Կարմիր ծովը

Ապրիլի 4-10-ը

Ելից 14-17

«Կանգնեցէք, եւ տեսէք Եհովայի փրկութիւնը»

Երբ կարդաք Ելից 14-17 բաժինները, գրի առեք ձեր ստացած հոգևոր տպավորությունները: Այդ տպավորությունները կօգնեն ձեզ ծրագրել և երեխաներին ուսուցանել ձեր սովորած սուրբ գրություններն ու ճշմարտությունները:

Գրի առեք ձեր տպավորությունները

Հրավիրեք կիսվել

Ելից 14–17-ում շատ կան հիշարժան պատմություններ: Հրավիրեք մի քանի երեխաների կիսվել այս գլուխներից որևէ պատմությամբ, ինչպես նաև այդ պատմությունից իրենց սովորածով։

Ուսուցանեք վարդապետությունը. կրտսեր խմբի երեխաներ

Ելից 14.5-22

Տերը ազատեց Մովսեսին և նրա ժողովրդին։

Կարմիր ծովի բաժանումը հրաշք էր, որը Մովսեսին և իսրայելացիներին ցույց տվեց, թե որքան հզոր է Տերը: Իմանալով Նրա զորության մասին՝ երեխաները կվստահեն Նրան։

Հնարավոր վարժություններ

• Մտածեք եղանակներ, որպեսզի հետաքրքիր և հիշարժան եղանակներով պատմեք պատմությունը, թե իսրայելացիներն ինչպես հատեցին Կարմիր ծովը: Օրինակ՝ դուք կամ ծխի մեկ այլ անդամ կարող եք հագնվել ինչպես Մովսեսը՝ պատմելով պատմությունը Ելից 14.5, 9–10, 13–16, 19–22-ից: Երեխաները կարող են ձևացնել, որ աթոռները Կարմիր Ծովն են, և նրանք կարող են հետևել Մովսեսին ներկայացնող մարդուն, երբ նա ճանապարհ բացի իրենց համար: Կամ երեխաները կարող են ձևացնել, թե ջուրն են, և շարժվեն դեպի սենյակի տարբեր կողմերը, երբ Մովսեսը բաժանի նրանց: Նշեք, որ Տերը Մովսեսին զորություն տվեց բաժանելու ծովը, որպեսզի իսրայելացիները կարողանային ազատվել գերությունից:

• Հրավիրեք երեխաներին գունավորել գործնական աշխատանքի էջը, երբ նրանց հետ կրկնեք Ելից 14.5–22 պատմությունը: Հետո նրանք կարող են աշխատել միասին և պատմել պատմությունը՝ օգտագործելով գործնական աշխատանքի էջը։

Ելից 15.23–25, 16.14–15, 17.1–6

Տերը կհոգա իմ կարիքները։

Պատմությունն այն մասին, որ Տերը անապատում սննդով և ջրով ապահովեց իսրայելացիներին, ուսուցանում է մեզ, որ նա կարող է հոգալ մեր կարիքները: Խորհեք, թե դուք ինչ կարող եք անել, որպեսզի երեխաներին ընդգրկեք այս պատմությունների յուրացման գործընթացում:

Աստծո տված մանանան ֆիզիկապես կերակրեց Իսրայելին, բայց մենք կարիք ունենք նաև ամենօրյա հոգևոր սնուցման: Որմնանկար, ըստ Լեոպոլդ Բրուքների

Հնարավոր վարժություններ

• Օգնեք երեխաներին բեմականացնել իրադարձությունները Ելից 15.23–25, 16.14–15, 17.1–6 հատվածներից, ձևացնելով, որ Մովսեսն եք կամ իսրայելացիները: Եթե հնարավոր է, յուրաքանչյուր պատմությունը պատմելու համար դասարան բերեք որևէ առարկա, օրինակ՝ մի ճյուղ (Մեռայի ջրերը անուշացնելու համար), մի թաս կամ զամբյուղ (մանանայով լցնելու համար) և մի փայտ կամ քար (Քորեբում ջուր հանելու համար): Տերն ինչպե՞ս էր հոգ տանում իսրայելացիների մասին։ Ինչպե՞ս է Նա ներկայումս հոգ տանում մեզանից յուրաքանչյուրի համար:

• Հակիրճ պատմեք պատմությունները հետևյալ հատվածներից Ելից 15.23–25, 16.14–15, 17.1–6 (տես նաև «Moses Leads Israel», Old Testament Stories): Երբ կիսվեք, խնդրեք երեխաներին այդ պատմությունները ներկայացնող նկարներ նկարել: Այս հատվածներից ի՞նչ ենք սովորում Աստծո մասին:

Ելից 17.8–16

Ես կարող եմ աջակցել մեր մարգարեին։

Մովսես մարգարեի ձեռքերը բարձր պահելու Ահարոնի և Ովրի պատմությունը կարելի է համեմատել մեր ապրող մարգարեին աջակցելու մեր ջանքերի հետ:

Հնարավոր վարժություններ

• Հրավիրեք երեք երեխաների կանգնել դասարանի առաջ և ներկայացնել Մովսեսին, Ահարոնին և Ովրեին, մինչ դուք պատմում եք Ելից 17.8–16-ի պատմությունը: Մենք ի՞նչ կարող ենք անել այսօր մեր մարգարեին օգնելու համար, ինչպես Ահարոնն ու Ովրը օգնեցին Մովսես մարգարեին:

• Ցուցադրեք ապրող մարգարեի նկարը և հարցրեք երեխաներին, թե ով է նա։ Օգնեք երեխաներին հիշել մի քանի բաներ, որոնք մարգարեն վերջերս է ուսուցանել մեզ: Խնդրեք երեխաներին կիսվել, թե ինչ եղանակներով են հետևում մարգարեին: Միասին երգեք «Follow the Prophet» երգից մի քանի տուն, ներառյալ վերջինը (Children’s Songbook, 110–11):

Ուսուցանեք վարդապետությունը. ավագ խմբի երեխաներ

Ելից 14.5-22

Ես կարող եմ սովորել միշտ հետևել Հոգուն։

Մովսեսը հայտնությամբ գիտեր, թե ինչպես առաջնորդել իսրայելացիներին Կարմիր ծովի միջով (տես Վարդապետություն և Ուխտեր 8.2–3): Այս պատմությունն ինչպե՞ս կարող է օգնել ձեր ուսուցանած երեխաներին սովորել գործել ըստ անձնական հայտնության:

Հնարավոր վարժություններ

• Ցույց տվեք Մովսեսի նկարը, որտեղ նա բաժանում է Կարմիր ծովը այս շաբաթվա համառոտ շարադրանքից Եկ, հետևիր ինձ․ Անհատների և ընտանիքների համար ձեռնարկում: Խնդրեք երեխաներին կրկնել Ելից 14.5–22-ը և կիսվել այս պատմության մասին իրենց իմացածով: Ի՞նչ են Վարդապետություն և Ուխտեր 8.2-3-ը ավելացնում այդ պատմության մասին մեր հասկացողությանը: Պատմեք մի փորձառության մասին, երբ Սուրբ Հոգին ինչ-որ բան է ասել ձեր մտքին ու սրտին, և հրավիրեք երեխաներին խոսել իրենց փորձառությունների մասին։

• Երեխաներին հիշեցրեք Նեփիի պատմությունը, որտեղ նա հետևում է Հոգուն, երբ գնում է ձեռք բերելու արույրե թիթեղները (տես 1 Նեփի 4.1–6): Օգնեք երեխաներին հասկանալ, որ Մովսեսը նույնպես պետք է հետևեր Հոգուն, երբ նա իր ժողովրդին առաջնորդում էր Կարմիր ծովի միջով: Օգնեք երեխաներին նոր տուն ավելացնել «Nephi’s Courage» (Children’s Songbook, 120–21) երգում այն մասին, թե Տերն ինչպես ուղի պատրաստեց Մովսեսի համար, երբ նա քաջություն ցուցադրեց և հետևեց Հոգուն: Միասին երգեք նոր տունը:

Ելից 15.23–25, 16.14–15, 17.1–6

Տերը կհոգա իմ կարիքները։

Եթե մենք դիմենք Հիսուս Քրիստոսին, Նա կօգնի մեզ մեր կյանքի դժվար ժամանակներում, ճիշտ այնպես, ինչպես Նա օգնեց Իսրայելի զավակներին:

Հնարավոր վարժություններ

• Դասարանը բաժանեք զույգերի կամ փոքր խմբերի և հանձնարարեք յուրաքանչյուր խմբին կարդալ հետևյալ հատվածներից մեկը. Ելից 15.23–25, 16.14–15, 17.1–6: Հանձնարարեք յուրաքանչյուր խմբին նկարել այս հատվածներից իրենց կարդացածը, իսկ հետո խնդրեք դասարանի մյուս անդամներին կռահել, թե նրանք ինչ են նկարել; Օգնեք երեխաներին բացահայտել, թե այս պատմություններն ինչ են ուսուցանում Հիսուս Քրիստոսի մասին: Մարդիկ ի՞նչ փորձություններ ունեն այսօր։ Երկնային Հայրն ու Հիսուս Քրիստոսը ինչպե՞ս են օգնում են մեզ մեր փորձությունների ժամանակ։

• Երբ կրկնեք այս պատմությունները, հարցրեք երեխաներին, թե հացն ու ջուրը ինչու էին այդքան կարևոր Իսրայելի զավակների համար: Ի՞նչ կարող էր պատահել, եթե նրանք չունենային այս բաները։ Օգնեք երեխաներին հասկանալ, որ հաղորդության հացն ու ջուրը հոգևորապես անհրաժեշտ են մեզ համար (տես Հովհաննես 4.13–14, 6.35, 48–51): Խնդրեք երեխաներին կիսվել հաղորդության մասին իրենց զգացումներով:

Ելից 17.8–16

Մենք օրհնվում ենք, երբ աջակցում ենք մեր Եկեղեցու ղեկավարներին:

Իսրայելի զավակները հաղթեցին Ամաղեկի դեմ պատերազմում միայն այն ժամանակ, երբ Մովսեսը իր ձեռքերը երկինք բարձրացրեց: Այս պատմությունից ի՞նչ ենք սովորում մեր ղեկավարներին աջակցելու մասին։

Հնարավոր վարժություններ

• Որպեսզի օգնեք երեխաներին կրկնել պատմությունը Ելից 17.8–16-ից, գրատախտակին գրեք. Ո՞վ օգնեց Մովսեսին պատերազմում: Նրանք ի՞նչ արեցին: Ինչպիսի՞ն էր արդյունքը: Հանձնարարեք երեխաներին գտնել պատասխանները այդ հատվածներում։ Այս պատմությունն ի՞նչ է ուսուցանում այն մասին, թե մենք ինչպե՞ս կարող ենք օգնել Աստծո արքայության հաղթանակին։ Ի՞նչ կարող ենք անել, որպեսզի աջակցենք, հաստատենք և հետևենք մեր Եկեղեցու ղեկավարներին:

• Հրավիրեք երեխաներին կարդալ Ելից 17.8–16-ը և նկարել իրենց կարդացածը: Խրախուսեք նրանց իրենց նկարների վրա գրել մի ուղերձ, որ նրանք սովորել են իրենց պատմությունից: Սա ինչո՞ւ է կարևոր ուղերձ մեզ համար այսօր:

Խրախուսեք տնային ուսումնասիրությունը

Երեխաներին խնդրեք ընտրել այսօրվա ձեր քննարկած պատմություններից մեկը: Օգնեք երեխաներին մտածել մի բանի մասին, որը նրանք կարող են անել հաջորդ շաբաթ, որպեսզի կիրառեն այդ պատմությունից քաղած դասը։

Բարելավել մեր ուսուցումը

Երեխաները սիրում են պատմություններ։ Երեխաներն ավելի լավ են հասկանում ավետարանի սկզբունքները, երբ կարողանում են տեսնել դրանք իրական մարդկանց կյանքում: Երբ կիսվեք սուրբ գրությունների պատմություններով, կիսվեք ձեր կյանքի փորձառություններով, որոնք ուսուցանում են նույն սկզբունքները: Նաև կարող եք հրավիրել երեխաներին կիսվել իրենց փորձառություններով: