18–24 Septemba

2 Korin 8–13

“God I Lavem Man we I Save Givim Samting long Gladhat blong Hem”

Ol gudgudfala aedia blong stap tijim ol pikinini long klas blong yu, bae i kam taem yu mekem stadi blong yu wetem prea long 2 Korin 8–13 wetem olgeta long maen blong yu. Yu save kasem moa aedia blong tij long aotlaen ia.

Invaetem Ol Pikinini blong Serem Wanem Oli Gat

Wan gudfala we blong invaetem ol pikinini blong serem wan samting wetem evri pikinini i blong rimaenem olgeta long wan samting we yu bin askem olgeta blong mekem, long wan lesen we i pas. Askem olgeta blong serem ol eksperiens blong olgeta.

Tijim Doktrin: Ol Smol Pikinini

2 Korin 9:6–7

Mi save givim samting wetem gladhat long ol pipol we oli stap long nid.

Oltaem i gud blong stap givim seves long ol narafala man, be i moa gud blong givim seves wetem gladhat. Tingting long wanem we bae i givim insperesen long wanwan pikinini blong stap “man we i givim samting long gladhat blong hem.”

Samfala Aktiviti we Yu Save Mekem

• Invaetem ol pikinini blong ripitim sentens ia “God i lavem man we i save givim samting long gladhat blong hem” (2 Korin 9:7). ?Wanem i minim blong stap “man we i save givim samting long gladhat blong hem”? Soem wan pikinini blong wan hapi fes mo wan fes we i harem nogud, mo askem ol pikinini wijwan i luk olsem wan we i givim samting wetem gladhat.

• Singsing tugeta wan singsing abaot “When We’re Helping” (Children’s Songbook, 198), plante taem. Fastaem, askem ol pikinini blong singsing wetem gladhat; afta, askem olgeta blong singsing mo mekem ol defdefren filing o fasin olsem, harem nogud, taet, kros o fraet tumas. Rimaenem ol pikinini se Papa long Heven i wantem yumi blong helpem ol narafala man blong stap glad. Afta, singsing long singsing ia wetem gladhat bakegen.

• Helpem ol pikinini blong mekem ol fes we i stap smael mo ol fes we i no glad. Askem olgeta blong leftemap ol pikja blong smael blong olgeta, taem oli harem ol toktok ia smile (smael) o smiling (stap smael) taem oli singsing “Smiles” (Children’s Songbook, 267). Oli save mekem semmak samting olsem, wetem ol pikja blong olgeta we gat ol fes we i kros mo toktok olsem frown (fes we i kros) mo frowning (fes we i stap kros). Helpem ol pikinini blong talemaot wijwan fes i gat gladhat mo wijwan i no gat gladhat. Eksplenem se wan wei blong stap gat gladhat mo givim seves long ol narafala wan i blong smael mo helpem ol narafala wan blong smael.

• Mekem plan blong gat wan aktiviti blong givim seves long wan olsem, wan pikinini we i no stap kam long Praemeri o wan memba long wod o neba we i stap long nid. Yu save mekem plan blong visitim hom blong man o woman ia, raetem ol kaen samting olsem ol not o dro ol pikja o mekem wan swit kaekae blong serem.

• Invaetem wanwan pikinini blong mekem wan plan blong soem fasin blong givim seves wetem gladhat, long wan memba blong famli blong hem. Long taem blong lesen blong nekis wik, askem olgeta blong serem wanem we oli bin mekem.

2 Korin 12:7–10

Oltaem Papa long Heven i stap ansarem ol prea, be i no oltaem long ol wei we yumi wantem.

Eksperiens blong Pol stap hem i stap prea from “harem nogud tumas long bodi blong hem” blong Lod i karemaot, i tijim yumi se samtaem God i givim moa paoa long yumi long ol tes blong laef, be i no blong stap tekemaot long yumi.

Samfala Aktiviti we Yu Save Mekem

• Soem long ol pikinini wan plan we i gat nidel long hem (o pikja blong wan). Helpem ol pikinini blong traem pikjarem long maen blong olgeta, wanem bae oli filim taem wan nidel blong gras i stak insaed long skin blong olgeta longtaem. Talem long sot toktok long ol pikinini 2 Korin 12:7–10 mo stap eksplenem se, “olsem nil blong aranis, we i stap stikim mi” i wan tes, wan samting we i had tumas long laef blong hem. Nomata se Pol i askem God blong karemaot hadtaem ia, God i no bin mekem. Be, God i bin tijim se ol jalenj oli save helpem yumi blong lanem blong putum tingting i stap daon mo trastem Hem. Afta, God i save mekem yumi strong.

• Testifae se Papa long Heven i save wanem i gud long yumi, mo Hem bae i givim wanem we yumi nidim, iven sapos hem i wan defren samting, i no wanem we yumi tingting long hem, se yumi nidim. Yu save serem wan eksperiens tu taem we yu bin kasem ansa blong ol prea blong yu, long wan wei o long wan taem we i defren long wanem we yu wantem. Wan stori olsem “The Diabetes Dilemma” (Friend, Sept 2019, 4–5) o “Please Bless Ace” (Friend, Nov. 2019, 32–33) i save help tu.

• Singsing wetem ol pikinini wan singsing abaot lav blong Papa long Heven, olsem “A Child’s Prayer” (Children’s Songbook, 12–13). Askem ol pikinini se bae oli talem wanem long wan we i stap tingting se, Papa long Heven i stap harem mo ansarem ol prea no. Singsing long singsing bakegen, mo poenemaot ol laen we i tokbaot olsem wanem Papa long Heven i stap filim abaot yumi.

Tijim Doktrin: Ol Bigfala Pikinini

Seken Korin 9:6–9

Mi save givim samting wetem gladhat long ol pipol we oli stap long nid.

Pol i wantem blong givim insperesen long Ol Sent blong givim plante blong helpem ol pua. ?Olsem wanem nao bae yu yusum ol toktok blong hem blong givim insperesen long ol pikinini blong givim seves long ol narafala man?

Samfala Aktiviti we Yu Save Mekem

• Raetem ol toktok blong 2 Korin 9:7 long bod, wetem putum laen long emti spes blong ol ki toktok. Invaetem ol pikinini blong talemaot ol wanem ol toktok we i nogat. Afta, letem olgeta oli ridim ol ves long skripja mo fulap ol spes long laen. ?Hem i minim wanem blong givim “be hat i no wantem, o from i gat nid blong mekem”? ?Wanem i minim blong stap “man we i save givim samting long gladhat blong hem”?

• Invaetem ol pikinini blong helpem yu blong fanem ol pikja blong Sevya, we i stap givim seves long ol narafala man (i gat sam long Kam Folem Mi—Blong Wanwan Man, Woman, mo Famli). Askem olgeta wanem oli luk long ol pikja ia, we i helpem olgeta blong save se Jisas i givim seves wetem lav long ol narafala man. Putum wan gol olsem wan klas, blong talem yes long ol memba blong famli o ol narafala man, taem oli askem yumi blong givim seves long wik we i stap kam ia olsem, stap help raon long haos o stap kea long ol narafala man.

• Helpem ol pikinini dekoretem ol smol ston. Eksplenem se hemia ol “ston blong seves” we oli save karem long ol poket blong olgeta long wik ia, blong helpem olgeta blong tingbaot blong givim seves wetem gladhat.

• Singsing tugeta wan singsing abaot seves, olsem “Fun to Do” (Children’s Songbook, 253). Helpem ol pikinini blong tingting long ol niufala ves i go wetem singsing ia we i tokbaot ol defdefren wei blong givim seves long ol narafala man.

2 Korin 12:7–10

Oltaem Papa long Heven i stap ansarem ol prea, be oltaem, i stap givim evri samting we mi askem Hem from.

Pol i askem long God blong karemaot ol wiknes blong hem, be God i save se ol wiknes blong hem bae i mekem hem i putum tingting blong hem daon mo God i save mekem hem i strong.

Samfala Aktiviti we Yu Save Mekem

• Invaetem ol pikinini blong komperem 2 Korin 12:9–10 mo Ita 12:27. ?Wanem ol toktok mo ol sentens we oli stap ripitim? ?Wanem nao ol ves ia oli stap tijim? (Maet bae yu nid blong eksplenem se i stap komperem jalenj blong hem olsem wan nidel blong gras we i stak insaed long skin blong hem.) ?Wanem nao God i tijim long Pol abaot ol hadtaem?

• Invaetem ol pikinini blong mekem lis blong ol hadtaem we oli pipol oli stap fesem long laef ia. Tingting long olsem wanem wan i save laen samting aot long ol hadtaem ia mo kasem blesing tru long olgeta.

• Ridim wetem ol pikinini “The Diabetes Dilemma” (Friend, Sept 2019, 4–5). Askem ol pikinini blong se ol eksperiens taem we oli bin prea from wan samting, mo oli no bin kasem. Askem olgeta blong serem wanem we oli lanem long ol eksperiens blong olgeta ia. Maet yu save serem eksperiens blong yuwan tu. Serem testemoni blong yu se Papa long Heven i ansarem ol prea blong yumi oltaem, long wei mo taem we bae yumi kasem moa blesing long hem.

Stap Leftemap Tingting blong Lanem Samting long Hom

Invaetem ol pikinini blong stap man we i givim samting long gladhat long ol hom blong olgeta long wik ia, mo kam long klas nekis wik, mo rere blong ripotem olsem wanem oli givim seves long wan we i stap long nid.

Stap Kam Antap long Fasin blong Yumi blong Stap Tij

Toktok raon long fasin blong spolem man, wetem lav. “Samtaem, wan pikinini i mekem sam samting long wan wei we bae i stopem ol narawan blong lanem samting insaed long klas. Taem hemia i hapen, gat longfala tingting, gat lav, mo andastanem olgeta from ol jalenj we maet pikinini ia i stap fesem. … Sapos pikinini ia we i stap spolem ol narawan i gat ol spesel nid, toktok long wod o stek disabiliti speselis, o visitim [disabilities.ChurchofJesusChrist.org] blong faenemaot wei blong lukluk gud long olgeta nid ia” (Teaching in the Savior’s Way,26