Sera ej jibwe nin̄nin̄ Isaac

Sera im Aisek, jān Scott Snow

Pāpode 14–20

Jenesis 18–23

“Ewōr ke Men eo Irooj E Jab Maron̄e?”

Ilo am̧ kappukot n̄an tōpar aikuj ko an ajri ro kwoj katakin er, ļōmņak kōn aitia ko n̄an jim̧or rūtto im ajri ro reddikļo̧k ilo laajrak in katakin in.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

N̄an jipan̄ ajri ro kwaļo̧k ta eo rekar jeļā kake kōn Jenesis 18–23, kwaļo̧k pijaan juon ak elōn̄ m̧akūtkūt ko jān jebta kein, im kajjitōk ippān ajri ro n̄an kwaļo̧k jabdewōt men ko rej keememej kōn bwebwenato eo.

pija ej bōk jikin katakin

Katakin Katak eo: Ajri ro Reddikļo̧k

Jenesis 18:9-14; 21:1-7

Imaron̄ lōke Anij n̄an kōjparok kien ko An.

Men̄e Anij ekar kallim̧ur bwe Sera im Ebream ke ekar tin lōn̄ juon nejier ļaddik, ke rekar rūttoļo̧k, epen bwe kallim̧ur in en kūrm̧ool. Ekōjkan am̧ maron̄ kōjerbal bwebwenato in n̄an jipan̄ ajri ro tōmak bwe Anij enaaj kōjparok kien ko An aolep iien?

M̧akūtkūt ko Maron̄ Kōm̧m̧ani

• Ba ilo tukaduin kallim̧ur eo an Anij n̄an Ebream im Sera ke enaaj wōr nejier juon ajri im kūrm̧ool eo an kallim̧ur in (lale Jenesis 17:15–19; 18:9–14; 21:1–7). Ak kajjitōk ippān juon ripālele ilo ward eo n̄an ekkanōk nuknuk āinwōt Ebream im Sera im ba n̄an er bwebwenato eo. Jipan̄ ajri ro meļeļe bwe Ebream im Sera rekar lukkuun rūtto n̄an neji. Kajjitōk ippāer kajjitōk eo jān Jenesis 18:14, “Ewōr ke men eo Irooj e jab maron̄e?” Kam̧ool bwe Irooj emaron̄ kakūrm̧ool kallim̧ur ko An, men̄e epen ilo lale.

• Kōm̧m̧an juon kallim̧ur n̄an ajri ro bwe kwonaaj kakūrm̧ool ilo jem̧ļo̧kin kūlaaj eo (n̄an waanjon̄ak, me kwonaaj kōtļo̧k bwe ren kōļare juon pija). Ilo iien kūlaaj eo, kakeememej er kōn kallim̧ur eo am̧, innem kakūrm̧oole. Kōmeļeļeik bwe Irooj aolep iien ej kōjparok kallim̧ur ko An.

• Kajjitōk ippān ajri ro n̄an kwaļo̧k juon iien ke rekar aikuj kōttar juon men me relukkuun kōņaan. Ippān ajri ro, al juon al me ej kam̧ool kōn kallim̧ur eo an Anij, āinwōt “Keep the Commandments” (Al ko Al in Ajri, 146–47). Jipan̄ ajri ro pukot men ko me Anij ekar kallim̧ur kōj eļan̄n̄e jej tiljek.

• Kwaļo̧k juon pija in juon peptaij ak juon iien kwojkwoj (lale Gospel Art Book, nos. 103, 104, 107, 108). Jipan̄ ajri ro ekkatak kōn kallim̧ur ko jej kōm̧m̧ani ippān Anij, im ta eo Anij ej kallim̧ur kōj enaaj kōjepļaaktok, n̄e jej peptaij im bōk kwojkwoj eo. (Lale True to the Faith, 23–25.)

Lale Jenesis 22:1–14

Ebream ekar pokake Irooj.

Ekar lukkuun pen n̄an Ebream n̄an ļoor kien n̄an katok kōn eo nejin. Kejakļo̧kjeņ kōn wāween emaron̄ jejjet am̧ kōjerbal bwebwenato in n̄an kōketak ajri ro n̄an pokake Anij men̄e epen ak rejjab lukkuun jeļā unleplep in kien ko An.

M̧akūtkūt ko Maron̄ Kōm̧m̧ani

• Kwaļo̧k juon pija in Ebream im Aisek (lale unin tōl eo an wiik eo ilo Itok, Ļoor Eō—N̄an Kajjojo Armej im Baam̧le Ko), im kōjerbale n̄an ba bwebwenato eo kōn Ebream im Aisek (barāinwōt lale “AEbream im Aisek,” ilo Old Testament Stories). Kwaļo̧k juon pija in Jisōs Kraist, im kōnono n̄an ajri ro kōn wāween an bwebwenato eo an Ebream im Isaac maron̄ kakeememej kōj kōn katok eo an Jemedwōj Ilan̄ im Jisōs Kraist rekar kōm̧m̧ane n̄an kōj.

• Ikkure juon ikkure epidodo me emenin aikuj bwe ajri ro ren ļoor kōmeļeļe ko. N̄an waanjon̄ak, kōmeļeļe ko remaron̄ tōl n̄an juon pija in Rilo̧mo̧o̧r enojak ilo kūlaaj eo. Ta jet iaan men ko Jemedwōj Ilan̄ ekar kajjitōk bwe jen kōm̧m̧ane? Jipan̄ ajri ro meļeļe bwe kōjparok ien ko An enaaj jipan̄ kōj jepļaak im mour bar juon alen Ippān im Jisōs Kraist.

pija ej bōk jikin katakin

Katakin Katak eo: Ajri ro Rerūttoļo̧k

Jenesis 18:9-14; 21:1-7

Irooj ej kakūrm̧ool kallim̧ur ko An, men̄e ilo lali reppen.

Ebream im Serai rekar bwe enaaj wōr juon nejier ļaddik, ak epen—Ebream kar 100 iiō rūttoon, im Serai ekar 90 an iiō (lale Jenesis 17:17). Anij ekar kakūrm̧ool kallim̧ur eo An, im bwebwenato eo emaron̄ jipan̄ ajri ro kwoj katakin er kōkajoorļo̧k tōmak eo aer ilo kallim̧ur ko an Anij n̄an Er.

M̧akūtkūt ko Maron̄ Kōm̧m̧ani

• Je kajjojo naan ko jān jentōj eo jinoin ilo Jenesis 18:14 ilo juon peba ejeņoļo̧k, im leļo̧k n̄an jkajjojo ajri. Innem kajjtōk ippān kūlaaj eo n̄an likūt naan ko ilo laajrak eo ejim̧we. Riit Jenesis 18:9–14; 21:1–7 ippān ajri ro n̄an kappukot juon waanjon̄ak jān mour ko an Serai im Ebream ke Irooj ekar kōm̧m̧ane juon me me epen ilo lale. Ta eo jemaron̄ ekkatak jān en̄jake eo an Serai im Ebream me emaron̄ kōketak kōj n̄an lōke kallim̧ur ko an Anij?

• Kwaļo̧k pija ko pijaan bwebwenato ko ilo jeje ko rekwojarjar eo me Anij ekar kōm̧m̧ane juon men eo ejeja ak epen (n̄an waanjon̄ak, lale Gospel Art Book, nos. 7, 8, 25, 26). Kajjitōk ippān ajri ro n̄ak kwaļo̧k ta eo rejeļā kake kōn m̧akūtkūt ko me rej waļo̧k ilo pija in, im jipan̄ er lo wāween an Irooj kar kakūrm̧ool kallim̧ur ko An ilo kajjojo iien ko. Kwaļo̧k wāween an Irooj kar kōjparok kallim̧ur ko An ilo mour eo am̧ ak ilo mour ko an armej ro kwojeļā kake er (n̄an jet waanjon̄ak kōn kallim̧ur ko an Irooj, lale Malakai 3:10; Jon 14:26–27; Katak im Bujen Ko 89:18–21). Kōtļo̧k bwe ajri ro ren kwaļo̧k ejja waanjon̄ak rōt in me rejeļā kake.

Jenesis 19:15–26

Imaron̄ ko jān nana ko.

Bwebwenato in Lot im baam̧le oe an ke rej ko jān jikin eo eobrak kōn nan emaron̄ im̧we ajri ro kwoj katakin er ko jān kapo ko renana ilo mour ko aer.

Kōmeļeļe eo kōn an Lot im baam̧le eo an ko jān Sodom im Gomorrah

Ko jān Sodom im Gomorrah, jān Julius Schnorr von Carolsfeld

M̧akūtkūt ko Maron̄ Kōm̧m̧ani

• Kakaduuikļo̧k Jenesis 19:15–26 ilo am̧ kōmeļeļeik bwe baam̧le eo an Lot rekar mour ilo juon jikin eobrak kōn nana, im enjeļ ro rekar kakkōl er n̄an em̧m̧akūt. Riit ippān doon eoon ko 15–17, 26, im jipan̄ ajri ro ļōmņak kōn ta eo emaron̄ meļeļein n̄an er n̄an “ko” jān nana im “jab reilikļo̧k” (eoon 17).

• Kwaļo̧k juon pijain Rilo̧mo̧o̧r, im kajjitōk ippān ajri ro n̄an bōk juon bun̄tōn m̧aanļo̧k ilo aer jeer juon men eo remaron̄ kōm̧m̧ane n̄an ko jān nana im epaakeļo̧k Kraist.

• Kōmeļeļe kōn jekjek ko me juon m̧ōttam̧ emaron̄ kajjitōk ippān ajri ro n̄an kōm̧m̧ani men ko rejeļā ke rejjab jim̧we. Elmen ad naaj “ko” jān jekjek kein? Ta eo jenaaj ba n̄an in m̧ōttad?

Lale Jenesis 22:1–14

Jemedwōj Ilan̄ eaar jilkintok eo Nejin, eo me kar katok kōn E make n̄an kōj.

Ilo am̧ katakin kōn ikdeleel eo an Ebream n̄an katok kōn Isaac, jab kaburom̧ōj ak kamijak en̄jake ko an ajri ro. Kōjerbal bwebwenato in n̄an jipan̄ ajri ro kōkajoorļo̧k iakwe eo aer im kam̧m̧oolol n̄an katok eo an Rilo̧mo̧o̧r.

M̧akūtkūt ko Maron̄ Kōm̧m̧ani

• N̄an jipan̄ ajri ro ekkatak bwebwento eo ilo Jenesis 22:1–14, riiti eoon ko n̄an er, im kajjitōk ippāer n̄an jin̄n̄aik pija in ta eo kwoj riiti. Etke kien ko an Irooj n̄an katok kōn Isaac rekar lukkuun pen n̄an an Ebream kōjparoki? Ta ko jej katak kōn Ebream jān bwebwenato in?

• Kōjerbal pijaan Ebream im Isaac im mej eo An ioon Debwāāl (lale Gospel Art Book, nos. 9, 57) n̄an keidi bwebwenato eo ilo Jenesis 22 ippān pinmuur eo an Rilo̧mo̧o̧r (lale Matu 27:26–37). Ta eo jemaron̄ ekkatak kōn Jemedwōj Ilan̄ im Jisōs Kraist jān bwebwenato ko an Ebream im Aisek im mej eo An Ioon Debwāāl?

• Kwaļo̧k juon pijaan alooj etan “For God So Loved the World” (ChurchofJesusChrist.org), ak al juon al ippān doon kōn pinmuur eo an Rilo̧mo̧o̧r, āinwōt “He Sent His Son” (Children’s Songbook, 34–35). Kajjitōk ippān ajri ro n̄an kōnono kōn ewi wāween an katok eo an Jisōs kwaļo̧k iakwe eo an Jemedwōj Ilan̄ n̄an kōj.

learning icon

Kōketak Ekkatak ilo M̧weo

Kajjitōk ippān ajri ro n̄an kwaļo̧k ippān baam̧le ko aer kōn juon iien me Anij ekar kōjeraam̧m̧an er ke rekar pokake juon iaan kien ko An.

Kōkm̧anm̧anļo̧k Ad Katakin

Rōjan̄ n̄an kautiej. N̄e emenin aikuj ilo kūlaaj eo, kwomaron̄ kakeememej ajri ro n̄an kautiej. Kwomaron̄ kōm̧m̧ane menin ilo am̧ kadikdik al ak kōm̧m̧an ainikien juon al ak ilo am̧ kwaļo̧k juon pijaan Jisōs.

peij in m̧akūtkūt eo: Ebream ekar pokake Irooj