Eria e Kaitaraia ana Ibonga Baara, iroun Jerry Harston

Tuun 27–Turai 3

1 Uea 17–19

“Ngkana tao Iehova te Atua, ao Kam Ira Nanona”

Angiina ataei a tatangiri karaki. Buokiia ataei n kinaa koaua n taian karaki ake i nanon 1 Uea 17–19 are e na kakorakora aia onimaki iroun Iesu Kristo.

Korei Am Namakin

Kaunga te Tibwatibwa

Kaoti tamnei nakoia ataei n te kabwarabwara n te wiki aei i nanon Nakomai, Iriirai—Ibukiia Aomata n Tatabemaniia ao Utu. Tuangiia bwa a na tibwai baike a atai ibukin karaki ake a kaotaki n te tamnei. Tera ae ti reiakinna man karaki aikai?

Reirei te Reirei: Ataei aika a Uarereke

1 Uea 17

E kakabwaia naake a onimaki te Uea.

1 Uea 17 e kawakin tabeua katooton te onimaki ae korakora. Man ana onimaki ae korakora, e kamwarakeakai Eria irouia mannikiba n tain te rongo, te aine ae mate buuna ma natina te mwaane a kamwaitaki kanaia, ao Eria e kauta man te mate natin te aine ae mate buuna.

Waaki ni Kakukurei aika a Kona ni Karaoaki

• Kaoti tamnei ke bwaai ake a irekereke ma karaki ake i nanon 1 Uea 17, n aron te kaai, kariki, ke te ataeinimwaane. Karaki karaki aikai nakoia ataei (“Eria te Burabeti” i nanon Karakin te O Tetemanti e kona n ibuobuoki), ao kaoiia bwa a na rinea te tamnei ke te bwai are e irekereke ma te karaki. Katuruturua bwa Eria ao te aine ae mate buuna bon iai aia onimaki iroun Iesu Kristo ao a karekei kakabwaia aika korakora.

• Buokia ataei n iangoi kawai ake a kona iai ni kaotia ae iai aia onimaki iroun Tamara are i Karawa ao Iesu Kristo, are nanona bwa a kakoauaia ao a onimakinia. Anene ma ngaia n te kuna ae kaota te onimaki, n aron “I Know My Father Lives” (Children’s Songbook, 5).

1 Uea 18:17–39

I kona n rineia n iriira Iesu Kristo.

E kaumakiia tibun Iteraera Eria bwa a na karaoa aia rinerine n iriira Iesu Kristo. Buokia ataei n noria bwa a kona naba ni karaoa te rinerine aei.

Waaki ni Kakukurei aika a Kona ni Karaoaki

• Kabwarabwara nakoia ataei bwa aomata n ana tai Eria aki koaua raoi bwa a tangiria n iriira te Uea. Tibwa karakinan Eria n kaoiia n rineia n iriira te Uea, are kuneaki i nanon 1 Uea 18:17–39 (tara naba “Eria ao ana Ibonga Baara” i nanon Karakin te O Tetemanti). Tuangiia ataei bwa bukin tera ko rineia n iriira Iesu Kristo, ao tuangiia bwa bukin tera a rineia n iriiria.

• Wareka nakoia ataei ana taeka Eria nakoia aomata: “Ngkana te Uea Bon te Atua, iriiria”” (1 Uea 18:21). Tera nanon iriiran Iesu Kristo? Buokia ataei n iangoi tabeua bwaai ake a na karaoi n iriira Iesu Kristo, ao kaoiia ni korei tamneia ngkai a karaoi nanon bwaai akanne.

  

  Ti kona n rineia n iriira Iesu Kristo.

1 Uea 19:9–12

Te Tamnei ae Raoiroi e taetae nakoiu n te bwanaa ae maraara, rau.

N te kairi teutana, ataei aika uarereke a kona ni kinaa korakoran te Tamnei ae Raoiroi i nanon maiuia. Iangoia bwa ko na kanga ni buokiia.

Waaki ni Kakukurei aika a Kona ni Karaoaki

• Kaurerekea ibukiia ataei te karake ane n 1 Uea 19:9–12, ao wareka kibu 11–12. Kaoia bwa a na karaoi mwakuri aika a tei ibukin te ang ae korakora, te mwaeiei, ao te ai. Ngkanne kaoiia bwa a na tekateka n rau ngkai ko wareka kabanean kibu 12 n te bwanaa ae aamarau: “imwin te ai bon te bwanaa ae uarereke man maraara.” Tuangiia bwa a na kataia n taetae n te bwanaa ae maraara, n rau. Tuangiia taai ake ko karekea iai te wirikiriki mairoun te Tamnei ae Raoiroi.

• Buokia ataei ni kinaa ngkana a tia n namakina korakoran te Tamnei ae Raoiroi. N aron te katooto, anenea ke katanga te kuna i aon rongorongon Iesu, ao tuangiia bwa tera aia namakin ngkai a iangoia. Tuangiia bwa tera aia namakin n mwakuri aika a nako, n aron te tataro ma aia utu ke kanakin te toa. Kabwarabwara bwa namakin aikai a roko mairoun te Tamnei ae Raoiroi. Tuangiia ataei aron mwaakan te Tamnei ae Raoiroi ni kakabwaiaa maium.

Reirei te Reirei: Ataei aika a Ikawai Riki

1 Uea 17:8–16

Ngkana e tuangai te Uea bwa N na angakarea, I kona n ongeaba ma te onimaki.

Te aine ae mate buuna mai Tarebata e onimakina te Uea ao Ana burabeti, e ngae ngke e tuangaki bwa e na karaoa te anga karea ae bubura. Te karaki aei e kona ni buokiia ataei ngkana a tuangaki iroun te Uea bwa a na karaoa te anga karea ae bubura.

Waaki ni Kakukurei aika a Kona ni Karaoaki

• Wareka nakoia ataei 1 Uea 17:8–16. Kaoiia bwa a na katea kain te karaki ngkai ko warekia te kauoua n tai. Tei n taabo tabeua ao titirakinia bwa tera aia namakin ngke aron bwa ngaia Eria ke te aine ae mate buuna. Kaoiia bwa a na tibwa te bwai are a reiakinna man te karaki aei.

• Kaoa te ataei temanna bwa e na korea te tamnei i aon te burakibooti i aon te bwai are e tua te Uea nakon te aine ae mate buun bwa e na angan Eria (tara 1 Uea 17:12–13). Kaoa temanna te ataei bwa e na korea tamnein te bwai are e karekea te aine ae mate buuna (tara 1 Uea 17:15–16). Tera tabeua bwaai ae tua nakoira te Uea bwa ti na anga? Tuangiia ataei bwa a na tibwaua aia kakabwaia man karaoan te angakarea.

1 Uea 18:17–39

I kona n rineia n iriira Iesu Kristo.

E tuai moti aia iango tibun Iteraera i aon iriiran te Uea. Iangoia bwa ko na kanga ni kaungaia ataei ni motinnano n riki bwa ana reirei Kristo.

Waaki ni Kakukurei aika a Kona ni Karaoaki

• Katabeia ataei n tatabeman bwa a na wareki tabeua kiibu man 1 Uea 18:17–39 ao a na korea tamnein te bwai are taekinaki n aia kibu. Buokiia ataei bwa a na oota n taian kibu ngkana e kainnanoaki. Ngkanne angania te tai bwa a na kabongana aia tamnei ni karaki mai iai. Tera ae e reireiniira te karaki aei ibukin te Uea?

• Tuangiia ataei bwa a na maroroakini taai ake a rinerine imarenan uoua bwaai aika okoro. Tera ae buokiia n rinerine? Buokiia n iangoi taai are a kainnanoa iai karaon te rinerine n iriira ke n aki iriira Iesu Kristo. Tera koaua man te karaki i nanon 1 Uea 18:17–39 ae kona ni buokiia n rinerine?

1 Uea 19:9–12

Te Tamnei ae Raoiroi e taetae nakoiu n te bwanaa ae maraara, n rau.

E onrake te aonaba ni bwanaa ni kamwaninganako are e kaangaanga iai te ongo bwanaan te Tamnei ae maraara, n rau. Ko na kanga ni buokiia ataei n ongo te bwanaa anne?

Waaki ni Kakukurei aika a Kona ni Karaoaki

• Tuangiia ataei bwa a na kakauongo raoi ngkai ko wareka 1 Uea 19:11–12 nakoia ma te karaurau. Kaoia bwa a na wareka 1 Uea 19 ni kakaei kiibu ake ko wareki ao n noria bwa tera ae karaoia Eria. Maroroakinna bwa tera a riai ni karaoia bwa aonga n ongo te bwai are ko taekinna, ao buokiia ni kabotaua aei ma te bwai ae ti riai ni karaoia n ongo te “te bwanaa ae maraara man uarereke” mairoun te Tamnei. Angania ataei te tai n ikaruoruo n wareki kibu tabeua man 1 Uea 19 ao ataei ake tabeman a kataia ni kakaei kiibu akanne ni koroboki aika tabu.

• Tibwaia ma ataei tabeua kiibu are a kabwarabwara aron ana reitaki te Tamnei nakoira (tara Kairi nakon Koroboki aika Tabu, “Inspiration, Inspire,” scriptures.ChurchofJesusChrist.org). Tuangiia ataei bwa a na maroroakin taai ake a namakina iai te Tamnei ae Raoiroi bwa e kairiia ao e kakoaua nakoia. Tera ae a karaoia? Tera ae kona n tukiira man kinaakin te Tamnei? Botaki wareka Moronaai 4:3, ao kaungaia ataei bwa a rinea te bwai teuana ae a na karaoia bwa e aonga “ni memena te Tamnei irouia n tainako.”

Kaungaa te Kamatebwai n te Mweenga

Kaoia ataei n iangoa te bwai teuana ae a tangiria ni karaoia man mwin te bwai ae a reiakinna n te bong aei. N aron te katooto, a kona n katea te kouru n te maiu n tamnei, wanawana, rabwata, ke n reitaki n riki n ai aron Iesu Kristo.

Kanakoraoan Ara Anga reirei

Buokiia ataei bwa a na kinaa te Tamnei. “Teuana te bwai ae moan te kakaawaki ae ko kona ni karaoia bwa te tia reirei bon buokakiia naake ko reireiniia bwa a na kinaa korakora te Tamnei ae Raoiroi. … Buokiia [ataei] ni kairekerekea aia namakin n tamnei ma ana wirikiriki te Tamnei ae Raoiroi.” (Reirei n Ana Kawai te Tia Kamaiu, 11.)