ’o tē ha’amaita’i ia rātou i te roara’a o tō rātou orara’a ’e ’o te tauturu ia rātou ’ia fa’atupu i te ora mure ’ore.

Te mau ’ātivite e au

• ’A tai’o te Ioane 17:3,, ’e e ani i te mau tamari’i ’ia fa’aro’o ’o vai tā Iesu e hina’aro ’ia ’ite mau tātou. ’A fa’a’ite i te tahi mau hōho’a e fa’ata’a ra i te mau rāve’a nā roto i te reia tātou e ’ite mau ai i te Metua i te ao ra ’e ia Iesu Mesia, mai te mau hōho’a nō te mau pāpa’ira’a mo’a, hō’ē ’utuāfare e ha’api’i ’āmui ra, ’e hō’ē ta’ata e tāvini ra i te tahi atu ta’ata. E huri i te aro o te mau hōho’a i raro, ’e e ani i te mau tamari’i te tahi i muri mai i te tahi, ’ia huri mai i ni’a i te reira ’e ’ia fa’a’ite mai e aha tō roto i te hōho’a. Nāhea teie mau mea i te tauturu ia tātou ’ia ’ite mau i te Metua i te ao ra ’e ia Iesu Mesia. ?

• Paraparau ’e te mau tamari’i nō ni’a i te mau mea tā rātou e rave nō te mātau maita’i a’e i tō rātou mau hoa. Nāhea tātou ’ia ’ite maita’i a’e i te Metua i te ao ra ’e ia Iesu Mesia ? ’A fa’a’ite i te mau rāve’a tā ’oe i rave nō te reira.

ītona ha’api’ira’a

Ha’api’i i te ha’api’ira’a tumu : Te mau tamari’i pa’ari a’e

Ioane 14:15°; 15:10–14

E fa’a’ite au i tō’u here ia Iesu Mesia nā roto i te ha’apa’ora’a i tāna mau fa’auera’a.

’A tai’o ai ’oe i teie mau tuha’a pāpa’ira’a mo’a i roto i tā ’oe iho tuatāpapara’a, ’a feruri i te mau tamari’i tā ’oe e ha’api’i ra. Nāhea rātou i te ha’amaita’ihia ’ia hāro’aro’a ana’e rātou ē, tō rātou ha’apa’o i te Fa’aora e tāpa’o ïa nō tō rātou here iāna ?

Te mau ’ātivite e au

• E ani i te mau tamari’i ’ia fa’a’ite mai i te mau rāve’a tā Iesu i fa’a’ite ’a ha’apa’o ai ’oia i te parau a te Metua i te ao ra. ’A fa’a’ite i te mau hōho’a nō roto mai i te orara’a o te Fa’aora nō te tauturu ia rātou (hi’o Buka hōho’a ’Evanelia, N°34–35, 56–57). E ani i te mau tamari’i ’ia paraparau mai nō ni’a i te mau taime ’a ha’apa’o ai rātou i te parau a te Metua i te ao ra.

• E ani i te hō’ē tamari’i ’ia tai’o te Ioane 14:15. ’A vaiiho i te mau tamari’i ’ia pāpa’i te tahi i muri mai i te tahi te mau hōho’a e fa’ata’a ra i te hō’ē ta’ata e ha’apa’o ra i te fa’auera’a, e nā te toe’a o te mau tamari’i e ’imi mai e aha tāna e pāpa’i hōho’a ra. ’Ei hi’ora’a nō te mau fa’auera’a, hi’o te buka iti Nō te Pūai o te Feiā ’Āpī2011). Nāhea te ha’apa’ora’a i teie mau fa’auera’a e fa’a’ite ai i te Fa’aora ē, ’ua here tātou iāna ?

Ioane 14:26 ; 15:26 ; 16:13

E arata’i, e tāmāhanahana ’e e fa’a’ite pāpū te Vārua Maita’i i te parau mau.

’Ua fāri’i ānei te mau tamari’i tā ’oe e ha’api’i nei i te hōro’a o te Vārua Maita’i°? E aha tā rātou i ’ite nō ni’a i te huru e tauturu ai te Vārua Maita’i ia rātou ? ’A feruri nāhea ’oe i te tauturu ia rātou ’ia māramarama maita’i a’e i te mai ti’ara’a o te Vārua Maita’i.

Te mau ’ātivite e au

• ’A hōro’a i te mau tamari’i teie mau ’īrava i muri nei nō te tai’o ’ei pea : Ioane 14:26 ; 15:26 ; ’e 16:13. E ani ia rātou ’ia ’imi mai i te mau ta’o ’o tē ha’api’i nei ia rātou e aha tā te Vārua Maita’i e rave. ’A pāpa’i i te mau ta’o i ni’a i te tāpura ’ere’ere.

• ’A fa’a’ite i te hō’ē ’itera’a ’a arata’i ai, ’a tāmāhanahana ai, ’a fa’aara ai, ’aore rā ’a fa’a’ite pāpū ai te Vārua Maita’i ia ’oe te parau mau. E ani i te mau tamari’i ’ia fa’a’ite mai i te tahi mau ’ohipa i tupu nō rātou. Nāhea rātou e ’ite ai i te fa’aurura’a a te Vārua Maita’i ?

• E ani i te tamari’i tāta’itahi ’ia pāpa’i hōho’a i tōna hōho’a mata i ni’a i te hō’ē pū’ohu papie. Te tū’amara’a i te hō’ē mori pata i roto i te pū’ohu papie tāta’itahi, e fa’ahōho’ara’a ïa i te Vārua Maita’i. I muri iho, ’a tu’u i te tahi mau mea i roto i te pū’ohu ’o te tāpo’i i te māramarama, mai te hō’ē tuha’a ’ahu, nō te ha’api’i ē e nehenehe tā tātou mau mā’itira’a hape e tā’ōti’a i te fa’aurura’a a te Vārua Maita’i i roto i tō tātou orara’a. E ani i te mau tamari’i ’ia tātara i te mau mea i rāpae i tā rātou pū’ohu, nō te fa’ahōho’a i te tātarahapara’a.

Ioane 15:1–9 ; 17:3

Tē hina’aro nei te Metua i te ao ra ’e Iesu, ’ia ’ite mau vau ia rāua.

E ha’amaita’i ’oe i te orara’a o te mau tamari’i nā roto i te tauturura’a ia rātou ’ia ’ite maita’i a’e i te Metua i te ao ra ’e ia Iesu Mesia.

Te mau ’ātivite e au

• ’A fa’a’ite i te hō’ē rā’au tanu (’aore rā i te hōho’a nō te hō’ē rā’au tanu) ’a tai’o tāta’ihō’ē ai te mau tamari’i i te mau ’īrava i roto te Ioane 15:1–9. Nāhea Iesu e riro ai mai te hō’ē vine ? Nāhea tātou e riro ai mai te mau ’āma’a ? E aha tā tātou e rave nō te « ’ati mai » ’aore rā ’ia fa’aea piri noa i te Fa’aora ?

• ’A tai’o pūai te Ioane 17:3. E ani i te mau tamari’i e aha tā rātou e rave nō te ’ite maita’i a’e i te Metua i te ao ra ’e ia Iesu Mesia. ’A fa’a’ite e mea nāhea ’oe i te ’ite maita’i a’e ia rāua.

ītona ha’api’ira’a

Fa’aitoito i te ha’api’ira’a i te fare

E fa’aitoito i te mau tamari’i ’ia fa’a’ite i tō rātou utuāfare, i te hō’ē hīmene tā rātou i ha’api’i mai ’aita i maoro a’e nei i roto i te piha ha’api’ira’a ’aore rā i roto i te taime hīmenera’a.

Ha’amaita’i i tā tātou ha’api’ira’a

Fa’atano i te mau ’ātivite. Mai te mea e ha’api’i ’outou i te tamari’i ’āpī, e nehenehe e ’itehia mai ia ’outou te tahi atu mau mana’o tā ’outou e nehenehe e fa’atano i tā ’outou piha ha’api’ira’a, i roto i teie tuha’a fa’anahora’a nō te mau tamari’i pa’ari a’e. Mai te reira ato’a nō te mau ’ātivite nā te mau tamari’i ’āpī, e nehenehe te reira e fa’atanohia nō te ha’api’i i te mau tamari’i pa’ari a’e.

’api ’ātivite°: e fa’a’ite au i tō’u here ia Iesu Mesia nā roto i te ha’apa’ora’a i tāna mau fa’auera’a