“Tuun 27–Turai 3. 1 Uea 17–19: ‘Ngkana Tao Iehova te Atua, Ira Nanona,’” Nakomai, Iriirai—Ibukiia Aomata n Tatabemaniia ao Utu: O Tetemanti 2022 (2021)
“Tuun 27–Turai 3. 1 Uea 17–19,” Nakomai, Iriirai—Ibukiia Aomata n Tatabemaniia ao Utu: 2022
Elijah Contends against the Priests of Baal (Eria e Kauntaeka ni Kaitaraia ana Ibonga Baara), iroun Jerry Harston
Tuun 27–Turai 3
1 Uea 17–19
“Ngkana Tao Iehova te Atua, Ira Nanona”
Ngkana ko warekii koroboki aika tabu, ko a kamwakura te onimaki, are e katauraoa nanom ao am iango n ongoraa n “te bwanaa ae marara man rau” are bon te Tamnei ae Raoiroi (1 Uea 19:12).
Korei Am Namakin
Te Bata are Iteraera a bon rootaki n te nanououa. Te katiiteuanaaki ao te kaubwai e reke iaan kanoan aia bong ngkoangkoa Tawita ao Toromon, ao irekereken aia berita aika a tabu kaain aaba ma te Uea bon, ibukiia aomata aika mwaiti, kanuring aika a raroanako. Abanuean Iteraera e maenako, ma te bata ake tengaun baronga a katea te Abanuea I Maiakin Iteraera ao te bata are uoman baronga a katea te Abanuea I Maeaon Iuta. Abanuea aikai a waaki ma te tamnei ae raoiroi, a kairaki irouia uea aika a urua tuan te berita ae tabu ma te Uea ao ni kairekerekeia tabeman bwa a na karaoi naba (taraa 1 Uea 11–16). Ma kitanan te koaua e bon rangi ni korakora n te Abanuea are i Maiaki, ike te Uea are Aaba e a kaungaia Iteraera bwa a na taromauriia te atua ae kewe are Baara.
N te tai anne ao e a weteaki Eria bwa e na tibwaua te euangkerio. Rongorongon ana mwakuri ni mitinare e bon rangi ni matata bwa aia onimaki aomata iroun te Uea e kona n rikirake ibuakoia aika raoiroi e ngae ngke inanon te enwaeromenta ae buakaka. N tabetai te Uea e kaekai onimaki ma te unga n nano, kakai ibuakoia aomata, n aiaron te ai ae bwaka mai karawa. Ma ngaia e bon mwakuri naba ni karaurau, kakai ibuakoia aomata, n aiaron karekean kainanon te tina ae akea buuna ma natina te mwaane. Ao angiin Ana kakai a bon tatannako nakoia aomata are a bon kona n tii kinaki iroum—te katoto, ngkana te Uea e kaotia “n te bwanaa ae marara” (1 Uea 19:12).
Ibukin riki rongorongon Eria, taraa “Elijah” inanon te Kairi nakon Koroboki aika Tabu.
Iango ibukin te Kamatebwai i bon Iroum ni Koroboki aika Tabu
Te kakao n angakarea bon te tai ni mwakuriia au onimaki.
N te moan kanga e na bon taraa ni kangaanga atakina bwa bukin tera te burabeti Eria e titirakina te ainenuumwa ae akea buuna inanon Tarebata bwa e na anganna kanana ao te ran imwaain ae na amwarake ao ni kamwarakea natina te mwaane ae bora ni baki. Ma ana bubuti Eria aio e kona n nooraki bwa te kakabwaia ibukin te utu ae uarereke aio. A kainnanoa ana kakabwaia te Uea, ao angakarea a kona n tainako ni karekei kakabwaia—n ikotaki ma te kakabwaia n te onimaki ae korakora riki.
Ngkana ko wareka te karaki, iangoia iroum bwa ao ngkoa ngkoe te ainenuumwa ae akea buuna aio. Tera ae anaa nanom iroun neienne? Iangoi tibwanga ake ko karekei bwa ko na mwakuriia am onimaki—n ikotaki ma tibwanga n angakarea. Ko na kanga n riki n aron te ainenuumwa ae akea buuna aio?
Taraa naba Mataio 6:25–33; Ruka 4:24–26; Lynn G. Robbins, “Tithing—a Commandment Even for the Destitute,” Liahona, Meei 2005, 34–36.
“Ngkana te Uea te Atua, ira nanona.”
Ana bae n tia kaain I-Iteraera n namakinna ae iai bukina ae raoiroi ngkai a taromauria Baara irarikin ana tua te Uea , “Kona tai atuana te atua temanna irarikiu”(Te Otinako 20:3). Baara e bon rangi ni kinaki bwa atuan te buaka ao te karau, ao imwiin teniua te ririki n rongo, ao a kainnanoa buakan te karau ma te ang. Ao taromaurian Baara e a bon kariaiakaki mairoun te uea ni mwaane ao te uea n aine. Ngkana ko wareka 1 Uea 18, iangoi bwaai aika a riki inanon maium aika a na kona ni karekea te kangaanga nakoia I-Iteraera ake a mena inanona. Ko a tia ni kuneko i bon iroum ae ko aki koaua raoi ibukin irakin nanon te Uea bukina bwa bwaai riki tabeua a taraa ni iai bukina ao ko aki kona? (taraa 1 Uea 18:21). Inanon te bwai ae riki are e kuneaki n te mwakoro aio, tera n am iango te bwai ae kataia te Uea n reireiniia aomata Ibukina ao ibukin Baara? Tera taneiai aika a tia n reireiniko iaon koaua aikanne?
Tao e na bon kakaongora ngkana ko korei bwaai ake e taekin Eria ao ni karaoi inanon te mwakoro aio ae e kaota ana onimaki iroun te Uea. Tera ae ko reiakinna mai iroun Eria iaon te onimaki?
Taraa naba Iotua 24:15; 2 Nibwaai 2:26–28; D. Todd Christofferson, “Choice and Commitment” (worldwide devotional for young adults, Tianuare. 12, 2020), ChurchofJesusChrist.org.
Tamnein te 1 Uea 19:11–12. Te Burabeti, © Robert Booth Charles/Bridgeman Images
N tainako ao te Uea e taetae ni kawai, aika maraara ao ni bebete.
Ngke te Uea n Aine ae Ietebera e ongo te bwai ae riki nakon ana Ibonga iaon te maunga are Karemera, e bon aki rairaki—e bon rangi ni un. Te maaku ibukin maiuna, e birinako Eria nakon te rereua ao ni ukora kamanoana inanon te bwanganimatang. Ikekei, e taonaki n te rawawata n tii ngaia ao te bwarannano, iai baike e rinanona ma te Uea ae e bon rangi ni kaokoro ma te bwai are e riki iaon te Maunga are Karemera. Tera te bwai ae rinanona Eria inanon 1 Uea 19:1–18 ae reiakiniko bwa e kanga te Uea n reitaki ma ngkoe inanon am tai ni kainnano? Iangoi taai inanon maium ake ko a tia n rinanona n reitakim ma ngaia. Tera ae ko na riai ni karaoia bwa ko aonga n teimatoa ni karerekea Ana kairi?
Iangoi taeka ao kibu n taeka aikai ake a kabonganaaki inanon kiibu aikai ni kabwarabwara bwa e kanga te Uea n reitaki ma ngaira: Ereman 5:30; 3 Nibwaai 11:3–7; Reirei ao Berita aika Tabu 6:22–23; 8:2–3; 9:8–9; 11:12–14; 36:2.
Taraa naba Taian Areru 46:10; 1 Nibwaai 17:45; Russell M. Nelson, “Hear Him,” Liahona, Meei 2020, 88–92.
Te Beku ibukin te Uea e bon moanibwai riki nakon bwain te aonnaba.
Ngkai Eritai e bwaibwai iaon 12 kao mwaane are kaotia bwa te aomata ae e rangi ni kaubwai. Tera te bwai ae anaa nanom iaon ana mwakuri aika koreaki inanon 1 Uea 19:19–21? Ko na kanga n ira ana banna ni katooto Eritai?
Taraa naba Mataio 4:18–22.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
1 Uea 17:1–16.Te witeo “Elijah and the Widow of Zarephath” (ChurchofJesusChrist.org) ao te tamnei inanon te kamataata aio e kona n buoka am utu ni katamneia te rongorongo inanon 1 Uea 17:1–16. Imwiin warekan taian kibu aikai ao noori bwaai n ibuobuoki aikai, kaain te utu n tatabemaniia a na koroi bwaai aika a anai nano mairoun te ainenuumwa ae akea buuna aio. Tera ae tuangiira te Uea bwa ti na karaoi ni kaota iai ara onimaki?
-
1 Uea 18.“Eria ao ana Ibonga Baara” (inanon Karaki n te O Tetemanti) e kona ni buoka am utu n reirei te karaki inanon 1 Uea 18. Iai bwaai aika a kararoaira man karaoan ara motinnano nakon te Uea? Ti na kanga ni kaota kukurein nanora bwa ti Rineia? (taraa te kibu 21).
-
1 Uea 19:11–12.Tera ae na kona ni buoka am utu n ataa kakawakin te kakauongo nakon “te bwanaa ae maraara”? Kam kona ni bootaki ni wareka 1 Uea 19:11–12 n te bwanaa ae e bebete ke anenea te kuna iaon te Tamnei ni karaurau, n aron “Te Tamnei ae Raoiroi” (Aia Boki n Anene Ataei, 105). Ko kona ni manga karinii bwanaa aika a na kaberoro bwa e na katamneia aron Tatan are na kataia ni kararoaira man ongoraeakinan te bwanaa ae, maraara. Membwa aika onimaki a kona n tibwaua te bwai ae a karaoia bwa ana kai ataa ana wirikiriki te Tamnei.
Ibukin iango aika a mwaiti riki ibukn reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Anene aika katauaki: “Te Tamnei ae Raoiroi,” Aia Boki n Anene Ataei, 105.
Kanakoraoan Am Kamatebwai I Bon Iroum
Korei am namakin. Ngkana ko namakinna bwa te Tamnei ae Raoiroi e taetae nakoim, iangoia bwa ko na korei baika ko namakin ake E taekin nakoim. Te iango are a tauaki iango aika a tamaroa aikai inanon taeka ake a na kona ni buokiko bwa ko na iangoia raoi ao n kawakinna raoi.
Widow of Zarephath (Te Aine ae Mate Buuna ae kaain Tarebata), iroun Rose Datoc Dall