Etita, iroun James Johnson

Turai 25–31

Etita

Etita: “Ko A Roko … ibukin te Tai ae ai Aron Aei”

Ngkai ko wareka Etita, ukora ana kairi te tamnei are e bootau ma arom, ao korei namakin ake ko karekei.

Korei Am Namakin

Angiin bwaai aika a riki n ana boki Etita kanga taraan te tekeraoi ke te bwai ae riki n te tai naba anne. E na tera riki am kabwarabwara n aron ataeinnainen Iutaia ae akea ana karo ao e riki bwa te ueannaine mai Betia n te tai ae eti bwa e na kamanoia ana aomata man te tiringaki? Tera manennanti are e riki nakon ai mwaanen Etita ae Moretekai ngkai e kakauongo nakon te baire ni kamwane ibukin tiringan te uea? Aikai manennanti, ke mwakoron te baire mai ieta? E koreia Unimwaane Ronald A. Rasband: “Tera ae kanga e na kaoti bwa te tai ae mannenanti, ni koauana, e nooraki iroun Tamara are i Karawa ae tatangira. … E kona n nooraki ana kairoro te Uea n rongorongon baika a uarereke inanon maiuira” (“By Divine Design,” Riaona, Nob. 2017, 56). N taainako ao ti bae n aki kinaa ana kairoro te Uea inanon “rongorongo aika uarereke.” Ma ti reiakinaki man ana taneiai Etita bwa E kona ni kairii kawaira ao ni katauraoira “i bukin te tai ae ai aron aei” (Etita 4:14) ngke ti kona n riki bwa baina ni mwakuri ni kakoroa bukin Ana kantaninga.

Ibukin rinanoakin ana boki Etita, taraa “Etita, ana boki” n te Bible Dictionary.

Iango ibukin te Kamatebwai i bon Iroum ni Koroboki aika Tabu

Etita

E kona te Uea ni karaoai bwa te bwai ni mwakuri ni kakabwaiaia tabeman.

E reirei Titita Anne C. Pingree: “N riki bwa te bwai ni mwakuri ni bain te Atua bon te tibwanga ae nakoraoi ao te katabeaki ae tabu. N taabo nako ake ti maeka iai, tera nako ara kangaanga, e aki kakawaki bwa te karinan raa ae ti mena iai n arora n taanga ke ara ririki, te Uea e kainnanoira n tatabemaniira nako bwa ti na kakoroa bukin [tabera] aika onoti ni katean Ueana ni kabanea ni boong” (“Knowing the Lord’s Will for You,” Liahona, Nobembwa. 2005, 112).

Ngkai ko wareka karakinan Etita, iangoia e kanga te kibuntaeka aei ni kaeineti nakoina. Kakaei kawai are e na kona te Uea ni kangaraoia bwa e aonga ni kamaiuia Iutaia (taraa, n aron te katooto, Etita 2:21–23; 3:10–14; 4:14–16). Ngkanne iangoia bwa E kanga ni kaira maium are e anganiko te kona ni kakabwaiaia tabeman. Tera tabeua kangaanga ke reitaki are ko namakinna bwa E a tia ni kairiko nako iai “i bukin te tai ae ai aron aei”? (Etita 4:14). Ngkana iai am kakabwaia n tamanuea, iangoia warekia n reiakina riki taekan ana mwakuri te Uea ae kona karaoia.

Etita 3; 5:9–14; 7

Te kainikatonga ao te un e kona ni kairiko nakon te bwaka.

N ana boki Etita, ti reiakinaki mairoun Etita ao Moretekai n ai aron naba man ana kainikatonga ao unin Aman. Ngkai ko wareka Etita 3; 5:9–14, iangoia ataa ana namakin, ana taeka, ao ana mwakuri Aman. Tera ae a kaotia ibukina ma ana ungannano? Tera mwiina ae na riki are e kaitara ma ngaia? (taraa Etita 7). Wareka taekan Aman ae na kona n anganiko te wirikiriki bwa kona tuoia tera ae kaunga am namakin ao am mwakuri. E anaaki nanom bwa ko na karaoi bitaki? Ko na kanga n rairaki nakon Tamara are i Karawa ibukin buokam?

Taraa naba Taian Areru 16:32; Aramwa 5:28.

Etita 3–4; 5:2–3; 8:11–12

Te aki mamatam e kaota au onimaki iroun te Uea.

Atai bwaai are e kaira Etita ao nikiraia Iutaia bwa a na karaoa aia aki mamatam (taraa Etita 3:13; 4:1–3, 10–17). E kanga te aki mamatam n riki bwa te kakabwaia nakoia? (taraa Etita 5:2–3; 8:11–12). Bukin tera ngkai e tuangira te Uea bwa ti na karaoa ara aki mamatam? (taraa Gospel Topics, “Fasting and Fast Offerings,” topics.ChurchofJesusChrist.org). Iangoia tera ae ko kona ni karaoia ni karaoa te aki mamatam bwa te kakabwaia ae te kabanea ni korakora inanon maium.

Taraa naba Itaia 58:6–12; Mataio 4:1–4; 17:14–21; “Fasting: Young Single Adult Ward, Amanda” (witeo), ChurchofJesusChrist.org.

Etita 3:1–11; 4:10–17; 5:1–4

Karaoan te bwai ae eti angiin te tai e kainnanoa te ninikoria ae korakora.

Ngke a tei ibukin aia koaua Moretekai ma Etita, a kataui bwaai aika a na riki nakon maiuia. Iai mwiin ara rinerine are e na taraa n aki kakaiaki imwiina, ma karaoan te bwai ae eti e bon kainnanoa te ninikoria. Tera ae ko reiakinna mairoun Etita 3:1–4; 4:10–17 ibukin reken te ninikoria ni karaoa te bwai ae eti? Ataa te kaokoro ni mwiin te bwai ae riki imarenan te bwai ae rinanona Moretekai ao Etita imwiin kaotan aia ninikoria (taraa Etita 3:5–11; 5:1–4). Tera ae kainnanoia te aomata ibukin ataakin te Atua bwa e aonga ni karaoi rinerine ake a karaoi Etita ao Moretekai —ni karaoa te bwai ae eti n aki tabe bwa tera mwiina ae na riki?

N are imwiina ngkana ko iangoa mwiin karaoan te bwai ae eti, ko na bae ni kataa ana taeka n ninikoria Etita inanon Etita 4:16 nakon oin am kangaanga. N aron te katooto, ko na bae ni kangai ni bon nakoim, “Ngkana I rinea te eti, ngkana I [kabuaia raoraou], I [kabuaia raoraou].”

Taraa nabaThomas S. Monson, “May You Have Courage,” Liahona, Meei 2009, 123–27.

Amon imatan te Uea Rimwaai, iroun Minerva K. Teichert

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Etita:1-10.Imwiin rinanoan karakinan Etita (taraa “Te Uea n aine ae Etita” inanon Karaki n Te O Tetemanti ke te witeo “For Such a Time as This,” ChurchofJesusChrist.org), a na bae ni kukurei am utu ni karaoi taoree aika bwaabete ibukiia tabeman aomata (taraa te iteraniba ni kakukurei n te wiiki aei inanon Nakomai, Iriirai—Ibukin te Moanrinan). A kona ngkanne ni kabonganai ni manga karakina riki te karaki. Ko kona naba n anenea te anene ibukin te riki n ninikoria ao te etieti, n aron “Dare to Do Right” (Children’s Songbook, 158) or “Do What Is Right” (Boki n Anene, nambwa. 237). Tera taekan te kuna ae ti kauringaki iai ibukin Etita?

Etita 2:5–7.Tera ae ti reiakinna man ana katooto Moretekai ibukin buokakiia kaain te utu inanon taai ni kataaki? Antai inanon ara utu ae kainnanoa ara boutoka? Karaoa am baire bwa kona buokiia.

Etita 4:15-17.E kona ana ninikoria Etita ni kaungaia am utu ni maroroakinna bwa ko na kanga ni karikirakea te ninikoria n tei ibukin te koaua inanon kangaanga ake a a kaitara ma ngaai. Tera ae nanonna Etita man “Ngkana tao N na mate, ao N na mate”? E kanga ana taeka ni kaeineti nakoira ngkana ti kainnanoia bwa ti na ninikoria? Te witeo “Courage” (ChurchofJesusChrist.org) e anga tabeua katooto.

Etita 9:26–32.E karaoaki te kanabuaka ibukiia Iutaia ibukin Burim bwa kauringaan rongorongon Etita. N tain te amwarake n te wiiki aei, iangoia n tibwai rongorongoia am utu, am bakatibu, ngke a kakabwaiaiia tabeman n tei ibukin te eti n aron are e karaoia Etita.

Ibukin iango aika a mwaiti riki ibukin reireinakiiia ataei, taraa kamataata n te wiiki aei n Nakomai, Iriirai—Ibukin te Moanrinan.

Anene aika rineaki: “Dare to Do Right,” Aia Boki n Anene Ataei,158.

Kanakoraoan Ara Anga reirei

Iriirakin Maiun te Tia Kamaiu. “Mwaakan te Tia Kamaiu n reirei ao ni buokiia tabeman e roko man aron maiuna bwa te aekaki n aomata raa Ngaia. Te taningamarau riki are ko keiakinna ni maiuakinna n aron Iesu Kristo, ko na karekea riki te konaa n reirei n ai Arona” (Reirei n Ana Kawai te Tia Kamaiu, 13).

Te Uea n aine ae Etita, iroun Minerva Teichert, ©William ao Betty Stokes