“Eprōļ 5–11. Exodus 14-17: ‘Kom̧win Tōt Wōt, im Lo Lo̧mo̧o̧r an Irooj,’” Itok, Ļoor Eō—N̄an Būraimere: Kallim̧ur Ekāāl 2022 (2021)
“Eprōļ 5–11. Exodus 14–17,” Come, Follow Me—For Primary: 2022
Lomaļo Ekilmur
Eprōļ 4–10
Exodus 14–17
“Kom̧win Tōt Wōt, im Lo Lo̧mo̧o̧r an Irooj”
Ilo am̧ riiti Exodus 14–17, je im̧we ko an jetōb kwoj en̄jaki. Im̧we kein remaron̄ jipan̄ eok karōk n̄an katakin eoon ko im m̧ool ko kwoj ekkatak kaki n̄an ajri ro.
Je En̄jake ko Rej Im̧we Eok
Kajjitōk bwe ren Kwaļo̧k
Exodus 14–17 eobrak kōn emeemļo̧kjeņ kōn bwebwenato. Kajjitōk ippān jet iaan ajri ro n̄an kwaļo̧k juon bwebwenato jān jebta kein, ippānļo̧k juon men rekar ekkatak jān e.
Katakin Katak eo: Ajri ro Reddikļo̧k
Irooj ej kanemkwōj Moses im armej ro an.
Kōjepelļo̧k Lomaļo Ekilmur ekar juon menin kabwilōn̄lōn̄ me ekar kwaļo̧k n̄an Moses im ri Israel ro an Irooj kajoor. Jeļā kōn kajoor eo An emaron̄ jipan̄ ajri ro lōke E.
M̧akūtkūt ko Maron̄ Kōm̧m̧ani
-
Ļōmņak kōn wāween ko n̄an kwaļo̧k bwebwenato in ri Israel ro ilo aer kar kijoņe Lomaļo Ekilmur ilo wāween eo ekabwilōn̄lōn̄ im kein emeemļo̧kjeņ. N̄an waanjon̄ak, kwe im membōr ro jet ilo bar juon ward remaron̄ ekkanōk nuknuk āinwōt Moses im kwaļo̧k bwebwenato eo jān Exodus 14:5, 9–10, 13–16, 19–22. Ajri ro remaron̄ kōtn̄e jea ko rej Lomaļo Ekilmur, im remaron̄ ļoor armej eo ej kwaļo̧k an kar Moses kōm̧m̧an juon iaļ ikōtaaer. Ak ajri ro remaron̄ kōtōnn̄e er Lojet im rej em̧akūt n̄an jait eo juon ilo ruum eo ilo an Moses kōjepelļo̧k. Kwaļo̧k bwe Irooj ekar leļo̧k n̄an Moses kajoor n̄an kōjepel lojet bwe ri Israel ro ren maron̄ anemkwōj jān kamakoko.
-
Kajjitōk ippān ajri ro n̄an kōļare peij in m̧akūtkūt eo ilo am̧ etake ippāer bwebwenato eo jān Exodus 14:5–22. Innem remaron̄ jerbal ippān doon n̄an kwaļo̧k ak ba bwebwenato eo ilo aer kōjerbal peij in m̧akūtkūt eo.
Exodus 15:23–25; 16:14–15; 17:1–6
Irooj enaaj kakke aikuj ko am̧.
Bwebwenato in an Irooj leļo̧k m̧ōn̄ā im dān n̄an ri Israel ro ilo āne jam̧den ej katakin kōj bwe E emaron̄ jipan̄ kakke aikuj ko am. Kejakļo̧kjeņ kōn ta eo kwomaron̄ kōm̧m̧ane bwe ajri ro ren bōk koņaer ilo ekkatak bwebwenato kein.
Manna jān Anij ekar naajdik Israel; jej barāinwōt aikuj naajdik eo an jetōb kajjojo raan. Fresco jān Leopold Bruckner
M̧akūtkūt ko Maron̄ Kōm̧m̧ani
-
Jipan̄ ajri ro kōm̧m̧an arin m̧akūtkūt ko ilo Exodus 15:23–25; 16:14–15; 17:1–6, kōtōnn̄e er Moses ak riIsrael ro. N̄e ekkar, bōktok juon m̧weik ak juon men n̄an jipan̄ļ kwaļo̧k kajjojo bwebwenato, āinwōt juon ra (n̄an kōmour dān eo ilo Marah), juon jar ak nien wūt (n̄an kobrake kōn manna), im juon alal im dōkā (kōn dān eo ilo Horeb). Ekōjkan an kar Anij kōjparok ri Israel ro? Ekōjkan An kōjparok kōj kajjojo raan?
-
Ilo tukaduin kwaļo̧k bwebwenato ko ilo Exodus 15:23–25; 16:14–15; 17:1–6 (lale barāinwōt “Moses Leads Israel,” ilo Bwebwenato eo ilo Kalim̧m̧ur M̧okta). Ilo am̧ kwaļo̧k, kajjitōk ippān ajri ro n̄an jin̄n̄aik pija ko an kajjojo bwebwenato. Ta eo jej ekkatak kōn Anij jān bwebwenato kein?
Imaron̄ rejtake rikanaan eo ad.
Bwebwenato eo an Aaron im Hur rej kotak pein rikanaan Moses maron̄ keidi n̄an kijejeto ko ad n̄an rejtake rikanaan eo ad emour.
M̧akūtkūt ko Maron̄ Kōm̧m̧ani
-
Kajjitōk ippān jilu ajri ro n̄an jutak ilo m̧aan ilo kūlaajruum eo im bōk jikin Moses, Aaron, im Hur ilo am̧ ba bwebwenato jān Exodus 17:8–16. Ta eo jemaron̄ kōm̧m̧ane n̄an jipan̄ rikanaan eo ad, āinwōt Aaron im Hur kar jipan̄ rikanaan Moses?
-
Kwaļo̧k juon pija in rikanaan eo emour, im kajjitōk ippān ajri ro wōn armej eo. Jipan̄ ajri ro keememej jet iaan men ko me rikanaan eo ej kab m̧ōj an katakin kōj kaki rainin. Kajjitōk ippān ajri ro n̄an kwaļo̧k jet iaan wāween ko me rej ļoor rikanaan eo. Al ippān doon jejjo eoon jān “Follow the Prophet,” ekoba eoon eo āliktata (Children’s Songbook, 110–11).
Katakin Katak eo: Ajri ro Rerūttoļo̧k
Imaron̄ ekkatak n̄an ļoor Anij.
Moses ekar jeļā kōn revelesōn wāween an tōl ro nejin Israel n̄an kijone Lomaļo Ekilmur (lale Katak im Bujen Ko 8:2–3). Ekōjkan an bwebwenato in maron̄ jipan̄ ajri ro kwoj katakin er n̄an kōm̧m̧an ekkar n̄an revelesōn eo aer make?
M̧akūtkūt ko Maron̄ Kōm̧m̧ani
-
Kwaļo̧k pijaan Moses ej kōjepelļo̧k Lomaļo Ekilmur ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le Ko. Kajjitōk ippān ajri ro n̄an bar kakeememej bwebwenato eo ilo Exodus 14:5–22 im kwaļo̧k juon men rejeļā kōn bwebwenato eo. Ta eo Katak im Bujen Ko 8:2–3 ej kobaik waj n̄an jeļā eo am̧ kōn bwebwenato eo? Kwaļo̧k juon en̄jake kōn iien eo Jetōb Kwojarjar ekar ba juon men ilo kōļmenļo̧kjeņ eo am̧ ak buruōm̧, im kajjitōk ippān ajri ro n̄an kōnono kōn en̄jake ko aer.riences.
-
Kakeememej ajri ro kōn bwebwenato in Nipai ke ekar ļoor Jetōb ke ekar etal im bōk pileij brass ko (lale 1 Nipai 4:1–6). Jipan̄ ajri ro lo bwe Moses ekar barāinwōt aikuj ļoor Jetōb ke kar tōl armej ro an n̄an kijone Lomaļo Ekilmur. Jipan̄ ajri ro je juon eoon kāāl n̄an “Nephi’s Courage” (Children’s Songbook, 120–21) kōn ekōjkan an Irooj kōpooj juon wāween n̄an Moses ke ekar kwaļo̧k peran im ļoor Jetōb eo. Al juon eoon ekāāl ippān doon.
Exodus 15:23–25; 16:14–15; 17:1–6
Irooj enaaj kakke aikuj ko am̧.
Eļan̄n̄e jej reilo̧k n̄an Jisōs Kraist, Enaaj jipan̄ kōj mour ilo iien ko reppen ilo mour ko ad, āinwōt An kar jipan̄ ro nejin Israel.
M̧akūtkūt ko Maron̄ Kōm̧m̧ani
-
Kōjepelļo̧k kūlaaj eo n̄an pea ko ak kurup jidik ko, im leļo̧k n̄an kajjojo kurup n̄an riiti juon iaan eoon kein rej ellaajrak: Exodus 15:23–25; 16:14–15; 17:1–6. Kajjitōk ippān ajri ro ilo kajjojo kurup n̄an jin̄n̄aik pija ko rej bōk jikin ta eo rej riiti ilo eoon kein, innem kajjitōk ippān ro jet uwaan kūlaaj eo n̄an kajidede ta eo rekar jin̄n̄aiki. Jipan̄ ajri ro kakilen ta eo bwebwenato kein rej katakin kōn Jisōs Kraist. Ta mellijon̄ ko me armej rej jelTa eo jemaron̄ kōm̧m̧ane n̄an jipan̄ ro jet rainin? Ekōjkan an Jemedwōj Ilan̄ im Jisōs Kraist jipan̄ kōj kōn mellijon̄ ko ad?
-
Ilo am̧ etale bwebwenato kein, kajjitōk ippān ajri ro etke bilawe im dān relukkuun aorōk n̄an ro nejin Israel. Ta eo emaron̄ kar waļo̧k eļan̄n̄e en kar ejjeļo̧k ippāer men kein? Jipan̄ ajri ro meļeļe bwe bilawe im dān in kwojkwoj eo rej menin aikuj ilo jetōb n̄an kōj (lale Jon 4:13–14; 6:35, 48–51). Kwomaron̄ kajjitōkin ajri ro n̄an kwaļo̧k en̄jake ko aer kōn kwojkwoj eo.
Jej jeraam̧m̧an ilo ad rejtake ritōl ro ad ilo Kabun̄ in.
Ajri ro nejin Israel rekar anjo̧ ilo pata eo ņae Amalek wōt ke Moses ekar kotak lōn̄ļo̧k pein ņa imejatoto. Ta eo jemaron̄ ekkatak kake kōn rejtak ritōl ro ad jān bwebwenato in?
M̧akūtkūt ko Maron̄ Kōm̧m̧ani
-
N̄an jipan̄ ajri ro bar kakeememej bwebwenato eo ilo Exodus 17:8–16, je ioon bo̧o̧t eo: Wōn eo ekar jipan̄ Moses ilo iien pata eo? Ta eo rekar kōm̧m̧ane? Ta tōprak eo? Kajjitōk ippān ajri ro n̄an kappukōt uwaak ko ilo eoon ko. Ta eo bwebwenato in ej katakin kōn ekōjkan ad maron̄ jipan̄ bwe aelōn̄ in kiin̄ eo an Anij en tōprak? Ta eo jemaron̄ kōm̧m̧ane n̄an jipan̄, rejtake, im ļoor ritōl ro an Kabun̄ in?
-
Kajjitōk ippān ajri ro n̄an riiti Exodus 17:8–16 im jin̄n̄aik juon pija in ta eo rej riiti. Kōketak er n̄an je ilo jin̄n̄a ko aer juon ennaan rej ekkatak jān bwebwenato eo. Etke menin ej juon ennaan eo eaorōk n̄an kōj rainin?
Kōketak Ekkatak ilo M̧weo
Kajjitōk ippān ajri ro n̄an kāālet juon iaan bwebwenato ko jān ekkōnono ko am̧ ilo rainin. Jipan̄ ajri ro ļōmņak jet men ko remaron̄ kōm̧m̧ane ilo wiik in tok n̄an mour kōn ta eo bwebwenato eo ej katakin.
Kōkm̧anm̧anļo̧k Ad Katakin
Em̧m̧an bwebwenato ippān ajri ro. Ajri ro em̧m̧anļo̧k aer meļeļe pedped in katak ko an gospel n̄e remaron̄ loi ilo lukkuun mour an m̧ool in armej. Ilo am̧ kwaļo̧k bwebwenato ko jān jeje ko rekwojarjar, ļōmņak n̄an kwaļo̧k en̄jake ko jān mour eo am̧ me ej katakin ejja pedped in katak kein wōt. Kwomaron̄ barāinwōt kajjitōk bwe ajri ro ren kwaļo̧k en̄jake ko aer.