Korobanaan Tebora ni kairiia ana taanga ni buaka tibun Iteraera, © Lifeway Collection/licensed from goodsalt.com

Meei 30–Tuun 5

Tani Motikitaeka 2–4; 6–8; 13–16

“Iehova E Kateirakea Aia Tia Kamaiu ”

E mwaiti karaki aika a kaunganano i nanon Tani Motikitaeka 2–4; 6–8; 13–16. Iangoia bwa ko na kanga ni kabonganai karaki aikai ni buokiia ataei ni kaan riki ma te Tia Kamaiu ao n tangiria n Iriiria.

Korei Am Namakin

Kaunga te Tibwatibwa

Kaoia ataei ni bane bwa a na tibwaua te karaki ma koroboki aika tabu are a tibwa tia n reiakinna. Ngkanne kaoiia bwa a na tibwauaia baike a reiakin ma karaki akanne.

Reirei te Reirei: Ataei aika a Uarereke

Tani Motikitaeka 3:9

Iesu Kristo bon au Tia Kamaiu.

Ngke a tataro tibun Iteraera nakon te Uea, Iehova, E kateirakea aia Tia Kamaiu . Buokiia ataei n noria bwa Iesu Kristo bon te Tia Kainaomataira are E a tia ni kateirakea te Atua.

Waaki ni Kakukurei aika a Kona ni Karaoaki

• Kabwarabwara nakoia ataei bwa ngke a toki tibu Iteraera man kawakinan ana tua te Atua, e bua mairouia Ana kamanomano ao a konaki irouia aia kairiribai. Wareware man Tani Motikitaeka 3:9 ao te kibuntaeka ae “a tang tibun Iteraera nakon te Uea.” Tera ae a karaoi tibun Iteraera ngke a kainnanoa te ibuobuoki? Tibwaua rongorongom ngke ko tataro ibukin te buoka ao e kaeka am tataro te Atua.

• Wareka man Tani Motikitaeka 3:9 te kibuntaeka ae “te Uea e kateirakea aia tia kamaiu,” ao kaoiia ataei bwa ana kaokiokia mangkoe tabeua te tai. Kabwarabwara bwa te tia kanaomata bon temaan ae e kamaiura. Kaota tabeua tamneia aomata nakoia ataei, n raonaki ma tamnein Iesu Kristo, ao kawenei tamnei i aon te burooa ni kabarakii. Anga te tai nakoia ataei bwa a na rairi tamnei, n raonaki ma tamnein Iesu, ao n katararakei. Kaota am koaua bwa Iesu Kristo bon te Tia Kainaomataira are e tia ni kateirakea te Atua bwa E na kamaiura man te bure ao te mate.

E onimaki Kiteon iroun te Uea. © Lifeway Collection/licensed from goodsalt.com

Tani Motikitaeka 6:11–16; 7:1–8

E kona te Uea ni kabonganai baika a mangori ni karaoa te mwakuri ae korakora.

E taraia Kiteon bwa e rarikin ao akea bongana, ma te Atua e taraia bwa e “te rorobuaka ae korakora ae ninikoria” (Tani Motikitaeka 6:12). Buokii ataei bwa a na noria bwa e ngae ngke a namakinna bwa a uarereke, E kona te Atua ni mwakuri rinanoia ni karaoi bwaai aika kakaawaki (tara Aramwa 37:6–7).

Waaki ni Kakukurei aika a Kona ni Karaoaki

• Tuangiia ataei bwa te Uea E kainnanoa temanna bwa E na buokia ni kamaiuia Iteraera mairouia aia kairiribai, I, ao E rinea Kiteon. Wareka Tani Motikitaeka 6:15 nakoia ataei, ao tuangiia bwa bukin tera E namakinna Kiteon bwa E aki kona ni karoa te bwai are e tangiria te Uea mai irouna. Wareka kibu 16, ao tuangiia bwa antai ae taku te Uea are E na buoka Kiteon. Tuangiia ataei rongorongon te tai are te Uea E tuangko bwa ko na karaoa te bwai ae matoatoa ni beku Irouna ao ko namakinna bwa E mena iroum.

• Kaota tamneia ataei ao kairake ni karaoi bwaai aika korakora n ana mwakuri te Atua (tara Gospel Art Book, nambwa. 19, 23, 90, 102), ke karakina rongorongon bwaai aika ko a tia n nori. Buokiia ataei n iangoi kawaia ake a kona iai ni karaoa ana mwakuri te Atua, ao kaoiia bwa a na korei tamneia ni karaoi nanon bwaai akanne.

• Kabongana te iteraniba ibukin te mwakuri ni kauring n reireiniia ataei bwa e kanga te Uea ni karika ana taanga ni buaka tibun Iteraera bwa e na uarereke bwa a aonga n ataia bwa Mwaakana e na kamaiuia mairouia aia kairiribai. Tibwauaia taekan bwaai aika a uarerekei are a katiai mwakuri aika korakora, n aron manibeeru ni karekea te karewe ibukin aia karewe. Kaota am koaua bwa te Atua e na buokiira ni karaoa ana mwakuri ae korakora, e ngae ngke ti namakina ae ti uarereke.

Reirei te Reirei: Ataei aika a Ikawai Riki

Tani Motikitaeka 3:7–9, 12–15

Iesu Kristo bon te Tia Kamaiuira.

Tani Motikitaeka 3 e kabwarabwara te banna are ko kona ni kabongana n reireiniia ataei bwa te Atua e kamaiura man te bure rinananon te Tia Kamaiu Iesu Kristo.

Waaki ni Kakukurei aika a Kona ni Karaoaki

• Korei aikai i aon te burakibooti: “e karaoa ae buakaka,” “e tang nakon te Uea,” ao “e kateirakea te tia kaimaiu.” Kaoiia tabeman ataei bwa a na karekei taeka aikai n Tani Motikitaeka 3:7–9, ao kaoiia tabeman bwa a na karekei man Tani Motikitaeka 3:12–15. Kabwarabwara nakoia ataei bwa n te tai teuana ma teuana n ana boki Tani Motikitaeka, tibun Iteraera a “karaoa ae buakaka.” Ngkanne, ngke a buakanaki irouia aia kairiribai, a “tang nakon te Uea,” ao Iehova “ e kateirakea aia tia kamaiu ” ni buokiia. Tera ae ti reiakinna iroun te Uea man te banna aei?

• Bootaki anene a te kuna are e buokiia ataei n ataia bwa Iesu Kristo bon aia Tia Kamaiuia ao te Tia Kainaomatia, n aron “He Sent His Son” (Aia Boki n Anene Ataei, 34–35). Kaoiia ataei bwa a na tibwauai aia namakin i aon ana mwakuri te Tia Kamaiu ni kamaiura man te bure, te kataaki, te rawawata, ao te mate.

Tani Motikitaeka 4:1–15

I kona ni kakaonimaki nakon te Uea e ngkae ngke a aki karaoa aei tabeman.

E ngae ngke e mwaiti tibun Iteraera ae tionako mairoun te Uea, tabeman a teimatoa ni kakaonimaki nako Ina ao a kona ni buokiia aomata aika mwaiti nakon te raoiroi. Ko na kanga ni kaungaia ataei bwa a na kakaonimaki nakon te Uea e ngae ngke a aki karaoa aei tabeman?

Waaki ni Kakukurei aika a Kona ni Karaoaki

• Tuangiia ataei rongorongon te tai are ngke a buakaka iai tibun Iteraera, te aine ae raoiroi ae Tebora ao te mataniwi n te taanga ni buaka ae, Baraka, e kamaiuia tibun Iteraera mairouia aia kairiribai (tara Tani Motikitaeka 4:1–15). Bootaki wareka Tani Motikitaeka 4:14, ao tuangiia ataei bwa a na kakakea ana taeka Tebora are kaota iai ana onimaki ae korakora iroun te Uea. Ngkanne tuangiia bwa a na wareka Reirei ao Berita aika Tabu 84:88 ni kakaea te reirei are e mena naba i nanon Tani Motikitaeka 4:14. Kaungaia bwa a na tibwai aia namakin bwa tera nanon ana berita te Uea “N na nako i moami” nakoia.

• Anenea te kuna ae taekan te ongeaba nakon tuua, n aron “Karaoa ae Raoiroi” (Hymns, nambwa. 239) ke “Choose the Right Way” (Children’s Songbook, 160–61). Ti na kanga n tei ibukin te raoiroi ao n ongeaba nakon tuua e ngae ngke a aki karaoa aei naake i rarikira?

Tani Motikitaeka 7

Ana kawai te Atua a okoro ma ana kawai te aonaaba.

Te Uea e tuanga Kiteon bwa e na karaoi bwaai are e bon aki oota iai n te tai anne. Tera ae kaungako man karakinana? E na kanga aio ni kakabwaia ataei ake ko reireiniia?

Waaki ni Kakukurei aika a Kona ni Karaoaki

• Tuangiia ataei bwa ana iangoia bwa aongkoa e riai bwa a na boota te taanga ni buaka nakon te buaka. Iraman aomata ae a tangiria bwa a na kaaina aia taanga ni buaka? Kabongana Tani Motikitaeka 7:4–7, ao kaoiia ataei bwa a na karaoa te bwai ae karaoia te Uea ni buoka Kiteon n rinea te taanga ni buaka are e na kainaomataia tibun Iteraera mairouia . Bukin tera E tangiria te Uea bwa e na uarereke te taanga ni buaka? (tara Tani Motikitaeka 7:2). Bukin tera iran ana tua te Uea e bon kaangaanga iroun Kiteon ao ana taanga ni buaka? Kaoiia ataei bwa a na tibwauai tabeua rongorongoia ike a reiakina iai onimakinan te Uea e ngae ngke e kaangaanga.

• Kaoia ataei bwa ana korea tamnein te kabaang, te nangoa, te tauro, ao te nangoa n bai. Tuangiia ataei bwa e nga ibuakon bwaai aikai aika a na uoti nakon te buaka. Kaoiia bwa a na wareka Tani Motikitaeka 7:16 n noria bwa tera ae a uotia ana taanga ni buaka Kiteon. Bukin tera e kainnanoa te ninikoria karaoan aei? Botaki wareka Tani Motikitaeka 7:19–21 n noria bwa e kanga te taanga ni buaka ni kabongana te buu ao bitia ni kakonakiia tibuni mirian. Tera ae ti reiakinna ibukin te Uea man te karaki aei?

Kaungaa te Kamatebwai n te Mweenga

Kaoiia ataei bwae a na tibwauaia ma kaain aia utu te bwai ae a reiakinna te bong aei are e kaungaia bwa a na kawakin tuua.

Kanakoraoan Ara Anga reirei

Karaoi waaki ni kakukurei ake a na katoki kainnano. Tai tarai kamataata aikai bwa kaetieti ake ko na riai n irii. Ma, kabonganai bwa bwaai ni kareke iango ni kona ni kaungaa kairakim n iangoi kainnanoia ataei ake ko reireiniia. N aron te katooto, n tabeua kawai, ko kona n namakinna bwa ko na anga te mwakuri ni kauring ibukiia ataei aika uarereke nakoia ake a ikawai riki, ke ni kaoka anne.