Raan in Pentecost, jān Sidney King

Juļae 3–9

Jerbal 1–5

“Kom̧ Naaj Aō Ri Kōņņaan”

Jino am̧ kōppopo riiti Jerbal 1–5. Lukkuun pukōt wāween ko n̄an rie ro jinen im jemān ajri ro kwoj katakin. Itok, Ļoor Eō—N̄an Kajjojo Armej im Baam̧le Ko im laajrak in emaron̄ bar jipan̄ eok.

Kajjitōk bwe ren Kwaļo̧k

Je Wōn n̄a? ilo bo̧o̧t eo. Kwaļo̧k jet naan kōn Piter im kajjitōk ippān ajri ro wōn eo ennaan eo kwaļo̧k kake. Ta jet men ko jet rejeļā kōn Piter?

Katakin Katak eo: Ajri ro Reddikļo̧k

Jerbal 1:1–11

Jisōs Kraist ej tōl Kabun̄ in An kōn rikanaan ro im rijilōk ro.

Katak elmen an Rilo̧mo̧o̧r kar tōl Kabun̄ in An etto kōn rikanaan ro remaron̄ jipan̄ ajri bōk naan in kam̧ool ko kōn rikanaan ro im rijilō ro ilo tōre in ad.

M̧akūtkūt ko Maron̄ Kōm̧m̧ani

• Kwaļo̧k pijain Ilaija jān laajrak eo an wiik in ilo Itok, Ļoor Eō—N̄an Kajjojo Armej im Baam̧le ko Kajjitōk ippān ajri ro etke armej ro rej kalimjōk lan̄. Kōmeļeļeiki bwebwenato eo jān Jerbal 1:1–11 (Bar lale “Jebta 55: An Rijilōk ro Tōl Kabun̄ in,” ilo Bwebwenato ko ilo Kalim̧m̧ur Ekāāl, 145–47, ak lale bitio in jipan̄ eo ChurchofJesusChrist.org.) Kajjitōk ippān juon ajri n̄an kotak juon pijain Rijilōk ro rainin. Wōn ro rej jipan̄ Jisōs Kraist tōl Kabun̄ in ke E ejako ioon laļin?

• Ikkure juon ikkure in kōmejāāj ippān ruo pija ko kōn Būreejtōnji eo Kein Kajuon Jon̄oulruo Rijilōk ro remour. N̄e emeej, kwaļo̧k etan Rijilōk ak Būreejtōn eo im jet men kōn e.

• Ilo tulikin pija eo an Būreejtōn eo an Kabun̄ in, tepi pija ko reddik in men ko ej katakin, āinwōt Rilo̧mo̧o̧r, peptaij, ak juon tampeļ. Kōtļo̧k an ajri ro bōk kuņaer lali juon iaan pija ko im kwaļo̧k n̄an kūlaaj eo, “Rikanaan eo ej katakin kōj kōn [unin kōnono eo an pija eo].” Kam̧ool bwe rikanaan ro im rijilōk ro rej katakin kōj ta eo Jisōs ekōņaan bwe jān jeļā im kōm̧m̧ane.

Jerbal 3:1–10

Jemedwōj Ilan̄ emaron̄ kōjeram̧m̧an ro jet kōn eō.

Ta eo komaron̄ kōm̧m̧ane n̄an jipan̄ ajri ro kile wāween ko remaron̄ kōjeram̧m̧an ro ipeļakier? Jipan̄ er ekkatak jān waanjon̄ak eo an Piter im Jon kar kōmour em̧m̧aan in ekar jab etetal.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ane ikkure ko me rej waļo̧k ilo bwebwenato in ilo Jerbal 3:1–10, āinwōt do̧o̧rļo̧k peier jān jāān im leļo̧k n̄an m̧ōņōņō. Elmen an Jemedwōj Ilan̄ kōjeraam̧m̧an em̧m̧aan in me ekar jaje etetal.

• Bōktok juon pāāk eobrak kōn pija ko me rej pinej jenkwan wāween ko jemaron̄ in jeraam̧m̧an im jerbal n̄an ro jet. Kōtļo̧k an ajri ro bōk kuņaer kāleti pija ko jān pāāk eo im kwaļo̧k elmen aer maron̄ kōjeraam̧m̧an ro jet ilo wāween in.

• Kajjitōk ippān ajri ro n̄an kwaļo̧k juon iien eo me rekar jipan̄ ro jet.

Jerbal 5:1–11

Imaron̄ m̧ool.

Kūrijin ro m̧okta rekar kwaļo̧k ta eo jipan̄ n̄an kea kōn doon. Ro ekar wōr aer jikin rekar wia kake im leļo̧k jāān n̄an Rijilōk ro, ro rekar leļo̧k n̄an Ro Rekwojarjar ekkar n̄an aikuj ko aer. Ananias im Sapphira rekar jab m̧ool kōn menin leļo̧k ko aer, lōmņak remaron̄ m̧ōņe rijerbal ro an Irooj.

M̧akūtkūt ko Maron̄ Kōm̧m̧ani

• Jipan̄ ajri ro kōm̧m̧an ikkure eo kōn bwebwenato in Ananias im Sapphira. Kōmeļeļeiki bwe men̄e mej ilo ad riab, bwebwenato in ej kwaļo̧k elmen an aorōk n̄an m̧ool n̄an Jemedwōj Ilan̄.

• Al juon al ippān doon kōn m̧ool, āinwōt “I Believe in Being Honest” (Children’s Songbook, 149). Jipan̄ ajri ro meļeļe bwe m̧ool meļeļe aolep iien kōnono m̧ool im jab būki men ko me rej an ro jet.

• Kōjerbal puppet pāāk ko n̄an ikkure kake ilo jekjek ko repidodo me ro jet rej m̧ool ak riab. Kajjitōk ippān ajri ro n̄an jutak n̄e armej eo ej m̧ool im jijet n̄e armej eo ej riab. Jipan̄ ajri ro meļeļe etke aorōk ņan kwaļo̧k m̧ool.

Katakin Katak eo: Ajri ro Rerūttoļo̧k

Jerbal 1:8, 22–19

Jisōs Kraist ej tōl Kabun̄ in An kōn rikanaan ro im rijilōk ro.

Elmen am̧ naaj jipan̄ ajri ro meļeļe bwe Kabun̄ eo an Rilo̧mo̧o̧r rainin ej tōl jān rikanaan im rijilōk ro, āinwōt kar tōre ko etto

M̧akūtkūt ko Maron̄ Kōm̧m̧ani

• Je ioon bo̧o̧t eo Elmen an Jisōs Kraist tōl Kabun̄ eo ke E ejako ioon laļin? Kajjitōk ippān ajri ro an ron̄jake uwaak ko n̄an kajjitō eo ilo am riiti naan ko an Rilo̧mo̧o̧r n̄an Rijilōk ro ilo Jerbal 1:8. Jipan̄ ajri ro meļeļe bwe Jisōs ekar kāālet rikanaan ro im rijilōk ro n̄an tōl Kabun̄ in rainin, āinwōt An kar kōm̧m̧ane etto.

• Riit ippān doon Jerbal 1:22–26. Āinwōt juon kūlaaj kwaļo̧k elmen an Rijilōk ro kūr juon Rijilōk kāāl.

• Ilo m̧oktaļo̧k, kajjitōk ippān juon ajri im ro jinen im jemen n̄an ekkatak kōn Rijilōk ro ej kab m̧ōj aer kūr (remaron̄ lo meļeļe kōn Rijilōk eo ilo “Quorum of the Twelve Apostles,” ChurchofJesusChrist.org). Kajjitōk ippān ajri eo n̄an kwaļo̧k ta eo ekar ekkatak ilo kūlaaj im, n̄e ekkar, ta eo Rijilōk eo ekar ba kōn kūr eo an ilo kweilo̧k eo eļap.

Rijilōk ro rej tōl Kabun̄ in ālkin an Jisōs kar walōn̄ļo̧k n̄an lan̄.

Jerbal 2:36–47

Jetōb Kwojarjar ej kam̧ool ilo būruwō kōn m̧ool ko ilo gospel in.

N̄e ajri ro rej kile elmen an Jetōb Kwojarjar kōnono n̄an er, renaaj im̧we n̄an ron̄jake im mour kake im̧we eo rej bōke.

M̧akūtkūt ko Maron̄ Kōm̧m̧ani

• Riit ippān doon Jerbal 2:36–37. Elmen en̄jake eo n̄e Jetōb Kwojarjar ej jiron̄ kōj jet men ilo būruwōd?

• Āinwōt juon kūlaaj, kōm̧m̧ane juon peba kileplep kōn naan ko Ta eo jenaaj kōm̧m̧ane? ilo lōn̄. Kwaļo̧k pija kileplep eo kajjojo wiik, im kobaikwaj wāween ko ajri ro remaron̄ kōm̧m̧ane ta eo rej ekkatak ilo katak eo kajjojo wiik.

• Kajjitōk ippān ajri ro n̄an riiti Jerbal 2:41–47 im pukoti men ko armej ro rekar kōm̧m̧ani ālkin aer kar peptaij. Ta men ko rem̧m̧an jemaron̄ kōm̧m̧ani n̄an kwaļo̧k ad kam̧m̧oolol kōn menin letok ko an Jetōb Kwojarjar jekar būki ke jaar peptaij?

Jerbal 3:1–10

Jemedwōj Ilan̄ emaron̄ kōjeram̧m̧an ro jet kōn eō.

Elmen am̧ maron̄ katakin ajri ro ke remaron̄ kōjeraam̧m̧an ro jet, men̄e ejjeļo̧k aer “silver im gold”? (Jerbal 3:6). Elmen am maron̄ jipan̄ er lo iien ko rem̧m̧an n̄an jerbal n̄an Anij n̄an jerbal n̄an ro jet? (lale Mosaia 2:17).

M̧akūtkūt ko Maron̄ Kōm̧m̧ani

• Kajjitōk ippān juon ajri n̄an riiti Jerbal 3:1–10 ilo an ajri ro jet kōm̧m̧ane ikkure eo jān bwebwenato eo. (N̄an jipan̄, lale “Jebta 56: Peter Heals a Man,” ilo Bwebwenato ko ilo Kalim̧m̧ur Ekāāl, 148–49, ak bitio in jipan̄ eo ilo ChurchofJesusChrist.org.) Kwomaron̄ bar kwaļo̧k bitio “Peter im John Heal a Man Crippled Since Birth” (ChurchofJesusChrist.org). Elmen an kar em̧m̧aan in bōk eļapļo̧k kōjeraam̧m̧an jān jāān eo ekar kajjitōke?

• Leto-letak juon pāāk in jāān. Ilo an ajri ro kotak pāāk eo, kajjitōk ippāer ta eo remaron̄ wia kōn jāān eo. Kajjitōk ippān ajri ro ta eo jej aikuj leļo̧k n̄an ro jet me eban joļo̧k jāān. Kajjitōk ippāer n̄an kwaļo̧k elmen aer maron̄ jipan̄ ro jet itok epake Rilo̧mo̧o̧r eo—juon menin letok eo ejjab kōn jāān (Jerbal 3:6).

Kōketak Ekkatak ilo M̧weo

Rōjan̄ ajri ro n̄an karōk juon iien remaron̄ jerbal n̄an Jemedwōj Ilan̄ n̄an jipan̄ ro uwaan baam̧le ko aer ilo wiik in.

Kōkōm̧anm̧anļo̧k Ad Katakin

Kakilōklōke juon eoon. Kālet juon eoon me kwoj ļōmņak enaaj jipan̄ ajri ro ilo kūlaaj eo am̧, āinwōt Jerbal 2:38 ak Jerbal 3:19, im jipan̄ kakkilōklōke naan eo jān jeje ko rekwojarjar. Kein katakin ko ak ikkure ko remaron̄ bar jipan̄ ajri ro jino kakkilōklōki jeje ko rekwojarjar.