An Piter kōnaan n̄an Cornelius

Juļae 17–23

Jerbal 10–15

“A Naan in Anij ej Eddōkļo̧k im Orļo̧k”

Ekkatak Jerbal 10–15 lukkuun jar, ļōmņak kōn ajri ro ilo kūlaaj eo am̧. Ta eo kwoj loe ilo jebta kein me kwoj en̄jake n̄an katakin ajri ro?

pija ej bōk jikin kwaļo̧k

Kajjitōk bwe ren Kwaļo̧ke

N̄an jipan̄ ajri ro kwaļo̧k ta eo rej ekkatak im en̄jake, komaron̄ kajjitōk ippāer n̄an kwaļo̧k men ko rej kōm̧m̧ani n̄an kwaļo̧k ke rej tōmak ilo Jisōs Kraist.

pija ej bōk jikin katakin

Katakin Katak eo: Ajri ro Reddikļo̧k

Jerbal 10:34–35.

Jemedwōj Ilan̄ ej iakwe aolep ro Nejin.

Juon pedped em̧ool bwe ajri ro reddik remaron̄ meļeļe bwe aolep rej ajri ro nejin Anij im bwe E ej iakwe aolep ro Nejin.

M̧akūtkūt ko Maron̄ Kōm̧m̧ani

• Kwaļo̧k pija ko Christ im Children from around the World (Gospel Art Book, no. 116) ilo ami riiti Jerbal 10:34–35. Kōmeļeļeiki bwe tōre ko an Piter jet iaan armej ro rekar tōmak bwe kōjeraam̧m̧an ko an gospel in rejjab n̄an aolep. Ak Piter ekar jeļā bwe Anij ej iakwe aolep ro Nejin im E ej kōņaan bwe aolepeer ren jeļā kōn gospel in.

• Kajjitōk ippān ajri ro n̄an jin̄aiki juon pijain er make. Ilo aer kwaļo̧k pija ko aer, kōnono jet men ko kwoj iakwe ippān ajri. Kwaļo̧k naan in kam̧ool eo am̧ bwe Jemedwōj Ila ej iakwe kajjojo iaer im aolep ro Nejin, jekdo̧o̧n elmen jekjekier im rej itok jān ia.

• Al juon al ippān doon kōn iakwe doon—n̄an waanjon̄ak “I’ll Walk with You” (Children’s Songbook,, 140–41). Kajjitōk ippān ajri ro n̄an kwaļo̧k wāween ko remaron̄ iakwe aolep, āinwōt kar Jisōs.

• Kwaļo̧k n̄an kajjojo ajri juon ilo̧k juon im ba, “Jemedwōj Ilan̄ ej iakwe [etan ajri eo].” Kōtļo̧k an ajri ro bōk kuņaer kwaļo̧k n̄an doon im ba naan in.

Jerbal 11:26

Ij juon Rikūrijin kōnke ij tōmak ilo im ļoor Jisōs Kraist.

Elmen am̧ maron̄ jipan̄ ajri ro meļeļe ta meļeļein erom̧ juon Rikūrijtin?

M̧akūtkūt ko Maron̄ Kōm̧m̧ani

• Riiti Jerbal 11:26 n̄an ajri ro, im kajjitōk ippāer n̄an jutak n̄e rej ron̄ am ba Rikūrjin. Kajjitōk ippāer ta eo rej ļōmņake kōn meļeļein Rikūrjin. Kōmeļeļeiki bwe ro rej tōmak im ļoor Jisōs Kraist rej ņaetaer Rikūrjin, kōn menin jej Rikūrjin.

• Al ippān ajri ro juon al n̄an ļoor Jisōs Kraist, āinwōt “The Church of Jesus Christ” (Children’s Songbook, 77). Elmen ad maron̄ kwaļo̧k bwe jej rikaļooraņ Jisōs Kraist im pād ilo Kabun̄ in An. Jipan̄ ajri ro ļōmņake men ko reļam waan me remaron̄ kōm̧m̧ani n̄an jipan̄ ro jet ilo m̧ōko, ilo m̧ōn jar eo, im ilo jikin ko jet.

kōrā im leddik eo ej ikkure

Jemedwōj Ilan̄ ej iakwe kōj im naaj uwaake jar ko ad.

Jerbal 12:1–17

Jemedwōj Ilan̄ ej ron̄jake im uwaake jar ko ad.

Bwebwenato eo kōn an enjeļ eo ekar kōtļo̧k Piter jān kalbuuj ej kwaļo̧k kōn kajoor eo me Jemedwōj Ilan̄ ekar uwaaki jar ko.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ikkure kōn bwebwenato eo an Piter kar diwōj jān kalbuuj ilo Jerbal 12:1–17 ilo am̧ kōmeļeļeiki bwebwenato eo. Elmen an kar Jemedwōj Ilan̄ uwaake jar ko an ro raar jar kōn Piter?

• Al juon al kōn jar—n̄an waanjon̄ak, “We Bow Our Heads” (Children’s Songbook, 25)—im ba ke ikkure eo rej iokļo̧k naan ko me remaron̄ jipan̄ ajri ro jeļā kilen jar. Kajjitōk ippān ajri ro n̄an kwaļo̧k waanjon̄ak in men ko rekar kam̧m̧oolol Jemedwōj Ilan̄ kaki im kajjitōk Ippān ilo jar.

• Kwaļo̧k pija in armej ro rej jar (lale, n̄an waanjon̄ak, Gospel Art Book, nos. 111–12) ilo am̧ kwaļo̧k juon en̄jake ke Jemedwōj Ilan̄ ekar uwaake jar ko am̧.

pija ej bōk jikin katakin

Katakin Katak eo: Ajri ro Rerūttoļo̧k

Jerbal 10:34–35; 15:6–11

“Anij e jab ļōmņak kōn okōtan armej.”

Ajri ro kwoj katakin rej aikuj meļeļe bwe Jemedwōj Ilan̄ ej iakwe aolep ro Nejin, jekdo̧o̧n kil rot, rej itok jān ia, ak ta kāālet ko rej kōm̧m̧ani.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄e remaron̄ kwaļo̧k ta eo rej āinwōt juon ilo aer kalijek er ak kajjidede rej itok jān ia. Ekkar n̄an Jerbal 10:35, elmen an Anij kile juon n̄e ej “kabun̄būruon”?

• Riiti Jerbal 10:34–35; 15:6–11 ippān ajri ro. Kōmeļeļeiki bwe ilo tōre ko an Piter, Riju ro rekar tōmak bwe Anij ejjab em̧ōņōņō ippān armej ro rejjab Riju (armej rein kar ņaeter Riaelōn̄ ko). Ak Anij ekar kwaļo̧k n̄an Piter bwe Anij ej iakwe aolep ro Nejin, jim̧or Riju ro im Riaelōn̄ ko. Al ippān doon “N̄a Nejin AnijAl ko Al in Ajri,, 2–3). Kajjitōk bwe ajri ro ren ukōt etan ro jet n̄an naan ko āinwōt N̄a ak eō.

• Kajjitōk ippān ajri ro n̄an kwaļo̧k jet men ko rejejjet kōn armej eo ilo kūlaaj eo. Kōmeļeļeiki naan in bwe “An ej jab ļōmņak kōn okōtan armej” meļeļein bwe Jemedwōj Ilan̄ ej iakwe aolep ro Nejin, im kōnke Ej iakwe er, E ej kōņaan bwe aolep ro Nejin ren ron̄ gospel eo.

Jerbal 11:26

Juon Rikūrjin ej juon eo ej tōmak ilo im ļoor Jisōs Kraist.

Elmen am̧ maron̄ jipan̄ ajri ro meļeļe bwe naan ko aer im kōm̧m̧an ko rej kwaļo̧k ke er Rikūrjin?

M̧akūtkūt ko Maron̄ Kōm̧m̧ani

• Kajjitōk bwe ajri ro ren riiti Jerbal 11:26; 3 Nipai 27:3–8; im Katak im Bujen Ko 115:4. Je Rikūrjin ioon bo̧o̧t im ļaini m̧ōttan eo ej ba “Kraist.” Kajjitōk ippāer ta eo rej ļōmņake kōn meļeļein n̄an erom̧ juon Rikūrijtin.

• Kajjitōk ippān ajri ro n̄an kwaļo̧k etan jikin kurup ko reoktak rej pād ie, āinwōt baam̧le ak laļ. Kajjitōk ippāer n̄an kwaļo̧k un ko etke rej m̧ōņōņō n̄an erom̧ juon Rikūrjin im uwaanļo̧k Kabun̄ eo an Jisōs Kraist im Armej ro Rekwojarjar ilo Raan ko Āliktata. Ekōjkan ad maron̄ kwaļo̧k bwe jej Rikūrjin?

• Kwaļo̧k jet kein ekkatak ko ak pija ko me rej pinej jenkwan m̧ool ko rejjjet n̄an Kabun̄ eo an Jisōs Kraist, āinwōt juon pija in jepļaaktok eo an priesthood (lale Gospel Art Book, nos. 93–94). Kajjitōk ippān juon ajri n̄an bōk juon kein ekkatak ko ak pija ko im kōmeļeļeiki elmen an kōjeraam̧m̧an kabun̄ in ad. Kōmeļeļeiki bwe Rikūrijin ro ipeļakin laļin rej uwaanļo̧k elōn̄ kain kabun̄ ko, jej uwaanļo̧k ejja Kabun̄ eo me Jisōs Kraist ekar kajutake ioon laļin.

• Kwaļo̧k bitio in “True Christianity” (ChurchofJesusChrist.org). Kajjitōk ippān ajri ro n̄an je ak jin̄aiki juon men remaron̄ kōm̧m̧ane n̄an erom̧ Rikūrjin eo em̧ool.

Jerbal 12:1–17

N̄e ij jar ilo tōmak, Jemedwōj Ilan̄ enaaj uwaak.

Kōļmenļo̧kjeņ kōn iien ko n̄e Jemedwōj Ilan̄ ekar uwaake jar ko am̧. Elmen am̧ maron̄ kōjerbal en̄jake kein n̄an katakin ajri ro bwe Jemedwōj Ilan̄ enaaj ron̄ im uwaaki jar ko aer ilo iien im tōre eo An make?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ikkure kōn bwebwenatoin an enjeļ eo kōtļo̧k Piter jān kalbuuj ilo an ajri ro jet riiti bwebweanto eo ilo Jerbal 12:1–17.

• Kajjitōk ippān ajri ro ta eo rej ļōmņak meļeļein “en jab bōjrak jar” (Jerbal 12:5). Elmen uwaak in jar ko an armej ro? Kajjitōk ippān ajri ro n̄an kwaļo̧k en̄jake ko aer me Jemedwōj Ilan̄ ekar uwaake an juon make jar ak baam̧le jar. Kwomaron̄ bar kwaļo̧k juon en̄jake me E ekar uwaake jar eo am̧. Kwomaron̄ kobaiki en̄jake ko me uwaak eo ekar itok ilo iien eo jab jeļā kake. Kam̧ool bwe Anij ej iakwe kōj im enaaj uwaake jar ko ad ilo wāween im iien eo em̧m̧an n̄an kōj.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kōm̧m̧ani men ko n̄an kakeememej er kōn ta eo rekar ekkatak rainin, āinwōt juon menin kakeememej n̄an jar.

Kōkōm̧anm̧anļo̧k Ad Katakin

Kam̧ool kōn kōjeraam̧m̧an ko kar kallim̧ur kaki. N̄e kwoj kajjjitōk ippān ajri in Būraimere n̄an mour kōn juon pedped an gospel in, kwaļo̧k kallim̧ur ko Anij eaar kōm̧m̧ani n̄an ro me rej mour kōn pedped in katak in. N̄an waanjon̄ak, komaron̄ kwaļo̧k naan in kam̧ool kōn kōjeraam̧m̧an ko kwaar būki ilo am kar jar ilo tōmak.

peij in m̧akūtkūt: Ij juon Rikūrijin kōnke ij tōmak ilo im ļoor Jisōs Kraist.