An Jisōs kōnono ippān ajri eo

Jeptōm̧ba 18–24

2 Korint 8–13

“Anij ej Yokwe Eo e Mōņōņō in Leļo̧k”

Pepe eo am̧ em̧m̧antata n̄an katakin ajri ro ilo kūlaaj eo am̧ enaaj waļo̧k ilo am̧ lukkuun ekkatak 2 Korint 8–13 ippāer. Kakkobaba in katak ko maron̄ loi ilo laajrak in.

pija ej bōk jikin kwaļo̧k

Kajjitōk bwe ren Kwaļo̧k

Juon wāween em̧m̧an n̄an kwaļo̧k ilubwiljin ajri ro ej n̄an kakeememej er kōn men eo kwaar kajjitōk ippāer n̄an kōm̧m̧ane ilo katak eo ļo̧k. Kajjitōk ippāer n̄an kwaļo̧k en̄jake ko aer.

pija ej bōk jikin katakin

Katakin Katak eo: Ajri ro Reddikļo̧k

2 Korint 9:6–7

Ij m̧ōņōņō in leļo̧k n̄an armej eo ej aikuj.

Ej aolep iien em̧m̧an n̄an jerbal n̄an ro jet, ak em̧m̧an jerbal ilo m̧ōņōņō. Ļōmņake ta eo enaaj im̧we kajjojo ajri n̄an “m̧ōņōņō in leļo̧k.”

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an āliji naan in “Anij ej Yokwe Eo e Mōņōņō in Leļo̧k” (2 Korint 9:7). Ta meļeļein “m̧ōņōņō in leļo̧k”? Kwaļo̧k juon pija in juon mej elem̧ōņōņō im juon mej ebūrom̧ōj, im kajjitōk ewi wōt reitok in elem̧ōņōņō in leļo̧k.

• Al ippān doon juon al kōn jerbal in jipan̄, eo āinwōt “When We’re Helping” (Children’s Songbook,, 198), elōn̄ alen. Ilo jinoin, kajjitōk ippān ajri ro n̄an al lem̧ōņōņō; innām kajjitōk ippāer n̄an al al eo eoktak en̄jake in ak kiliten, āinwōt būrom̧ōj, m̧ōk, illu, ak mijak. Kakeemeej ajri ro bwe Jemedwōj Ilan̄ ekōņaan bwe jen jipan̄ ro jet ilo m̧ōņōņō. Innām al bar al eo kōn m̧ōņōņō.

• Jipan̄ ajri ro kōm̧m̧ani pija ko kōn mej ko relem̧ōņōņō im mejen jalem̧ōņōņō. Kajjitōk ippāer n̄an kotak pijain ettōn̄dikdik ko aer n̄e rej ron̄ naan ko ettōn̄ ak ettōn̄dikdik ilo aer al “Smiles” (Children’s Songbook, 267). Remaron̄ bar kōm̧m̧an ejja men eo wōt ilo pijaan aer jememejememe jab m̧ōņōņō im jaimeme. Jipan̄ ajri ro kile mej rot eo ej m̧ōņōņō im eo juon ejjab. Kōmeļeļeiki bwe juon wāween n̄an m̧ōņōņō im jerbal n̄an ro jet ej ettōn̄dikdik im jipan̄ ro jet ettōn̄dikdik.

• Peek juon an kūlaaj eo m̧akūtkūt n̄an jerbal in jipan̄ ro jet, āinwōt juon ajri eo ejjab pād ilo Būraimere ak juon ward membōr ak riturid eo ej pād ilo aikuj. Kwomaron̄ peek n̄an loļo̧k armej in ilo m̧weo im̧ōņ, je naan ko rejouj ak jin̄a pija ko, ak kōm̧m̧an juon iien n̄an kwaļo̧k.

• Kajjitōk ippān kajjojo ajri n̄an peek juon m̧akūtkūt in jerbal in m̧ōņōņō n̄an uwaan baam̧le eo an. Ilo iien katak eo an wiik in tok, kōm̧m̧an bwe ren kwaļo̧k ta eo raar kōm̧m̧ane.

2 Korint 12:7–10

Jemedwōj Ilan̄ ej uwaaki jar ko, ak ejjab aolep iien ilo wāween ko jej kōtmeni.

En̄jake eo an Paul kōn jar “kālōklōk ilo kanniōkō” n̄an kōm̧akūt katakin kōj bwe Anij jet iien ej kōkajoorļo̧k kōj ilo apan̄ ko ad ijelo̧kin bukiļo̧k.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon menin eddōk kālōklōk (ak juon pija) Jipan̄ er antoone ta naaj kar en̄jake eo n̄an bōk juon kālōklōk ilo ānbwinier ilo juon iien eaetok. Kōmeļeļeiki 2 Korint 12:7–10 n̄an ajri ro, kōmeļeļeiki bwe “kālōklōk ilo kanniōkō” ko an Paul rekar pād ilo apan̄, jet iien epen mour eo an. Men̄e Paul ekar kajjitōk ippān Anij n̄an joļo̧k apan̄ ko, ak Anij ekar jab. Ijoke, Anij ekar katakin Paul bwe idajon̄jon̄ ko remaron̄ jipan̄ kōj ekkatak n̄an ettā im lōke E. Anij emaron̄ kōm̧m̧an bwe jen kajoor.

• Kam̧ool bwe Jemedwōj Ilan̄ ejeļā ta eo em̧m̧an n̄an kōj, im Enaaj letok n̄an kōj ta jej aikuji, men̄e eoktak jān ta eo jej ļōmņake jej aikuji. Kwomaron̄ bar kwaļo̧k juon waanjon̄ak ke jar ko am̧ raar uwaak ilo juon wāween ak juon iien me ekar oktak jān ta eo kwoj kōtmene. Juon bwebwenato āinwōt “The Diabetes Dilemma” (Friend, Sept. 2019, 4–5) or “Please Bless Ace” (Friend, Nov. 2019, 32–33) emaron̄ bar jipan̄.

• Al ippān ajri ro juon al kōn iakwe eo an Jemedwōj Ilan̄, āinwōt “A Child’s Prayer (Al ko Al in Ajri,12–13). Kajjitōk ippān ajri ro ta eo ren kar ba n̄an ro jet ro rej ļōmņak n̄e Jemedwōj Ilan̄ ej ron̄ im uwaaki jar ko. Al bar al eo, im kalikkar ļain ko me ej kōmeļeļeik elmen an Jemedwōj Ilan̄ en̄jake kōn kōj.

pija ej bōk jikin katakin

Katakin Katak eo: Ajri ro Rerūttoļo̧k

2 Korint 9:6–9

Ij m̧ōņōņō in leļo̧k n̄an armej eo ej aikuj.

Paul ekar kōņaan im̧we ro Rikwojarjar n̄an leļo̧k m̧weiuk ko n̄an jipan̄ ro rijeram̧ōļ. Elmen am̧ naaj kōjerbal naan ko an n̄an im̧we ajri ro n̄an jerbal n̄an ro jet?

M̧akūtkūt ko Maron̄ Kōm̧m̧ani

• Je naan ko 2 Korint 9:7 ioon bo̧o̧t eo, kōn naan ko raorōk rejako ioon ļain eo. Kajjitōk ippān ajri ro n̄an kajidede ta naan eo ejako. Innām kōtļo̧k aer riiti eoon eo ilo jeje ko rekwojarjar n̄an kanne ļain ko ejjeļo̧k kobban. Ta meļeļein n̄an leļo̧k “būrom̧ōj, ak kōn aikuj”? Ta meļeļein “m̧ōņōņō in leļo̧k”?

• Kajjitōk ippān ajri ro n̄an jipan̄ eok pukōt pijain Rilo̧mo̧o̧r an jerbal in jipan̄ ro jet ewōr jet ilo Itok, Ļoor Eō—N̄an Kajjojo Armej im Baam̧le ko). Kajjitōk ippāer ta eo rej loe ilo pija kein me ejipan̄ er jeļā bwe Jisōs ekar jerbal n̄an ro jet kōn iakwe. Kōm̧m̧ani kōttōbar ko āinwōt juon kūlaaj n̄an ba aaete n̄e ro uwaan baam̧le ak ro jet rej kajjitōk n̄an jipan̄ ilo wiik in tok, āinwōt jipan̄ bajjōk itōrerein m̧weo ak oņaake ro jet.

• Jipan̄ ajri ro kainōknōke dōkā ko reddik. Kōmeļeļeik bwe rej “dōkā in jerbal” me remaron̄ bōk ilo bōjo ko aer wiik in n̄an jipan̄ er keememej n̄an m̧ōņōņō in jerbal n̄an ro jet.

• Al ippān doon juon al kōn jerbal in jipan̄, eo āinwōt “When We’re Helping” (Children’s Songbook,, 253). Jipan̄ ajri ro ļōmm̧ake eoon ko rekāāl ilo al eo me ej kōmeļeļeik wāween ko n̄an jerbal n̄an ro jet.

2 Korint 12:7–10

Jemedwōj Ilan̄ aolep iien ej uwaaki jar ko, ak E ejjjab aolep iien ej letok aolep men ij kajjitōk.

Paul ekar kajjitōk ippān Anij n̄an joļo̧k m̧ōjņo̧ ko an, ak Anij ekar jeļā m̧ōjņo̧ ko an Paul bwe en ettā im Anij ekar kōm̧m̧an bwe en kajoor.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an keidi 2 Korint 12:9–10 im Ether 12:27. Ta naan ko ak eoon ko rej āliji? Ta ko eoon kein rej katakin? (Kwomaron̄ aikuj in kōmeļeļeiki bwe Paul ekar keidi apan̄ eo an n̄an juon kālōklōk ilo ānbwinnin.) Ta eo Anij ekar katakin Paul kōn apan̄ ko?

• Kajjitōk ippān ajri ro n̄an kōllaajraki jet men ko ewōr ippān armej ilo mour in. Jipan̄ er ļōmņake elmen an juon maron̄ ekkatak jān apan̄ kein im maron̄ jeraam̧m̧an jeni.

• Riit ippān ajri ro “The Diabetes Dilemma” (Friend, Sept. 2019, 4–5). Kajjitōk ippān ajri ro n̄an kwaļo̧k en̄jake ko ke rekar jar n̄an men ko im rekar jab būki. Kajjitōk ippāer n̄an kwaļo̧k ta eo rekar ekkatak jān en̄jake ko aer. Kwomaron̄ bar kwaļo̧k en̄jake ko am. Kwaļo̧k naan in kam̧ool eo am̧ bwe Jemedwōj Ilan̄ ej aolep iien uwaake jar ko ad ilo wāwee im tōre eo me enaaj kōjeraam̧m̧an kōj.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an m̧ōņōņō in leļo̧k ilo m̧oko im̧weer ilo wiik in im itok pojaktok n̄an kūlaaj in tok n̄an kwaļo̧k elmen aer kar jerbal in jipan̄ ro jet ilo aikuj.

Kōkōm̧anm̧anļo̧k Ad Katakin

Kōnono ilo iakwe kōn kakkure. “Jet iien paoktokin juon ajri emaron̄ in kakkure iien ekkatak eo an ro jet ilo kūlaaj eo. N̄e menin ewaļo̧k, kijenmej, iakwe, im meļeļe kōn apan̄ ko an ajri eo ej jelm̧aeiki. … Eļan̄n̄e ajri eo ej kakkure iien katak ewōr utam̧we ippān, kōnono kake ajri eo ippān eo ej bōk eddoin ro reutam̧we ilo ānbwin ilo stake ak etal n̄an [disabilities.ChurchofJesusChrist.org] n̄an pukōt wāween am̧ maron̄ tōpar aikuj ko rem̧m̧anļo̧k” (Teaching in the Savior’s Way,, 26

peij in m̧akūtkūt: Ij m̧ōņōņō in leļo̧k n̄an armej eo ej aikuj