Te ’ōro’a hope’a

’Ei ha’amana’ora’a iā’u, nā Walter Rane

Me 29–Tiunu 4

Mataio 26°; Mareko 14°; Ioane 13

« ‘Ei ha’amana’ora’a »

’A tai’o ai ’oe te Mataio°26 ; Mareko°14 ; ’e Ioane°13, ’a ’imi i te mau parau tumu tā ’oe e mana’o ra e ha’amaita’i i te mau tamari’i tā ’oe e ha’api’i ra.

ītona fa’a’itera’a

Tītau i te mana’o

’A fa’a’ite i te mau hōho’a nō te mau tupura’a ’ohipa i roto i teie mau pene, mai te Buka hōho’a ’Evanelia, N°54–55, ’e ’a ani i te mau tamari’i ’ia parau mai, e aha tē tupu ra i roto i te mau hōho’a.

ītona ha’api’ira’a

Ha’api’i i te ha’api’ira’a tumu : Te mau tamari’i ’āpī

Mataio 26:26–29°; Mareko 14:22–24

E tauturu te ’ōro’a mo’a iā’u ’ia mana’o ia Iesu.

Tauturu i te mau tamari’i ’ia hāro’aro’a ē, te ravera’a i te ’ōro’a mo’a ’o te hō’ē ïa rāve’a nō te ha’amana’o i te mea tā Iesu i rave nō tātou.

Te mau ’ātivite e au

• ’A ha’apoto i te ’ā’amu o Iesu i te fa’a’itera’a mai te ’ōro’a mo’a. E fa’a’ohipa ’oe i te « Pene°49°: Te ’ōro’a mātāmua » (i roto Te mau ’ā’amu o te Faufa’a ’Āpī, 124–26, ’aore rā, te video e tano i ni’a ChurchofJesusChrist.org) ’aore rā, te video « Sacrament [’Ōro’a mo’a] » (ChurchofJesusChrist.org). Nō te aha tātou e rave ai i te ’ōro’a mo’a ? Tauturu i te mau tamari’i ’ia ta’a maita’i ē, e ha’amana’o tātou ia Iesu i te taime nō te ’ōro’a mo’a.

• Fa’a’ite i te mau tamari’i hō’ē tuha’a faraoa ’e hō’ē hāpaina pape. E ui i te mau tamari’i, ’ua ’ite ānei rātou e aha te aura’a nō te faraoa ’e te pape o te ’ōro’a mo’a. ’A fa’ata’a ē, e tauturu teie mau tāpa’o ia tātou ’ia ha’amana’o ē, ’ua pohe Iesu nō tātou ’e ’ua ti’afa’ahou mai te pohe mai.

• E ani i te mau tamari’i ’ia tāpiri i te mata ’e ’ia feruri i te hō’ē ta’ata tā rātou i here, ’e i muri iho e ani ia rātou ’ia paraparau mai nō ni’a i taua ta’ata ra. E ani ia rātou ’ia tāpiri fa’ahou i tō rātou mata, ’ia feruri i te Fa’aora ’e i muri iho ’ia fa’a’ite mai i te mau mea tā rātou i ’ite nō ni’a iāna. ’A fa’aitoito ia rātou ’ia feruri ia Iesu i te taime nō te ’ōro’a mo’a i te hepetoma tāta’itahi.

• E ani i te mau tamari’i ’ia fa’a’ite mai ia ’oe, e aha tā rātou e rave nō te ha’amana’o ia Iesu ’e ’ia vai fa’atura noa i te taime nō te ’ōro’a mo’a. Tauturu i te mau tamari’i ’ia hāmani i te buka iti i fa’a’itehia i ni’a i te ’api ’ātivite nō teie hepetoma, ’e ’ia fa’a’ohipa i te reira nō te tauturu ia rātou ’ia feruri ia Iesu i te taime nō te ’ōro’a mo’a. ’Aore rā, e vaiiho ia rātou ’ia ’imi i te tahi mau Ve’a a te ’Ēkālesia nō te mau hōho’a o Iesu, ’e ’ia tāpiripiri haere i te reira ’ia nehenehe ia rātou e hi’o i taime o te ’ōro’a mo’a.

Ioane 13:34–35

E nehenehe au e here ia vetahi ’ē, mai tā Iesu i nā reira.

’Ua fa’a’ite Iesu i tōna here nā roto i te aupurura’a i te feiā ’ati a’e iāna. E aha te mau rāve’a tā te mau tamari’i tā ’oe e ha’api’i ra, e vai ra nō te fa’a’ite i te here ia vetahi ’ē ?

Te mau ’ātivite e au

• ’A fa’a’ite i te mau hōho’a o te mau ’ā’amu tā te mau tamari’i i ha’api’i mai i teie matahiti, ’a fa’a’ite ai Iesu i tōna here nō vetahi ē (hi’o i te mau fa’anahora’a tahito i roto te Mai, pe’e mai—nō te ta’ata hō’ē e te ’utuāfare). E tai’o te Ioane13:34–35, ’e e tauturu i te mau tamari’i ’ia fa’ahiti fa’ahou i te pereota ra, « Mai iā’u e aroha atu ia ’outou nā, … ’a here te tahi i te tahi ». Nāhea tātou i te fa’a’ite i tō tātou here i tō tātou ’utuāfare ’e i tō tātou mau hoa°?

• E ani i te hō’ē tamari’i ’ia tāpe’a i te hōho’a o te Fa’aora, ’a hīmene ai te piha i te hō’ē hīmene nō ni’a i te here o te Fa’aora, mai te « Aimez vos frères » (Chants pour les enfants, 74). Hōro’a i te mau tamari’i te mau māfatu pāpie ’e e ani ia rātou ’ia pāpa’i hōho’a ia rātou iho e rave ra i te hō’ē mea nō te fa’a’ite i tō rātou here i te tahi atu ta’ata.

ītona ha’api’ira’a

Ha’api’i i te ha’api’ira’a tumu : Te mau tamari’i pa’ari a’e

Mataio 26:26–29°; Mareko 14:22–24

E tauturu te ’ōro’a mo’a iā’u ’ia ha’amana’o ia Iesu Mesia ’e i tāna tusia nō’u.

Nāhea ’oe i te tauturu i te mau tamari’i ’ia fāri’i i te hō’ē ’itera’a faufa’a rahi a’e nō te ’ōro’a mo’a ?

Te mau ’ātivite e au

• E ani i te mau tamari’i ’ia tai’o, te tahi i muri mai i te tahi, i te mau ’īrava i roto i te Mataio 26:26–29 ’aore rā Mareko 14:22–24 (hi’o ato’a ’Īritira’a a Iosepha Semita, Mareko 14:20–24 [i roto te Parau hi’u Bibilia]) ’e Te Ha’api’ira’a Tumu ’e te mau Fafaura’a 20:75–79. E aha te mau parau ’e te mau mana’o e tū’ati i roto i nā tuha’a pāpa’ira’a e piti ?

• E ui i te mau tamari’i, e aha tā rātou e rave nō te tauturu ia rātou ’ia ha’amana’o ia Iesu i te taime nō te ’ōro’a mo’a. Tauturu ia rātou ’ia ’imi mai i te mau pāpa’ira’a mo’a ’aore rā i te mau parau i roto i te mau hīmene ’ōro’a, ’o tā rātou e nehenehe e tai’o i te taime nō te ’ōro’a mo’a, ’e i muri iho e tāpura mai i te reira i ni’a i te hō’ē tāreta ’o tā te mau tamari’i e nehenehe e hi’o i te taime i muri nei, ’a rave ai rātou i te ’ōro’a mo’a. ’A hīmene ’e te mau tamari’i i te tahi o teie mau hīmene (hi’o Te mau Hīmene, N°169–97).

  mau tamari’i e rave ra i te ’ōro’a mo’a

  E tauturu te ’ōro’a mo’a ia tātou ’ia ha’amana’o ia Iesu Mesia ’e i tāna tusia nō tātou.

• ’A pāpa’i i te mau pereota tumu nō roto mai i te mau pure o te ’ōro’a mo’a i ni’a i te tāpura ’ere’ere, ’e e tauturu i te mau tamari’i ’ia tāmau ’ā’au i te reira. E aha te aura’a teie mau pereota ? Nō te aha e mea faufa’a ’ia fa’a’āpī i tā tātou mau fafaura’a nō te bāpetizora’a i te mau hepetoma ato’a ?

• ’A ani i te hō’ē melo tei mau i te autahu’ara’a a Aarona ’ia fa’ati’a mai i te mau tamari’i i tōna ’itera’a nō ni’a i te fa’aineinera’a, te ha’amaita’ira’a, ’aore rā te ’ōperera’a i te ’ōro’a mo’a. E aha tei tauturu iāna ’ia fa’aineine nō te rave i te reira ? E aha tāna i putapū ’a rave ai ’oia i te reira ? Nāhea te faraoa ’e te pape i te fa’aha’amana’o iāna i te Fa’aora ?

• E ani i te mau tamari’i tei bāpetizohia ’ia fa’a’ite mai i te mea tā rātou e ha’amana’o ra nō tō rātou bāpetizora’a. E aha tā rātou i putapū ? E aha te mau fafaura’a tā rātou i rave ? (hi’o Mosia 18:8–10). ’A parau ia rātou ē, ’ia rave ana’e tātou i te ’ōro’a mo’a i te mau hepetoma ato’a, e au ïa mai te bāpetizo-fa’ahou-ra’a-hia—e nehenehe tā tātou mau hara e fa’a’orehia ’e e fa’a’āpī fa’ahou tātou i tā tātou mau fafaura’a.

Ioane 13:1–17

’Ua fa’a’ite mai Iesu Mesia iā’u nāhea ’ia tāvini ia vetahi ’ē.

E nehenehe te ’ā’amu nō ni’a i te hōroira’a te Fa’aora i te ’āvae o tāna mau pipi, e fa’auru i te mau tamari’i tā ’oe e ha’api’i ra ’ia tāvini ma te here i te ta’ata ’ati a’e ia rātou.

Te mau ’ātivite e au

• Tau mahana nā mua atu, e ani i te hō’ē o te mau tamari’i ’ia tai’o te Ioane 13:4–9 ’e ’ia fa’ati’a mai te ’ā’amu i te piha ha’api’ira’a nā roto i te hi’ora’a āte’a a Petero. E aha tā te Fa’aora i tāmata i te ha’api’i ia Petero ’e i te tahi atu mau ’āpōsetolo ? E nehenehe te mau tamari’i e parau mai e aha tā rātou i ha’api’i mai nā roto mai i teie ā’amu nō ni’a ia Iesu Mesia. E aha tā tātou i ’apo mai nō ni’a i te tāvinira’a ia vetahi ’ē ?

• E tai’o ’āmui te Ioane 13:12–17. E ani i te mau tamari’i ’ia pāpa’i tāta’itahi nō ni’a i te hō’ē taime ’a tāvini ai te Fa’aora i te tahi atu ta’ata. E fa’aitoito ia rātou ’ia tu’u ato’a i roto e aha tā rātou i ha’api’i mai nō ni’a i tōna hi’ora’a. Mai te mea e hina’aro rātou i te tauturu, ’ia ’imi mai rātou te mau hi’ora’a i roto i te video « Christlike Attributes [Te mau maita’i o te huru Mesia] » (ChurchofJesusChrist.org). E ani ia rātou ’ia fa’a’ite mai i te piha ha’api’ira’a i te mea tā rātou i pāpa’i.

Ioane 13:34–35

’Ua here te mau pipi a Iesu Mesia ia vetahi ’ē mai iāna i nā reira.

’Ia bāpetizo-ana’e-hia tātou, e rave tātou i te mau fafaura’a nō te riro ’ei pipi nā Iesu Mesia. I roto te Ioane 13:34–35, ’ua fa’ata’a mai te Fa’aora nāhea tātou ’ia fa’a’ite ē, e mau pipi tātou nāna.

Te mau ’ātivite e au

• Pāpa’i i ni’a i te tāpura ’ere’ere ’outou ia ’outou iho°; mai iā’u ’outou na (Ioane 13:34). E ani i te mau tamariʼi ’ia ʼimi mai i te pāpa’iraʼa mo’a ʼe ’ia faʼaʼī i te mau vāhi vata. E aha te tahi atu mau mea tā tātou e nehenehe e rave nō te fa’a’ite ē, e mau pipi tātou nā te Mesia ? ’Ia feruri te mau tamari’i i te tahi atu mau ta’o ’o te nehenehe e fa’a’ī i te pereota i ni’a i te tāpura ’ere’ere, mai te tāvini ’e tavinihia ’aore rā ha’api’i ’e ha’api’ihia.

• E ani i te mau tamari’i ’ia tai’o te Ioane 13:35 ’e ’ia feruri i te mau ta’ata tā rātou i matau tei riro ’ei hi’ora’a nō te mau pipi a Iesu Mesia. E ani ia rātou ’ia fa’a’ite mai nāhea teie mau ta’ata i te fa’a’itera’a i te here ia vetahi ’ē mai tā te Fa’aora i nā reira.

ītona ha’api’ira’a

Fa’aitoito i te ha’api’ira’a i te fare

E ani i te mau tamari’i ’ia fa’a’ite atu i tō rātou ’utuāfare i te ’ohipa tā rātou e rave, maoti te mea tā rātou i ha’api’i mai i roto i te piha ha’api’ira’a. ’Ei hi’ora’a, e nehenehe rātou e fa’a’ite e nāhea rātou ’ia ha’amana’o ia Iesu Mesia i te taime nō te ōro’a mo’a.

Ha’amaita’ira’a i tā tātou ha’api’ira’a

Fa’a’ite i te ’itera’a pāpū i tā ’outou piha ha’api’ira’a. E nehenehe hō’ē ’itera’a pāpū e riro ’ei mea ’ōhie roa mai teie te huru, « ’ua ’ite au ē, ’ua here tō tātou Metua i te ao ra ia ’outou tāta’itahi » ’aore rā « e tupu te au māite i roto iā’u, ’ia ha’api’i ana’e mai au nō ni’a ia Iesu Mesia ».

’api ’ātivite : te ’ōro’a mo’a