Ebream im Serai

Kōmeļeļein eo kōn Ebream im Serai, jān Dilleen Marsh

Pāpode 7–13

Jenesis 12–17; Ebream 1–2

“N̄a Iaar Juon Riļoore Jim̧we”

Keememej bwe ejjab aorōk—ak barāinwōt ekkar—n̄an kabare aolep men ilo laajrak in katak in. Kōtļo̧k bwe Jetōb en tōl eok n̄an pedped in katak ko im m̧akūtkūt ko me renaaj lukkun ļap tokjeer n̄an ajri ro kwoj katakin er.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Baam̧le ko an ajri ro kwoj katakin jar karuwaineneik er n̄an ekkatak kōn Ebream im Serai ilo wiik eo ļo̧k. Leļo̧k n̄an ajri ro iien em̧m̧an n̄an kwaļo̧k juon men rejeļā kake kōn Ebream ak Serai.

pija ej bōk jikin katakin

Katakin Katak eo: Ajri ro Reddikļo̧k

Ebream 1:18; 2:8

Jisōs Kraist emaron̄ tōl eō kōn pein.

Ebream ekar kōņaan bwe en mour jim̧we men̄e ro uwaan baam̧le eo an rekar nana. Irooj ekar ba n̄an e, “Inaaj tōl eok kōn Peiū” (Ebream 1:18). Āinwōt an Anij kar kallim̧ur n̄an jipan̄ Ebream, Emaron̄ tōl ajri ro kwoj katakin er n̄e ewōr aer ikdeleel n̄an kāālet jim̧we eo.

M̧akūtkūt ko Maron̄ Kōm̧m̧ani

• Riit ļo̧k n̄an ajri ro Ebream 1:18 im 2:8, im kajjitōk ippān ajri ro n̄an ron̄jake kōn m̧ōttan ānbwin me kōnono kake ilo eoon kein jim̧or. Ekōjkan ad en̄jake ilo an Jisōs Kraist tōl kōj kōn pein ak ilo an Pā ko Pein kōjparok kōj? Kam̧ool bwe Jisōs ej tōl kōj ilo an tōl kōj kōn Jetōb eo.

• Kōjerbal “Abraham and Sarah” (ilo Old Testament Stories) n̄an jipan̄ ajri ro meļeļe bwe armej ippān Ebream rekar kōm̧m̧an men ko renana, ak Ebream ekar kōņaan kōm̧m̧an men ko im Irooj ekar jipan̄ e. Ekōjkan an Jemedwōj Ilan̄ im Jisōs Kraist jipan̄ n̄e jej kajjeon̄ kāālet men eo ejim̧we? Al juon al eo ej iookļo̧k pedped in katak in, āinwōt “Teach Me to Walk in the Light” (Children’s Songbook, 177).

• Kwaļo̧k jejjo pijaan Rilo̧mo̧o̧r (lale Gospel Art Book, nos. 38, 39, 40, im 41), im jipan̄ ajri ro lo men ko me Ekar kōm̧m̧ani kōn Pā ko Pein. Ta eo jemaron̄ kōm̧m̧ane kōn peier n̄an jipan̄ ro jet?

Jenesis 13:5–12

Imaron̄ erom̧ juon rikōm̧m̧an aenōm̧m̧an.

Ke rilale kidu an Ebream im rilale kidu an Lot rekar jab errā kōn meļan ujooj ko aer, Ebream ekar bōklōn̄tak juon un me ekar bōktok aeņōm̧m̧an. Kwomaron̄ kōjerbal waanjon̄ak in n̄an im̧we ajri ro n̄an erom̧ rikōm̧m̧an aeņōm̧m̧an.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro bwebwenato eo jān Jenesis 13:5–12, im kajjitōk ippāer n̄an kōm̧m̧an ekkar n̄an bwebwenato eo. Kōtļo̧k bwe ajri ro ren kajjojo bōk koņaer n̄an arin Ebream, Lot, im rilale kidu. Kwaļo̧k wāween ko remaron̄ ļoor waanjon̄ak eo an Ebream n̄an erom̧ juon rikōm̧m̧an aeņōm̧m̧an, āinwōt kajjojo bōk koņaer kōn juon to̧le n̄e rej ikkure ippān juon m̧ōttan. Kajjitōk ippāer n̄an kōm̧m̧an arin ak tieta kōn waanjon̄ak kein.

• Riiti Matu 5:9, im kōmeļeļek bwe Jisōs ekōņaan bwe jen erom̧ rikōm̧m̧an aeņōm̧m̧an. Jipan̄ ajri ro ļōmņake ta eo remaron̄ n̄an erom̧ rikōm̧m̧an aeņōm̧m̧an ilo m̧ōko ak ippān ro m̧ōttāer. Kajjitōk ippāer n̄an jin̄n̄aik juon pijaier āinwōt rikōm̧m̧an aeņōm̧m̧an. Kajjitōk ippān ajri ro n̄an kōnono kōn ekōjkan aer en̄jake n̄e rej rikōm̧m̧an aeņōm̧m̧an āinwōt Jisōs Kraist.

Jenesis 15:1–6; 17:1–8; Ebream 2:9–11

Eaorōk n̄an kōjparok kallim̧ur ko ad.

Ekkatak kōn bujen eo me Anij ekar kōm̧m̧ane ippān Ebream im Serai emaron̄ jipan̄ ajri ro meļeļe ta meļeļein n̄an kōjparok kallim̧ur ko. Emaron̄ barāinwōt jipan̄ er kōppopo n̄an kōm̧m̧ane im kōjparok bujen ko.

M̧akūtkūt ko Maron̄ Kōm̧m̧ani

• Kajjitōk ippān ajri ro eļan̄n̄e rejeļā ta in kallim̧ur ak bujen. Kajjitōk ippāer n̄an kwaļo̧k en̄jake ko aer n̄e rej kōm̧m̧ane juon kallim̧ur ak juon eo ekar kōm̧m̧ane juon kallim̧ur n̄an er. Eļan̄n̄e ejipan̄, kwaļo̧k jet iaan waanjon̄ak ko am̧ make. Jipan̄ ajri ro meļeļe bwe Ebream im Serai rekar kallim̧ur n̄an pokake Anij. Kāālet jejjo naan jān Jenesis 15:1–6; 17:1–8; Ebream 2:9–11 n̄an kwaļo̧k jet iaan kōjeraam̧m̧an ko me Anij ekar kallim̧uri er. Menin kein emaron̄ koba “Fear not, Abram: I am thy shield,” “Thou shalt be a father of many nations,” or “All the families of the earth [shall] be blessed.”

• Ta eo jet iaan kallim̧ur ko reļam waan ajri ro remaron̄ kōm̧m̧ane im kōjparok ilo kūlaaj eo? N̄an waanjon̄ak, kajjitōk ippāer n̄an kallim̧ur bwe renej jijet wōt ilo jea ko aer ium̧win jejjo minit ak karōki jea ko ilo jem̧ļo̧kin kūlaaj eo. Kwaļo̧k n̄an er juon iien ke kwar kōm̧m̧ane juon bujen im kwar kōjparoke, im kajjitōk ippāer n̄an kwaļo̧k jabdewōt en̄jake rekar en̄jake. Jipan̄ er meļeļe bwe renaaj kōm̧m̧ani kallim̧ur ko ippān Jemedwōj Ilan̄ n̄e rej peptaij im n̄e rej etal n̄an tampeļ.

pija ej bōk jikin katakin

Katakin Katak eo: Ajri ro Rerūttoļo̧k

Ebream 1:12–17

Jemedwōj Ilan̄ ej ron̄jake im uwaake jar ko ad.

Ke mour eo an Ebream ekar pād ilo kauwōtata, ekar kūr Anij im ekar bōk lo̧mo̧o̧r. Ari ro kwoj katakin emaron̄ wōr aer make en̄jake ko kōn jar me remaron̄ kwaļo̧k.

M̧akūtkūt ko Maron̄ Kōm̧m̧ani

• Kwaļo̧k pija eo An Angel Saves Abraham (ChurchofJesusChrist.org), im kajjitōk ippān ajri ro n̄an kwaļo̧k ta eo rejeļā kōn bwebwenato ej waļo̧k, epād ilo Ebream 1:12, 15–17. Kajjitōk ippān ajri ro n̄an kwaļo̧k en̄jake ko ruwaineneik ajri ro n̄an riiti eoon ko im kōmāāji ippān kanaan ko ippān ta ko rekar kūrm̧ool.

• Kajjitok ippen ajri ro n̄an kwaļo̧k en̄jake eo aer ilo iien eo Jemed Ilan̄ ekar uwaak jar ko aer, im kwaļo̧k juōn iaam en̄jake ko am make.

Jenesis 13:5–12

Imaron̄ juon rikōm̧m̧an aenōm̧m̧an.

Kōjwōj kajjojo jej ioon menin kapo ko im rej menin kalulu im kainepata. Kōļmenļo̧kjen kōn bwebwenato in Ebream im Lot remaron̄ jiban̄ ajri ro kōm̧m̧an aenōm̧m̧an ilo jōkjōk in.

M̧akūtkūt ko Maron̄ Kōm̧m̧ani

• Jei Ro rej Eddoon, Setting, Menin kabokbok, im Jōkjōk ilo ioon boot eo. Karuwainene ajro ro n̄an riit Jenesis 13:5–12 im kwaļo̧k jidik kōn bwebwenato kein rej elaajrak ioon boot eo. Jiban̄ ajri ro bukō jōkjōk eo im remaron̄ einwōt rikōm̧m̧an aenōm̧m̧an, einwōt n̄e juōn ej akweel ak kajjeon̄ n̄an ire. Innem karuwainene ki er n̄an itok im kwaļo̧k ewi wāween aer maron̄ rikōm̧m̧an aenōm̧m̧an ilo jōkjōk rot in.

• Jipan̄ ajri ro pukot unin tōl eo “Peace” and “Peacemaker” in the Guide to the Scriptures (scriptures.ChurchofJesusChrist.org). Karuwaineneki kajjojo ajri n̄an kāālet juōn eoon kōn iakwe im kwaļo̧k ta eo ekar ekkatak n̄an kūlaaj eo. Jipan̄ er ļōmņak kōn jet waan jon̄ak ko kōn Rilo̧mo̧o̧r eo āinwōt rikōm̧m̧an aenōm̧m̧an, āinwōt ilo Luk 22:50–51. Ekōjkan ad maron̄ ļoor waanjon̄ak eo An?

  Lot im Ebream ippān menin mour ko

  Kāālet eo an Lot, © Providence Collection/licensed from goodsalt.com

Jenesis 17:1–8; Ebream 2:8–11

Imaron̄ kōjbarok bujen ko Ikar kōm̧m̧ani ippen Jema Ilan̄.

Katakin ajri ko kōn bujen eo Anij ekar kōm̧m̧ane ippen Ebream im Sera eo emaron̄ jiban̄ er ļo̧mņak kōn bujen ko aer make.

M̧akūtkūt ko Maron̄ Kōm̧m̧ani

• Karuwainene ki ajri ro n̄an riit Jenesis 17:1–8 im Abraham 2:8–11 im kōm̧m̧ane ruo laajrak: ta eo kar kajjirōk ippen Ebream im ta eo Irooj ekar kallim̧ur e. Ta eo jej ekkatak kōn Rilo̧mo̧o̧r jān eoon kein?

• Kwaļo̧k juon pija in juon eo ekar peptaij im juon eo kar kapene (lale Bok in Gospel Pija, nō. 103, 104 Kajjitok ippen ajri ro bwe ren laajrake kallim̧u ko rej kōm̧m̧i ilo iien baptaij eo im kallim̧ur ko Anij ej kōm̧m̧ani n̄an er. Kwaļo̧k n̄an ajri ro bwe ren lale Mosiah 18:10; Katak kōn Bujen ko 20:37, 77, 79 n̄an jiban̄. Ta eo jemaron̄ kōm̧m̧ane n̄an kōjbarok bujen ko jekar kōm̧m̧ani ilo iien baptaij eo?

pija ej bōk jikin ekkatak

Kōketak Ekkatak ilo M̧weo

Leļo̧k juon naan(note) ippen ajri ro ilo aer rool n̄an m̧ōko n̄an kōketak ro uwaan baam̧le ko aer n̄an kūle n̄āāt eo ajri ro rej rikōm̧m̧an aenōm̧an, kōjparok kallim̧uk ko, ak kōm̧m̧ani men ko jet kwoj kōm̧m̧ani ilo kūlaaj.

Kōkōm̧anm̧an Ad Katakin

Ajri ro reniknik. IIen ko remaron̄ kwaļo̧k bwe ikūdeldel ko an ajri ro remaron̄ jelm̧ae er jen ekkatak, bōtaab komaron̄ kōjerbal ikūdelel ko aer einwōt m̧ōrran katak ko aer. Karuwaineneik er n̄an ikkure kōn bwebwenato eo ak kōm̧m̧an kōl ko im rej etal ippen naan ko ilo al eo ak eoon. (Lale Teaching in the Savior’s Way, 25–26

peij in m̧akūtkūt, eļap an aorōk n̄an kōjparok kallim̧ur ko aō