Sara im Aijek, jān Scott Snow

Pāpode 14–20

Jenesis 18–23

“Ewor Ke Men eo Jeova E Jab Maron̄e?”

Riiti im kejekļo̧kjeņ kōn Jenesis 18–23, im je im̧we ko am̧. Komaron̄ kōjerbal ļōmņak ko ilo unin tōl in n̄an jipan̄ eok ekkatak jepta kein, im komaron̄ barāinwōt im̧we n̄an kappukōt ennaan ko jet ilo jeje ko rekwojarjar me Irooj ekar kōjenolo̧k n̄an kwe eļap tata.

Je En̄jake ko Rej Im̧we Eok

Mour eo an Ebream, ekar obrak kōn iien ko jim̧or ekarup bōro im ekaju bōro, ej kein kam̧ool kōn juon m̧ool Ebream ekar ekkatak kake ilo juon visōn—bwe jej pād ioon laļ in n̄an idajon̄jon̄, “n̄an lale eļan̄n̄e [jenaaj] kōm̧m̧ani aolep men ko jabdewōt Irooj [ad] Anij enaaj jiron̄ er” (Ebream 3:25). Kōn e make, Ebream ekar ke kwaļo̧k an tiljek? Ekar ke wōnm̧aanļo̧k wōt n̄an wōr tōmak ilo kallim̧ur eo an Anij kōn ineen eļap, jekdo̧o̧n ta ke e im Sara ekar ejjeļo̧k nejier ajri ilo jon̄an iiō eo dettaer? Im ke Aijek ekar ļotak, tōmak eo an Ebream ekar ke niknik ilo men eo jab ļōmņake—juon kakien n̄an katok kōn ļaddik eo lukkuun edeo nejin me Anij ekar kkallim̧ur n̄an kakūrm̧ool bujen jab eo? Ebream ekar kam̧ool ke etiljek. Ebream ekar lōke Anij, im Anij ekar lōke Ebream. Ilo Jenesis 18–23, jej lo bwebwenato ko jān mour ko an Ebream im ro jet me remaron̄ im̧we kōj n̄an ļōmņak kōn ekeke eo ad make n̄an tōmak kallim̧ur ko an Anij, n̄an ilo̧k jān nana im jab bar reilikļo̧k, im n̄an lōke Anij jekdo̧o̧n ta kaarmejete.

Ļōm̧ņak ko n̄an Ekkatak Jeje Ko Rekwojarjar Ippam̧ Make

Jenesis 18:9–14; 21:1–7

Irooj ej kakūrm̧ool kallim̧ur ko An ilo iien eo An make.

Irooj ekar kōm̧m̧ani kallim̧ur ko raiboojoj n̄an ro retiljek, bōtaab jet iien jekjek ko an mour ko ad remaron̄ kōm̧m̧an ad ļōmņak ekōjkan an kallim̧ur ko maron̄ in pidodo n̄an kakūrm̧ooli. Ebream im Sara remaron̄ kar en̄jake wāween jab in elōn̄ kōttan. Ta eo kwoj ekkatak jān en̄jake ko aer? Emaron̄ in jipan̄ n̄an jino ekkatak eo am̧ jān etale ta eo Irooj ekar kallim̧uri Ebream kake ilo Jenesis 17:4, 15–22. Ekōjkan an Ebream im Sara kar en̄jake? (lale barāinwōt Joseph Smith Translation, Genesis 17:23 [ilo Jenesis 17:17, footnote b]; Jenesis 18:9–12). Ekōjkan an Irooj kar uwaak n̄an jipan̄ er wōr tōmak eļapļo̧k ilo kallim̧ur ko An? (lale Jenesis 18:14).

Ta eo kwoj loe ilo eoon kein me ej kalōk tōmak eo am̧? Ta en̄jake ko jet—ilo mour eo am̧ ak an bar juon—ekar kōkajoorļo̧k tōmak eo am̧ bwe Irooj enaaj kakūm̧ool kallim̧ur ko An n̄an eok ilo iien eo im wāween eo An make?

Bar lale Katak im Bujen Ko 88:86.

Jenesis 19:12–29

Irooj ej jiron̄ kōj n̄an etal jān nana.

Ta katak ko kwoj ekkatak kōn etal jān nana ilo am̧ riit kōn Lot im baam̧le eo an? N̄an waanjon̄ak, ta eo im̧we eok kōn ta eo enjeļ ro raar ba n̄an im kar kōm̧m̧ane n̄an Lot im baam̧le eo an ko jān kakkure eo? (lale Jenesis 19:12–17). Ekōjkan an Irooj kar jipan̄ eok im baam̧le eo am̧ etal jān ak lo kōjparok jān kareel ko an nana ilo laļ in?

Kōn eļōn̄ļo̧k meļeļe kōn jerawiwi ko an Sodom im Kumora, lale Ezekiel 16:49–50 im Jude 1:7–8.

Lale barāinwōt Joseph Smith Translation, Genesis 19:9–15 (ilo Bible appendix).

Ko jān Sodom im Kumora, jān Julius Schnorr von Carolsfeld

Jenesis 19:26

Ta eo lio pāleen Lot ekar kōm̧m̧ane ebōd?

Elder Jeffrey R. Holland ekar katakin:

“Ealikkar, ta eo ekar bōk ippān lio pāleen Ļat ekar bwe liin ekar jab wōt reilikļo̧k wōt, ilo būruōn liin ekar kōņaan bar ro̧o̧lļo̧k. Ekar waļo̧k bwe jekdo̧o̧n m̧okta jān an liin kar eļļāļo̧k jān jikin kweilo̧k eo, em̧ōj an liin kar ajļo̧ke ta eo Sodom im Gomorrah kar leļo̧k n̄an e. … Liin ekar ejjeļo̧k an tōmak. Liin ekar pere ekeke eo an Irooj n̄an leļo̧k n̄an e juon men em̧m̧anļo̧k jān ta eo ekar wōr ippān kadede. …

“N̄an aolep [armej] in aolep epepen, ij āliji, ‘Koṃwin keememej lio pāleen Lot’ [Luk 17:32]. Tōmak ej n̄an ilju im jekļaj. Tōmak ej ekkal kōn jem̧aan bōtaab eban kōņaan pād wōt ijo. Tōmak ej lōke bwe Anij ewōr an men ko reļļapļo̧k rej pād n̄an kōj im bwe Kraist em̧ool ej ‘Pris eḷap ñan men ko reṃṃan renaaj itok,’ (Hibru 9:11)” (“The Best Is Yet to Be,” Ensign, Jān. 2010, 24, 27).

Jenesis 22:1–19

Ikdeelel eo an Ebream n̄an katok kōn Aijek ej juon kōkaļļe in Anij im Nejin.

Jejjab jeļā aolep un ko Anij ekar kakiene Ebream n̄an leļo̧k Aijōk āinwōt juon katok; jejeļā ekar juon teej intōmak eo an ilo Anij (lale Jenesis 22:12–19). Ilo am̧ riiti Jenesis 22:1–19, ta eo kwoj ekkatak jān en̄jake eo an Ebream?

Ikdeelel eo an Ebream n̄an katok kōn ļaddik eo nejin ekar “kakōļļeen Anij im eo Nejin Eaar Keotake” (Jekab 4:5). Ilo am̧ kejekļo̧kjeņ kōn men ko reier wōt juon ikōtaan mālijjon̄ eo an Ebream im menin letok eo an Anij Jemān kōn ļaddik eo Nejin āinwōt juon katōk n̄an kōj, ta eo kwoj en̄jake kōn eo Jemam̧ Ilan̄?

Ebar wōt men ko reier wōt juon ikōtaan Aijek im Rilo̧mo̧o̧r eo. Ļōmņak in riiti Jenesis 22:1–19 bar juon alen, pukōt men kein reier wōt juon.

Lale barānwōt “Akedah (The Binding)” (video), ChurchofJesusChrist.org.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Jenesis 18:14.Ewōr ke bwebwenato ko jān jeje ko rekwojarjar, jān menmenbwij an baam̧le eo am̧, ak jān mour eo am̧ make komaron̄ kwaļo̧ke me ekar katakin eok bwe ejjeļo̧k men ekanooj pen n̄an Irooj?

Jenesis 18:16–33.Ta eo jej ekkatak kōn paotok eo an Ebream jān eoon kein? Ekōjkan ad maron̄ ļoor waanjon̄ak eo an? (Lale barāinwōt Alma 10:22–23.)

Jenesis 19:15–17.Eoon kein remaron̄ jipan̄ ro uwaan baam̧le eo am̧ m̧aanjabpopo n̄an iien ko n̄e rej aikuj etal jān jekjek ko renana. Ta jet iaan jekjek kein remaron̄ in? N̄an waanjon̄ak, komaron̄ kōm̧m̧ane juon iien ekōnono kōn kein alooj ko rejjab em̧m̧an ak kapo eo n̄an ruruwe. Ekōjkan ad maron̄ etal jān kain jekjek rōt kein?

Jenesis 21:9–20.Ta eo ej im̧we baam̧le eo am̧ kōn wāween eo Anij ekar kōm̧m̧an n̄an Hagar im Ishmael ālkin an Sara im Ebream kar kadiwōjļo̧k er?

Jenesis 22:1–14.Ekōjkan am̧ maron̄ jipan̄ baam̧le eo am̧ lo ekkejel eo ikōtaan bwebwenato eo kōn an Anij kakiene Ebrream n̄an katok kōn Aijōk im en̄taan in pinmuur eo an Rilo̧mo̧o̧r? Komaron̄ kwaļo̧k pija ko pija in Ebream im Aijōk im kōn Debwāāl eo (lale “Abraham and Isaac,” ilo Old Testament Stories) ilo an ro uwaan baam̧le eo ekōnono kōn men ko reier wōt juon rej loi ikōtaan iien kein. Kom̧ maron̄ in barāinwōt juon al in jar ak juon al kōn en̄taan eo an Rilo̧mo̧o̧r, eo āinwōt “He Sent His Son” (Children’s Songbook, 34–35), im kappukōt eoon ko me rej kōmeļeļeik en̄taan eo an Rilo̧mo̧o̧r eo.

Ta eo kar kajjitōk ippād n̄an kaarmejete āinwōt juon baam̧le? Ekōjkan an kaarmejete kein kar bōk kōj epaakeļo̧k Anij?

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “God Loved Us, So He Sent His Son,” Hymns, nō. 187.

Kōkōm̧anm̧anļo̧k Ekkatak Ippam Make

Ron̄jake Jetōb eo. Ilo am̧ ekkatak, kanooj leļo̧k am̧ n̄an ļōmņak ko am̧ im en̄jake ko, jekdo̧o̧n eļan̄n̄e rej āinwōt jab ekkar n̄an doon n̄an ta eo kwoj riiti. Im̧we kein remaron̄ lukkuun men ko Anij ekōņaan n̄an am̧ jeļā.

Pija in Ebream im Aijōk, jān Jeff Ward