iYaloyalo kei Eparaama kei Sera, mai vei Dilleen Marsh

7–13 ni Feperueri

Nai Vakatekivu 12–17; Eparaama 1–2

“Me Daumuria Vakalevu cake na Buladodonu”

Nanuma tiko ni sa sega ni gadrevi—se rawa mada—mo vakaotia taucoko ena ituvatuva oqo. Laiva na Yalotabu me dusimaki iko ki na ivakavuvuli kei na itaviqaravi me na vakaibalebale vakalevu duadua vei ira na gone o vakavulica.

Vola na Veika o Vakauqeti Kina

Sureta na Veiwasei

Na nodra matavuvale na gone o vakavulica e sa sureti me ra vulica baleti Eparaama kei Sera ena macawa sa oti oqo. Solia vei ira na gone e dua na madigi me ra wasea e dua na ka era kila me baleti Eparaama se o Sera.

Vakavulica na iVunau: Gone Sobu

Eparaama 1:18; 2: 8.

O Jisu Karisito ena rawa ni liutaki au e ligana.

O Eparaama e vinakata me ivalavala dodonu e dina ga ni sa dau caka ca o ira na lewe ni nona matavuvale. E kaya na Turaga vua, “Au na liutaki iko ena ligaqu” (Eparaama 1:18). Me vaka ga sa yalataka tu na Kalou me vukei Eparaama, e rawa ni liutaki ira na gone o vakavulica o Koya ni ra gadreva mera digitaka na dodonu.

iTaviqaravi e Rawa ni Caka

• Wilika vei ira na gone na Eparaama 1:18 kei na 2:8, ka sureti ira mera vakarogoca ena tiki ni yago e cavuti ena tikina ruarua. Eda na rawa beka ni vakila vakacava me liutaki keda o Jisu Karisito e ligana se me taqomaki keda na Ligana? Vakadinadinataka ni o Jisu e liutaki keda mai na veidusimaki ni Nona Yalotabu.

• Vakayagataka na “O Eparaama kei Sera” (ena ITukuni ni Veiyalayalati Makawa) me vukei ira na gone mera kilamatata ni o ira era wavoliti Eparaama era cakava tiko na ka ca, ia a vinakata o Eparama me vakayacora na veika e dodonu ka vukei koya kina na Turaga. E vukei keda vakacava na Tamada Vakalomalagi kei Jisu Karisito ni da tovolea me da digitaka na dodonu? Lagata e dua na sere e semati ki na ivakavuvuli oqo, me vaka na “Tuberi Au e Nona Loloma” (Nodra iVolanisere ni Lalai,177).

• Vakaraitaka e vica na itaba ni iVakabula (raica na Gospel Art Book, nos. 38, 39, 40, kei na 41), ka vukea mera raica na gone na ka e cakava o Koya e Ligana. What can we do with our hands to help others?

Nai Vakatekivu 13:5–12

E rawa niu dau vakavecegui.

Ni ra sa duiyaloyalo na ivakatawa ni manumanu nei Eparaama kei na ivakatawa ni manumanu nei Loti baleta na vanua ni vakana, a vakatura o Eparaama e dua na iwali me kauta mai na tiko sautu. E rawa ni o vakayagataka na ivakaraitaki oqo me vakauqeti ira na gone mera dautataro.

iTaviqaravi e Rawa ni Caka

• Wasea vata kei ira na gone na italanoa mai na Nai Vakatekivu 13:5–12, ka sureti ira mera matanataka. Me ra veivukevuke ni vakatamuri Eparaama, na vugona o Loti, kei na ivakatawa ni manumanu. Vakatura na sala eso era rawa ni muria kina na ivakaraitaki nei Eparaama ena nona dautataro, me vaka na veivukevuketaka e dua na iyaya ni vakatatalo ni qito vata kei na dua na itokani. Sureti ira me ra vakatamuria na ivakaraitaki eso oqo.

• Wilika na Maciu 5:9, ka vakamacalataka ni o Jisu e vinakati keda meda veivakacegui. Vukei ira na gone me ra vakasamataka na cava e rawa ni ra cakava me ra veivakacegui e vale se vata kei ira na itokani. Sureti ira mera droinitaka na kedra iyaloyalo ni ra sa veivakacegui tiko. Kerei ira na gone me ra wasea na nodra vakila ni ra sa veivakacegui vakataki Jisu Karisito.

Nai Vakatekivu 15:1–6; 17:1–8; Eparaama 2:9–11

Sa ka bibi meu maroroya na noqu yalayala.

Na vulici ni veiyalayalati ka a cakava na Kalou vata kei Eparaama kei Sera e rawa ni vukei ira na gone mera kilamatata na kena ibalebale me maroroi na yalayala. E rawa talega ni o vukei ira mera vakavakarau me ra cakava ka maroroya na veiyalayalati.

Taviqaravi e Rawa ni Caka

• Tarogi ira na gone kevaka era kila na cava beka e dua na iyalayala se veiyalayalati. Sureti ira mera wasea na gauna era cakava kina e dua na iyalayala se e dua e cakava e dua na iyalayala vei ira. Ke veivuke, wasea eso na nomu ivakaraitaki vakai iko. Vukei ira na gone me ra kilamatata ni rau sa yalataka tu o Eparaama kei Sera me rau talairawarawa vua na Kalou. Digia e vica na matavosa mai na Nai Vakatekivu 15:1–6; 17:1–8; Eparaama 2:9–11 mo wasea kina eso na veivakalougatataki sa yalataka tu na Kalou vei ira. Ena oka beka kina na “Mo kakua ni rere, Eparama: koi au na nomuni isasabai,” “Ko na tamadra na matanitu e vuqa,” se “Era [na] vakalougatataki kina na veimatavuvale kece sara ni vuravura.”

• Na cava soti na yalayala rawarawa eso era rawa ni cakava na gone ka maroroya ena gauna ni kalasi? Me ivakaraitaki, kerei ira me ra na yalataka me ra tikoga ena nodra idabedabe me vica na miniti se biuta vinaka na nodra idabedabe ni oti na kalasi. Wasea vei ira e dua na gauna o cakava kina e dua na iyalayala ka maroroya, ka sureti ira mera wasea na veika era sa sotava. Vukei ira me ra kilamatata ni ra caka yalayala vata kei na Tamada Vakalomalagi ni ra papitaiso kei na gauna era lako kina ki na valetabu.

Vakavulica na iVunau: Gone Qase Cake

Eparaama 1:12–17

Ko Tamada Vakalomalagi e dau rogoca ka sauma na noqu masu.

Ni a vakaleqai na bula nei Eparaama, e qai kaciva na Kalou ka qai vueti. O ira na gone o vakavulica e tiko beka na veika era sotava ni ra masu e rawa ni ra wasea.

iTaviqaravi e Rawa ni Caka

• Vakaraitaka na iyaloyalo E Dua na Agilosi e Vueti Eparaama (ChurchofJesusChrist.org), ka sureti ira na gone me ra wasea na veika era kila me baleta na kena italanoa e tukuni tiko, ena Eparaama 1:12, 15–17. Kerei ira na gone me ra wilika na veitikina oqo ka wasea na veika era sa vulica me baleta na masu.

• Sureti ira na gone mera wasea na gauna e sauma kina o Tamada Vakalomalagi na nodra masu, ka wasea e dua na ka o sa sotava.

Nai Vakatekivu 13:5–12

E rawa niu dau veivakacegui.

Eda sotava kece na veituvaki ka temaki keda meda rarawa ka vakavu veileti. Nanuma era rawa ni vukei vakacava na gone mai na italanoa kei Eparaama kei Lote mera dautataro dauveivakacegui ena ituvaki vakaoya.

iTaviqaravi e Rawa ni Caka

• Vola ena papa na Vakaitavi Liu, iTuvaki, Leqa, kei na iWali . Sureti ira na gone me ra wilika na Nai Vakatekivu 13:5–12 ka raica na tiki ni italanoa era volai tiko ena papa. Vukei ira na gone me ra vakasamataka eso na ituvaki era rawa ni dauveivakacegui kina, me vaka na gauna e veiba kina e dua se via veivala. Mo qai sureti ira me ra matanataka na sala era rawa ni na dauveivakacegui kina ena veigauna oqori.

• Vukei ira na gone mera kunea na ulutaga “Vakacegu” kei na “Veivakacegui” ena iDusidusi ki na ivolanikalou (na ivolanikalou. ChurchofJesusChrist.org). Sureti ira yadua na gone mera digitaka e dua na ivolanikalou me baleta na vakaceguka wasea na veika e sa vulica ena kalasi. Vukei ira mera vakasamataka eso na ivakaraitaki ni iVakabula me dauveivakacegui, me vaka ena Luke 22:50–51. E rawa vakacava ni da vakamuria na Nona ivakaraitaki?

  

  Na Digidigi nei Loti, © Providence Collection/laiseni mai na goodsalt.com

Nai Vakatekivu 17:1–8; Eparaama 2:8–11

Au rawa ni maroroya na veiyalayalati au cakava vata kei Tamada Vakalomalagi.

Nodra vakavulici na gone me baleta na veiyalayalati a cakava na Kalou vata kei Eparaama kei Sera e rawa ni vukei ira mera nanuma tiko na nodra veiyalayalati.

iTaviqaravi e Rawa ni Caka

• Sureti ira na gone mera wilika na Nai Vakatekivu 17:1–8 kei na Eparaama 2:8–11 ka cakava e rua na lisi: na cava a kerei me cakava o Eparaama kei na ka a yalataka vua na Turaga me kena isau. Na cava eda vulica baleta na Turaga mai na veitikina oqo?

• Taura e dua na itaba ni dua e papitaiso (raica iVola ni iTaba ni Kosipeli, naba. 103, 104). Kerei ira na gone me ra vola na vosa ni yalayala e vakayacora e dua na tamata ena gauna ni papitaiso kei na iyalayala ni Kalou me kena isau. Vakatura me ra raica na gone na Mosaia 18:10; Vunau kei na Veiyalayalati 20:37, 77, 79 me veivuke. Na cava e rawa ni da cakava meda muria kina na veiyalayalati eda cakava ena papitaiso?

Vakauqeta na Vuli e Vale

Vakauta e dua na ivolalekaleka ki vale kei ira na gone me ra vakayaloqaqataki kina na lewe ni nodra matavuvale me ra kidava ni ra sa dauveivakaceguitiko na gone, ka dau maroroi na iyalayala, se cakava e dua tale na ka o a veivosakitaka ena kalasi.

Vakatorocaketaki Noda Veivakavulici

Era dau waribariba na gone. Ena so na gauna ena sega beka ni kaukauwa cake na gone ena veivagolei mai na vuli, ia e rawa ni o vakayagataka na nodra kaukauwa me tiki ni nodra vuli. Sureti ira mera matanataka e dua na italanoa se cakava na ivukivuki ni vosa ena dua na sere se ivolanikalou. (Raica na Veivakavulici ena iVakarau ni iVakabula, 25–26.)