28 Ogis–3 Septemba

1 Korin 8–13

“Yufala I Bodi blong Kraes”

Taem yu ridim 1 Korin 8–13, lisin long kwaet toktok blong Spirit abaot olsem wanem blong tijim ol prinsipol long japta ia. Tingbaot se eni aktiviti aedia, yu save jenisim blong i go stret wetem tugeta ol bigfala mo smol pikinini.

Invaetem Ol Pikinini blong Serem Wanem Oli Gat

Invaetem ol pikinini blong serem wan samting we oli bin mekem long taem blong sakramen miting, blong tingbaot Jisas.

Tijim Doktrin: Ol Smol Pikinini

1 Korin 10:13

Papa long Heven bae i helpem mi blong mekem ol stret mo gud joes.

I no isi oltaem blong jusum raet, mo Papa long Heven i save hemia. Taem yumi askem, Hem bae i helpem yumi from se Hem i wantem yumi blong gat sakses.

Samfala Aktiviti we Yu Save Mekem

• Ridim long ol pikinini 1 Korin 10:13 mo invaetem olgeta saksakem hed blong olgeta taem oli harem ol toktok ia, “oli stap traem yumi” o “traem yumi.” Eksplenem se ves ia i minim wanem long yu.

• Talem sam sot stori abaot ol pipol we kolosap bae oli stap mekem ol rong joes. Taem ol pikinini oli stap lisin, invaetem olgeta blong leftemap han blong olgeta o wan stop saen, taem wan man o woman long stori i mekem wan rong joes. ?Wanem nao bae hem i raet joes? Testifae se Papa long Heven bae i helpem yumi blong jusum raet.

• Soem wan pikja blong Jisas, mo singsing wan singsing abaot Hem, wetem ol pikinini, olsem “Mi Traem blong Kam Olsem Jisas” (Liahona, Epril 2012, 64–65). Tokbaot olsem wanem nao taem yu stap tingbaot Jisas, i helpem yu blong mekem ol gudfala joes. Soem pikinini blong sam narafala samting we i helpem yumi blong mekem ol gudfala joes olsem, ol papa mo mama mo ol skripja. Askem ol pikinini, wanem nao i stap helpem olgeta blong mekem ol gudfala joes.

1 Korin 12:4, 7–12

Papa long Heven i bin blesem mi wetem ol talen long saed blong spirit.

Papa long Heven i bin givim ol talen long saed blong spirit, long evri pikinini blong Hem. ?Wanem ol talen long saed blong spirit we yu luk long ol pikinini we yu tijim?

Samfala Aktiviti we Yu Save Mekem

• Askem ol pikinini blong dro wan fevret presen we oli bin kasem. Eksplenem se Papa long Heven i bin givim ol talen long saed blong spirit, blong mekem fet blong yumi i kam strong, mo helpem yumi blong blesem ol narafala man. Tokbaot sam long ol talen long saed blong spirit wetem ol pikinini, we oli tokbaot long 1 Korin 12:7–11.

• Raetem wan not blong wanwan pikinini, tokbaot wan talen long saed blong spirit we yu bin luk long hem (o yu save invaetem ol papa mo mama blong olgeta oli raetem ol not ia). Putum ol not long ol envlop. Letem ol pikinini blong openem ol envlop blong olgeta, mo helpem olgeta blong ridim ol talen blong olgeta long saed blong spirit.

Papa long Heven i bin givim ol talen long saed blong spirit, long evri pikinini blong Hem.

1 Korin 13

Mi save lavem ol narawan.

Ol skripja oli tijim se bigfala lav i “klin lav blong Kraes” (Moronae 7:47). ?Long wanem wei nao yu save helpem ol pikinini blong developem mo soem lav olsem hemia blong Kraes?

Samfala Aktiviti we Yu Save Mekem

• Ridim 1 Korin 13:13 mo Moronae 7:47, mo helpem ol pikinini blong ripitim ves sentens ia “Bigfala lav i klin lav blong Kraes,.” Soem pikja blong Jisas we i stap soem lav mo fasin blong stap kaen mo askem ol pikinini, olsem wanem Hem i soem lav long ol narafala man (luk long Gospel Art Buk blong kasem moa aedia).

• Singsing long wan singsing abaot, lavem ol narafala man, olsem “Jesus Said Love Everyone” o “Love One Another” (Children’s Songbook, 61, 136), wetem ol pikinini. Soem pikja blong ol defdefren pipol (olsem wan papa mo mama, brata mo sista, tija o fren), mo askem ol pikinini olsem wanem bae oli givim seves long man o woman ia. Invaetem ol pikinini blong tingbaot wan we bae oli givim seves long hem mo afta raetem wan not o dro wan pikja blong givim long man o woman ia. Sapos oli nidim sam moa aedia long olsem wanem blong givim seves, soem vidio blong “Pass It On” (ChurchofJesusChrist.org).

Tijim Doktrin: Ol Bigfala Pikinini

1 Korin 10:13

Papa long Heven bae i helpem mi blong stap longwe long temtesen.

ol promes long ves ia i save givim tras, se bae oli save stap longwe long temtesen, tru long help blong Papa long Heven.

Samfala Aktiviti we Yu Save Mekem

• Invaetem ol pikinini blong ridim 1 Korin 10:13 olsem tutu long wan grup, mo talem long sot toktok ves ia long toktok blong olgetawan. Askem ol pikinini blong serem wan eksperiens taem we Papa long Heven i bin helpem olgeta blong stap longwe long temtesen. ?Wanem nao yumi save mekem blong dipen long Papa long Heven taem yumi kasem temtesen?

• Raetem long ol pis pepa ol temtesen we maet ol pikinini oli stap fesem tedei. Invaetem ol pikinini blong jusum wan pepa mo serem wanem we Papa long Heven i bin givim blong helpem yumi stap longwe o stopem ol temtesen ia. Blong kasem moa aedia, ridim tugeta Alma 13:28–29.

1 Korin 11:23–29

Long taem blong sakramen, mi save tingting abaot, olsem wanem nao mi stap folem Sevya.

Helpem ol pikinini we yu tijim blong luksave se sakramen i wan janis blong “lukluk gud” long olgetawan mo mekem i kam niu, ol kavenan blong baptaes blong olgeta mo givim seves long Lod mo obei ol komanmen blong Hem (1 Korin 11:28).

Samfala Aktiviti we Yu Save Mekem

• Askem ol pikinini blong ridim 1 Korin 11:28. ?Wanem nao i minim blong “jekem gud” yumiwan bifo yumi tekem sakramen? Askem ol pikinini blong tingting long ol narafala pipol we oli stap jekem gud ol samting olsem, ol dokta o ol polis we oli investigetem samting o ol saentis (eksampol: Ol dokta oli jekem gud yumi blong mekemsua se yumi stap helti). Taem yumi stap tekem sakramen, ?wanem nao yumi save mekem blong jekem gud yumiwan, olsem wanem yu stap laef folem ol kavenan blong yumi blong baptaes?

• Askem ol pikinini blong mekem wan lis blong ol samting we oli save tingbaot taem oli tekem sakramen. Invaetem olgeta blong yusum lis ia olsem wan rimaenda blong jekem gud olgeta wanwan long taem blong sakramen.

1 Korin 12:4, 7–12, 31; 13:1–8

Mi gat ol talen long saed blong spirit

Pol i tijim se ol talen blong spirit oli “givim long yumi wanwan” (1 Korin 12:7). Prinsipol ia i save helpem ol pikinini blong bildimap filing ia se oli gat valiu, speseli taem oli yusum ol talen blong olgeta blong blesem ol narawan.

Samfala Aktiviti we Yu Save Mekem

• Askem ol pikinini blong raetem ol talen long saed blong spirit long bod, we oli faenem long 1 Korin 12:7–11; 13:2. Invaetem olgeta blong faenem sam moa talen we oli talemaot long Moronae 10:8–18 mo Doktrin mo Ol Kavenan 46:13–26. Serem sam moa talen long saed blong spirit we Elda Marvin J. Ashton i bin tokbaot: “Presen ia blong askem; talen ia blong lisin; … talen ia blong stap longwe long fasin blong raorao; … talen blong lukaotem hemia we i stret mo gud; talen ia blong no jajem ol narawan; talen ia blong lukluk long God blong i lidim yu; … talen ia blong lukaot long ol narafala man; … talen ia blong stap talem prea; talen ia blong serem wan strong testemoni” (“There Are Many Gifts,” Ensign, Nov. 1987, 20). Invaetem ol pikinini blong tokbaot ol talen long saed blong spirit we oli luk long wanwan long olgeta.

• Bifo klas, askem ol papa mo mama blong ol pikinini long klas blong yu, abaot ol talem we oli luk long long ol pikinini blong olgeta o tingbaot ol talen blong ol pikinini we yuwan yu save. Talem long ol pikinini abaot ol talen ia. Invaetem ol pikinini blong raetemdaon o droem wan wei we bae oli yusum ol talen blong olgeta blong blesem wan narawan long wik ia.

• Serem ol defdefren situesen we ol pipol oli save yusum wan talen long saed blong spirit long 1 Korin 12:7–10. Invaetem ol pikinini blong talemaot ol talen long saed blong spirit we oli save yusum long wanwan situesen.

Stap Leftemap Tingting blong Lanem Samting long Hom

Givim tingting long ol pikinini, blong toktok raon long wan samting we yufala i bin tokbaot long klas, wetem ol famli blong olgeta. Eksampol, yu save invaetem ol pikinini blong serem ol talen blong olgeta long saed blong spirit wetem ol famli blong olgeta, mo askem ol memba blong famli, wanem i ol talen we oli gat.

Stap Kam Antap long Fasin blong Yumi blong Stap Tij

Givim ol invitesen we oli respektem fridom blong joes blong wanwan man. Taem yu invaetem ol pikinini blong praktisim wanem oli stap lanem, tingting long ol wei, blong respektem fasin blong mekem joes, blong olgeta. Plante taem yumi stap; be naoia, tingting blong invaetem olgeta we oli stap lan, blong oli tingting long wei blong olgetawan blong yusum wanem we oli bin lanem.