a kitana te kaawa ae uruakaki aomata

Birinakoia Buure, iroun James Tissot ao tabeman

Turai 11–17

2 Uea 17–25

“E Onimakina te Uea ae Atuaia Iteraera”

Ngkai ko bairei aia mwakuri ataei, uringnga bwa mwakuri ibukiia ataei aika uarereke n te kabwarabwara aei a kona n anganaki ataei ake a ikawai riki ao ai arona anne.

Korei Am Namakin

te aikaon ibukin te tibwatibwa

Kaunga te Tibwatibwa

Korei araia ataei i aon te mwakoro ni beba, ao kamenai i nanon te konteina. Ni moan te kiraati, anga te tai nakoia ataei bwa a na rinea aia aara. Ngkana e rineaki aran te ataei temanna, kaoa te ataei anne n tibwaa te bwai ae e reikinna teuanne ke neienne i aon te euangkerio ke rongorongon Iesu Kristo. Karaoa aei ni karokoa e reke aia tai ni kabane ataei n tibwatibwa.

te aikaon ibukin te anga reirei

Reirei te Reirei: Ataei aika a Uarereke

2 Uea 18:3, 5

I kona n onimakina Tamara are i Karawa ao Iesu Kristo.

Bannan Etekia i nanon 2 Uea 18:3, 5 e kona n buokiia ataei ake ko reireiniia ni katuka aia onimaki iroun te Atua.

Waaki ni Kakukurei aika a Kona ni Karaoaki

• Taekin bwaai tabeua are e kona ni karaoi te uea ae raoiroi ao tabeua bwaai ae na karaoi te uea ae buakaka. Tuangiia ataei bwa a na teirake ao ni kaungaunga ibukin bwaai aika raoiroi ao a na tekateka ni bwaai aika buakaka. Kabwarabwara nakoia ataei bwa tibun Iteraera e mwaiti aia uea, tabeman a raoiroi ao tabemna a aki. Kaoia ataei bwa a na ongora bwa tera ae karika te uea ae Etekia bwa te uea ae raoiroi 2 Uea 18:3, 5. Buokia iangoia kawai ake a kona iai ni kaota aia onimaki iroun te Uea n ai aron are karaoi Etekia.

• Buokia ataei n oota bwa tera nanon onimakinan temanna. Maroroakinia aomata ake ko onimakiniia, ao anga te tai nakoia ataei bwa a na karaoa naba anne. Kaota tamnein Iesu Kristo. Bukin tera ti kona n onimakin Iesu Kristo? Kaoata am onimaki bwa E tangiriira Iesu ao ni buokiira n oki ni maeka ma Tamara are i Karawa.

2 Uea 22:8–11; 23:2

Koroboki aika tabu bon te kakabwaia.

E ngae ngke ataei aika uarereke a aki kona ni wareware ke n oota ni bwaai ni kabane ni koroboki aika tabu, a kona ni kakabwaiaaki ni mwaakan koroboki aika tabu. Tera ae ko kona ni karaoia ni buokiia ni karekea te nano ni kan kakabwaiaaki man ana taeka te Atua?

Waaki ni Kakukurei aika a Kona ni Karaoaki

• Karaba kaobin te boki ae tabu n te tabo teuana n te ruu, ao kaoa temanna te ataei bwa e na kakaea. Kabwarabwara bwa n ana bong te Uea ae Iotia, e mwaiti aomata aika a aki reirei man koroboki aika tabu ni karokoa ae te ibonga e kunei i nanon te tembora (tara 2 Uea 22:8–11). Tera koroboki aika tabu? Bukin tera ti kainnanoi koroboki aika tabu? Tuangiia ataei bwa bukin tera ko kukurei ngkai iai koroboki aika tabu ni bong aikai, ao anga te tai nakoia bwa a na tibwa aia namakin ibukin koroboki aika tabu.

• Wareka 2 Uea 23:2 nakoia ataei, ao tuangiia bwa a na ongora bwa tera ae karaoia te uea ma koroboki aika tabu. Bukin tera e kakaawaki irouia aomta ni bane bwa a na ongo baike a koreaki ni koroboki aika tabu? Anenea te kuna ae taekini koroboki aika tabu, n aron “Search, Ponder, ao Pray” (Aia Boki n Anene Ataei, 109), ao tuangiia ataei bwa a na marooroakinna bwa tera aia namakin ngkana a ongo reirei ao karaki man koroboki aika tabu.

  kamatebwai ni koroboki aika tabu n te utu

  A kona koroboki aika tabu n raira nanora nakon te Uea.

te aikaon ibukin te anga reirei

Reirei te Reirei: Ataei aika a Ikawai Riki

2 Uea 18:3–6; 19:14–19

I kona n onimakina Tamara are i Karawa ao Iesu Kristo.

Ngke I–Aturia a na ekanako Ierutarem, te Uea ae raoiroi ae Etekia e rairaki nakon te Uea ma te onimaki. Bannan Etekia e kona ni buokiko ao ataei ni marooroakina bwa ti na kanga ni kaota ara onimaki iroun te Uea, e ngae ngke e kataaki te onimaki anne.

Waaki ni Kakukurei aika a Kona ni Karaoaki

• Kabonganaa Mabe n te Baibara 3, “Uamaenakon te Baronga aika 12,” kabwabwara nakoia ataei bwa Abanuean Iteraera are Meang e anaaki irouia aomata aika aranaki bwa kaain Atiria. Kabwarabwara bwa I-Aturia a kataia rimwi n anaa Abanuean Iuta are Maiaki. Kaoia ataei bwa a na iangoia bwa aongkoa a maeka n aban Iuta ao a ataia bwa a nang roko I-Aturia n uruaka aia kaawa. Tuangiia ataei bwa a na wareka 2 Uea 18:3, 5–6 n noria bwa bukin tera Etekia, are uean Iuta, e tiku n ninikoria ngke a roko I–Aturia.

• Kaoia ataei bwa a na wareka 2 Uea 19:14–19, n noria bwa tera ae karaoia Etekia ngke a kataia I–Aturia n anaa ana kaintokanuea. E kanga karaoan baikai ni kaotia bwa e onimakina te Uea? Tera ae ti kona ni karaoia ni kaota ara onimaki iroun te Uea ngkana ti kainnanoa te ibuobuoki?

2 Uea 22:8–13; 23:2–3

A reireiniira koroboki aika tabu bwa ti na iriira Iesu Kristo.

Imwin ririki inanon te roo n te maiu n te tamnei, A kaboua aia motinnano Iutaia nakon te Uea. E riki aei ibukina bwa te Uea ae Iotia e a manga kunea te boki n tua ao e warekia nakoia te botanaomata. Te rongorongo aei e buokiia ataei n oota bwa bukin tera a rang kakaawaki koroboki aika tabu.

Waaki ni Kakukurei aika a Kona ni Karaoaki

• Tuangiia ataei bwa te Uea Iotia e tuangiia aomata bwa a na onobwaia te tembora, n aron are a karaoia, ngke a kunea te bwai a moan te kakaawaki. Kaoia ataei bwa a na wareka 2 Uea 22:8–11 n noria bwa tera te bwai anne. Kabwarabwara bwa te boki are a kunea iai inanona berita aika tabu ao tuua are a aki atai tibun Iteraera. Tera ae e na riki nakoira ngkana akea iroura koroboki aika tabu? Tuangiia ataei bwa bukin tera a kakaitau ngkai iai iroura koroboki aika tabu. Bukin tera e na matoatoa iriiran te Tia Kamaiu ngke arona bwa akea iroura koroboki aika tabu?

• Anga te mwakoro ni beba nakoia ataei n tatabeman, ao tuangiia bwa a na raeuakia. Kabwarabwara bwa n ana tai te Uea Iotia, n tabetai aomata a raeuai, ke n “urui,” aia kunnikai ngkana a un. Tuangkia ataei bwa a na kakaea te taeka ae “raeuai” i nanon 2 Uea 22:11. Bukin tera e un Iotia? Buokia ataei n nora te kaeka inanon kibu 13. Bukin tera e kakaawaki iroura te kakaonimaki ni wareki koroboki aika tabu?

• Wareka 2 Uea 23:2–3 n ikotaki, ao tuangiia ataei bwa a na kakaea bwa n te aro raa ae koroboki aika tabua a buoka Iotia ma ana aomata. Tibwaia ma ataei te kibu ae e a tia ni buokiko n “nakonako rimwin te Uea” (kibu 3), ao kaoiia ataei bwa ana tibwai kiibu ake a tia ni buokiia. Botaki anenea “I Will Walk with Jesus” (ChurchofJesusChrist.org).

2 Uea 23:3

N an kawakin au berita aika tabu ma te Atua.

Ngke Iotia ao ana aomata a reakini ana tua te Atua, a karaoa te berita ae tabu bwa a na maiuakin. Ko kona ni buokiia ataei ake ko reireiniia ni karekea te nano n teimatoa ni kakaonimaki nakon berita aika tabu ake a karaoi n te bwabetito.

Waaki ni Kakukurei aika a Kona ni Karaoaki

• Kaoia ataei bwa a na wareka 2 Uea 23:3 ao ni kakaei taeka ke kibuntaeka ake a kaota aia namakin aomata ibukin ana tua te Uea. Kaoia bwa a na teirake ao ni maroroakina nanon te “[teirake] nakon te berita ae tabu.” Kaoia n nakonako n te tabo teuana ao n maroroakinna bwa tera nanon te “nakonako rimwin te Uea.” Tuangiia bwa a ana katoka baia i aon bwabwaia ao n anga kawai ake ti kona ni kawakin iai tuua “ma nano[ra] ni kabanea.”

• Buokiia ataei bwa a na korei berita ake a karaoi n te bwabetito (tara Motiaea 18:10; Reirei ao Berita aika Tabu 20:37, 77, 79). Tera ae e berita te Atua nakoira ngkana ti kawakina ara berita ae tabu? Tera ae ti reiakinna man 2 Uea 23:3 i aon aron kawakinan ara berita aika tabu?

te aikaon ibukin te kamatebwai

Kaungaa te Kamatebwai n te Mweenga

Kaoia ataei bwa a na tibwaia ma kaain aia utu te kibu man koroboki aika tabu ke te karaki man koroboki aika tabu are e a tia ni kakabwaiaia.

Kanakoraoan Ara Anga reirei

Karikirakea te ninikoria irouia ataei. Teuana te kawai ni buokiia ataei ni karekea te ninikoria bon kaotan te kukurei ngkana a karaoi mwakuri n te kiraati. Berita nakoia ataei bwa te Tamnei ae Raoiroi e na buokiia ngkai a kamatebwai.

te iteraniba ibukin te mwakuri ni kauring: Koroboki aika tabu bon te kakabwaia