Dagiti Nainayon a Resources para iti Panangisuro kadagiti Ubbing

Masarakan dagitoy a resources iti Gospel Library app ken iti ChurchofJesusChris.org.

Umaykayo, Sumurot Kaniak—Para kadagiti Indibidual ken Pamilia

Mabalinmo nga ibagay dagiti aktibidad manipud iti Umaykayo, Sumurot Kaniak—Para kadagiti Indibidual ken Pamilia a mausar iti klasem iti Primary. Saanka a madanagan no nalpasen nga inaramid dagiti ubbing dagitoy nga aktibidad kadagiti pamiliada iti pagtaengan; makatulong a makasursuro dagiti ubbing iti panangulit. Mabalin a kayat dagiti ubbing nga ibagada kenka no kasano nga inaramidda dagitoy nga aktibidad kadagiti pamiliada ken no ania ti nasursuroda.

Hymns ken Children’s Songbook

Ti sagrado a musika ti mangawis iti Espiritu, mangtulong kadatayo a makarikna iti ayat ti Dios, ken mangisuro iti doktrina iti nakallalagip a wagas. Kas nayon iti panangusar kadagiti naiprenta a bersion ti Hymns ken ti Children’s Songbook, masarakam dagiti recording iti video ken audio ti adu a himno ken kanta dagiti ubbing iti music.ChurchofJesusChrist.org ken iti Sacred Music ken Gospel Media Library apps.

Para kadagiti kapanunotan, kitaen iti “Panangusar iti Musika a Mangisuro iti Doktrina” ken “Panangtulong kadagiti Ubbing nga Agsursuro ken Manglagip kadagiti Kanta iti Primary ken Himno” iti apendiks daytoy a manual.

Adtoy dagiti Babassit nga Ubbingyo

Adu kadagiti topiko a nadakamat iti Behold Your Little Ones: Nursery Manual ti kapada dagiti isuromto iti Primary. Nangruna no mangisuroka kadagiti in-inaudi nga ubbing, ibilangmo ti panangkita iti nursery manual para kadagiti nayon pay a kanta, estoria, aktibidad, ken crafts.

Friend

Ti Friend a magasin ti mangted kadagiti estoria ken aktibidad a mabalin a suplemento kadagiti pagbatayan nga isursurom manipud iti Umaykayo, Sumurot Kaniak—Para iti Primary.

Dagiti Estoria iti Baro a Tulag

Dagiti Estoria iti Baro a Tulag makatulong kadagiti ubbing a mangsursuro iti doktrina ken dagiti estoria a masarakan iti Baro a Tulag. Masarakam pay dagiti video kadagitoy nga estoria iti Gospel Library app ken iti GospelMedia.ChurchofJesusChrist.org

Dagiti Libro ti Panagkolor kadagiti Estoria iti Nasantuan a Kasuratan—Baro a Tulag

Naglaon daytoy a resource kadagiti panid ti aktibidad iti panagkolor a naisangrat a mangpasayaat iti panagsursuro dagiti ubbing manipud iti Baro a Tulag.

Dagiti Video ken Arte

Ti artwork, dagiti video, ken dadduma pay a media ti makatulong kadagiti sursuruam a makaawat iti doktrina ken mangiladawan iti panunotda kadagiti estoria a mainaig kadagiti nasantuan a kasuratan. Bisitaen ti Gospel Media iti GospelMedia.ChurchofJesusChrist.org tapno i-browse ti koleksion ti Simbaan iti media resources. Ti Gospel Media ket sidadaan pay a magun-od kas mobile app. Masarakan dagiti adu a ladawan a mabalinmo nga usaren iti klase iti Libro ti Arte ti Ebanghelio.

Panangisuro iti Wagas ti Mangisalakan

TiPanangisuro iti Wagas ti Mangisalakan makatulong kenka a makasursuro ken mangusar kadagiti pagbatayan iti panangisuro a kas ken ni Cristo. Nailawlawag ken nausar dagitoy a pagbatayan kadagiti teacher council meeting.