31 Julae–6 Ogis

Ol Wok 22–28

“Wan Man blong Wok blong Mi mo Wan Witnes”

Taem yu ridim ol stori blong seves blong Pol we i Aposol long Ol Wok 22–28, lukaotem ol prinsipol we bae oli gat bigfala mining long ol pikinini we yu tijim.

Invaetem Ol Pikinini blong Serem Wanem Oli Gat

Soem ol pikja we maet i save rimaenem ol pikinini long ol stori we oli stap long Ol Wok 22–28, olsem, wan kalabus. Invaetem ol pikinini blong serem eni stori we oli save abaot Pol, we i go wetem ol pikja ia.

Tijim Doktrin: Ol Smol Pikinini

Ol Wok 23:10–11

Papa long Heven mo Jisas Kraes oli kea long mi mo bae oli help long taem blong ol hadtaem blong mi.

Taem oli stap lanem abaot olsem Sevya i bin helpem Pol, i save helpem ol pikinini blong bildimap fet blong olgeta se, Papa long Heven mo Jisas Kraes oli kea long olgeta.

Samfala Aktiviti we Yu Save Mekem

• Serem stori ia long Ol Wok 23:10–11 abaot Sevya we i stap visitim Pol long kalabus. O vidio long “Be of Good Cheer” (ChurchofJesusChrist.org), we i eksplenem gud stori ia. Serem abaot wan taem we yu bin gat wan hadtaem mo God i gaed blong yu mo i givim kamfot long yu. Askem ol pikinini blong serem ol taem we oli filim se God i bin givim kamfot long olgeta.

• Helpem ol pikinini blong lanem baehat wanem we Jisas i bin talem long Pol: “Yufala i no fraet.” Askem ol pikinini blong tingting long wanem we oli save invaetem blong no stap fraet—ating wan we i stap harem nogud o stap wari.

• Singsing wan singsing wetem ol pikinini abaot fasin blong stap glad “Smiles” (Children’s Songbook, 267).

Olsem Pol, yumi jusum blong serem testemoni blong yumi abaot Sevya.

Ol Wok 26:1–29

Mi save serem testemoni blong mi wetem ol narafala man.

Taem yu luklukbak long testemoni blong Pol long King Agripa, i save helpem ol pikinini blong serem wanem we oli save we i tru.

Samfala Aktiviti we Yu Save Mekem

• Karem wan hat blong king we oli mekem long pepa mo askem wan pikinini blong werem mo mekem olsem se hem i King Agripa. Invaetem wan narafala pikinini blong stanap long fored blong king, we i ripresentem Pol, taem bae yu stap talem long sot toktok testemoni blong Pol mo ol aksen blong King Agripa, we i stap long Ol Wok 26:1–29 (luk long “Japta 63: Pol I Finisim Misin blong Hem,” long Ol Niu Testeman Stori, 162–66, o vidio we i go wetem long ChurchofJesusChrist.org). Eksplenem se yumi save serem testemoni blong yumi wetem ol narafala man olsem we Pol i bin mekem.

• Askem ol pikinini blong lisin taem yu stap singsing long o ridim wan singsing abaot testemoni, olsem “Mi Save God I Laef” (STSP, pej 59). Invaetem ol pikinini blong leftemap han blong olgeta taem oli harem wan samting we i tru. Bae yu wantem blong singsing plante taem long singsing ia; invaetem ol pikinini blong joenem yu taem oli save ol toktok. Helpem olgeta blong praktisim blong serem testemoni blong olgeta abaot ol samting we oli save we oli tru.

• Yusum aktiviti pej blong wik ia blong helpem ol pikinini tingabaot wan samting we oli save talem taem oli serem testemoni blong olgeta (luk long Ol Toktok blong Bilif, blong kasem sam moa aedia). Invaetem olgeta blong serem ol testemoni blong olgeta wetem wan long ol famli blong olgeta.

Ol Wok 27

Ol profet oli wonem mi abaot ol denja.

Tingting long olsem wanem stori blong Pol abaot sip we i rek, we i save tijim ol pikinini se ol profet oli luk ol denja long saed blong bodi mo spirit, we yumi no save luk.

Samfala Aktiviti we Yu Save Mekem

• Invaetem ol pikinini blong mekem olsem se oli stap long wan sip we i bin rek from wan bigfala strong win. Ridim woning blong Pol we i go long ol pipol long Ol Wok 27:9–10, mo serem stori blong sip i rek, we i hapen from se oli no bin lisin long ol woning blong hem (luk long Ol Wok 27:11, 39–44). Soem wan pikja blong Presiden blong Jos, mo serem testemoni blong yu se hem i save wonem yumi long ol denja, long saed blong spirit.

• Putum sam pikja o sam samting raonem rum we i ripresentem ol samting we ol profet oli bin tijim long yumi blong mekem, blong kam moa olsem Jisas, olsem blong lavem ol narafala man o kasem baptaes. Olsem wan klas, wokbaot raon long rum, mo stop long evri pikja o ol samting ia, mo tokbaot se olsem wanem taem yumi folem ol tijing blong ol profet, i stap helpem yumi blong stap sef.

Tijim Doktrin: Ol Bigfala Pikinini

Ol Wok 23:10–11; 27:18–25; 28:1–6

Taem mi fesem ol hadtaem, God i no lego mi.

Truaot long ol hadtaem we Pol i eksperiensem, Lod i bin stap wetem hem. ?Long wanem wei nao yu save helpem ol pikinini blong yusum ol eksperiens blong Pol long laef blong olgetawan.

Samfala Aktiviti we Yu Save Mekem

• Taem yu stap yusum Ol Wok 23:10, eksplenem se, oli putum Pol long kalabus from se hem i tijim ol pipol abaot Jisas. Afta, ridim wetem ol pikinini Ol Wok 23:11 . O vidio long “Be of Good Cheer” (ChurchofJesusChrist.org), we i eksplenem gud stori ia. ?From wanem Pol “i no fraet” iven hem i stap long kalabus?

• Raetem long bod Ol Wok 23:10–11; Ol Wok 27:18–25; mo Ol Wok 28:1–6. Soem pikinini blong wan kalabus, wan sip mo wan snek, mo invaetem ol pikinini blong luklukbak long ol ves ia mo majem olgeta wetem ol pikja. Long wanwan stori ia, ?long wanem wei nao Lod i soem long Pol se Hem i stap wetem hem? Serem wan eksperiens taem Lod i bin stap wetem yu long wan hadtaem, mo olsem wanem eksperiens ia i bin mekem testemoni blong yu i kam moa strong long Hem. Leftemap tingting blong ol pikinini tu blong serem ol eksperiens.

Ol Wok 26

Mi no save fraet mo serem testemoni blong mi abaot Jisas Kraes.

Strong paoa long tingting blong Pol blong stap serem testemoni blong hem, i save helpem ol pikinini blong no fraet taem oli stap serem testemoni blong olgeta.

Samfala Aktiviti we Yu Save Mekem

• Jusum ol ves long Ol Wok 26 blong ridim wetem ol pikinini blong helpem olgeta blong andastanem, wanem we Pol i bin talem long King Agripa (olsem ol ves 9–16) mo wanem hem i bin tijim abaot Jisas Kraes (olsem ol ves 18, 23). Yu save soem wan pat blong vidio ia blong “Paul: A Chosen Vessel” (ChurchofJesusChrist.org). ?From wan nao bae i had long Pol blong serem ol samting ia long fored blong king? Invaetem ol pikinini blong mekem lis blong sam gospel prinsipol we oli save we i tru. Askem olgeta blong tingting long wan we oli save, we i nid blong harem testemoni blong olgeta abaot ol trutok ia.

• Invaetem ol pikinini blong yusum aktiviti pej blong wik ia blong raetem wan samting we maet oli save serem taem oli talem testemoni blong olgeta.

Ol Wok 27

Ol profet oli wonem mi long ol denja.

Ol pikinini oli save lisin long ol mesej blong ol profet we oli stap laef mo luksave ol woning blong olgeta. ?Olsem wanem nao yu save helpem ol pikinini blong lanem olsem wanem blong folem gud ol woning ia?

Samfala Aktiviti we Yu Save Mekem

• Katem wan pis blong pepa blong mekem wan sep blong wan sip, i katem blong mekem ol pis blong pasol. Invaetem ol pikinini blong raetem ol woning blong Pol long Ol Wok 27:9–11 long ol pis pepa, mo putum ol pasol tugeta. ?From wanem ol pipol oli no lisin long Pol? (luk long ves 11). Invaetem ol pikinini blong ridim ol ves 18–20 and 40–44 blong wanem i hapen olsem wan risal. (Eksplenem se, from ol pipol oli folem kaonsel blong Pol we i kam afta, blong stap long sip, i gat wan i ded long sip we i rek; long ol ves 30–32.) ?Wanem nao yumi save lanem aot long eksperiens ia, blong stap folem ol profet?

• Karem wan mesej blong konfrens we i jes pas, we i kam long Presiden blong Jos, mo serem wetem ol pikinini abaot eni woning o kaonsel we hem i bin givim. Invaetem ol pikinini blong tingting long ol wei we oli save folem profet.

• Soem vidio blong “Blessed and Happy Are Those Who Keep the Commandments of God” (ChurchofJesusChrist.org). ?Long wanem wei nao ol profet oli olsem ol man we oli stap lukluk wan spae?

Stap Leftemap Tingting blong Lanem Samting long Hom

Askem ol pikinini blong yusum wanem we oli lanem abaot Pol blong leftemap tingting blong ol famli blong olgeta blong stadi long ol mesej blong profet we i jes pas, mo toktok raon long olsem wanem oli save folem kaonsel blong hem.

Stap Kam Antap long Fasin blong Yumi blong Stap Tij

Yusum ol samting we ol defren pat blong bodi oli save mekem. “Plante long ol pikinini (mo ol adalt) oli lanem gud ol samting taem oli yusum ol plante defren samting we bodi blong olgeta i save mekem. Faenem ol wei blong helpem ol pikinini blong oli yusum ol ae, ol sora, mo ol han blong olgeta taem oli stap lanem samting. Long sam situesen, yu save faenem ol wei blong oli save yusum nus blong smel samting mo maot blong testem samting. (Teaching in the Savior’s Way, 25).