“Tuun 20–26. 2 Tamuera 5–7; 11–12; 1 Uea 3; 8; 11: ‘E na Kateimatoaki Ueam n Aki Toki,’” Nakomai, Iriirai–Ibukiia Aomata n Tatabemaniia ao Utu:Te O Tetemanti 2022 (2021)
“Tuun 20–26. 2 Tamuera 5–7; 11–12; 1 Uea 3; 8; 11,” Nakomai, Iriirai–Ibukiia Aomata n Tatabemaniia ao Utu: 2022
Te Uea ae Tawita e tekateka iaon ana kaintokanuea, iroun Jerry Miles Harston
Tuun 20–26
2 Tamuera 5–7; 11–12; 1 Uea 3; 8; 11
“E na Kateimatoaki Ueam n Aki Toki”
“Ni kabane koroboki aika a tabu ti anganaki man ana kairi te Atua, ao e riai naba ibukin berita aika a tabu, ibukin manga kakoauaana, ibukin kaetakina, ibukin reiakinan te kororaoi” (2 Timoteo 3:16).
Korei Am Namakin
E moanaki ana tai ni Uea Tawata ma berita aika mwaiti. Aki neneakin ana onimaki ni konakin Koria e riki bwa te rongorongo. N ana tai ni uea, e karekea Ierutarem bwa kautun abana ao e katiteuanaia Iteraera (taraa 2 Tamuera 5). E tuai man roko ni korakorana abanueana. Ao n anne e rootaki n te kariiriakiTawita ao e bua korakoran tamneina.
Ana tai ni uea natin Tawita are Toromon n ai aron tamana e moan waaki ma berita aika a mwaiti. Wanawana ao kinaakin te tamnei are e kareke mai ieta a riki bwa te rongorongo. N ana tai ni uea, e kanauanako tian Iteraera ao e katea te tembora ae e tikauarerei ibukin te Uea. E tuai man roko ni korakorana abanueana. Ao e ngae n anne ao Toromon e karaoa te mwakuri ni burababa ngke e kariaia nanona bwa e na rairaki nakoia atua tabemwang.
Tera ae ti reiakinaki man karaki aika a kananokawaki aikai? Tao teuana te reirei n aki taraaki ara taneiai ake mai imwaaina, bwa korakoran tamneira e katan iaon rinerine aika ti karaoi ngkai. Ti kona naba n noori inanon rongorongo aikai ae tiaki oin korakorara ke ninikoriara ke ni wanawanara ae e ena kamaiura—bon iroun te Uea. A kaoti karaki aikai nakoira bwa ana kantaninga ni koaua Iteraera—ao ngaira naba—tiaki iroun Tawita, Toromon, ke uea riki tabeman n rabwata, ma iroun temanna “natin Tawita te mwaane”: Iesu Kristo (Mataio 1:1), te Uea ae Akea Tokina are e na “kabwarai aia bure [Ana] aomata” ngkana ti “rairaki [Nakoina]” (1 Uea 8:33–34).
Ibukin manga rinanoan aia boki 2 Tamuera ao 1 Uea, taraa “Tamuera, ana boki” ao “Kings, books of” inanon te Bible Dictionary.
Iango ibukin te Kamatebwai i bon Iroum ni Koroboki aika Tabu
E kona n anganai te Uea te kawai.
Ngke e a tia Tawita ni kona ni katiteuana Iteraera (taraa 2 Tamuera 5:1–5), e na riai ni kataniia ana aomata mairouiai i Biritia . Ngkai ko wareka 2 Tamuera 5:17–25, iangoia e kanga ana katooto Tawita ni buokiko ni kangaanga ake ko kaitara ma ngaai (taraa naba 1 Tamuera 23:2, 10–11; 30:8; 2 Tamuera 2:1). Ko kanga ni ukora ana kawai te Uea inanon maium? Ko kanga n tia ni kakabwaiaki man karaoan nanon te kaotioti are ko karekea?
Taraa naba 1 Rongorongo 12; Richard G. Scott, “How to Obtain Revelation and Inspiration for Your Personal Life,” Liahona, Meei 2012, 45–47.
Tera te “auti” are e berita te Uea nakon Tawita?
Ngke e angananona Tawita bwa e na katea te auti, are nanona te tembora, ibukin te Uea (taraa 2 Tamuera 7:1–3), e kaeka te Uea bwa ni bon etina Natin Tawita te mwaane e na kateia (taraa kiibu 12–15; taraa naba 1 Rongorongo 17:1–15). E taku naba te Uea ae Ngaia ni boon mwiina e na katea ana “auti,” Tawita nanona ana kariki, ao ana kaintokanuea a na akea tokina (taraa 2 Tamuera 7:11, 16, 25–29; Taian Areru 89:3–4, 35–37). E kakoroaki nanon te berita aio iroun Iesu Kristo, ara Uea n aki totoki are ngaia kanoan Tawita (taraa Mataio 1:1; Ruka 1:32–33; Ioane 18:33–37).
N na riai n tatauraoi n taainako man te bure.
Ana kakaonimaki Tawita nakon te Uea n taai aika a nako e aki katanna man kaririaki ngke e “nakonako i aon akun ana auti te uea” ao “e noora te aine ae e tebokia” (2 Tamuera 11:2). Iangoi bwaikara reirei aika a reke iroum man ana taneiai. Titiraki n aron aikai a na kona ni buokiko ni kamwatebwaia te rongorongo aio:
-
Baikara rinerine ake e karaoi Tawita ake a kabwaka nakon kawain te bure? Baikara rinerine aika a eti aika e riai n tia ni karaoi?
-
E na kanga te kakaewenako ni kataia ni kairiko nakon kawain te bure ni bon oin maium? Baikara rinerine aika ko riai ni karaoi ngkai n okira te katantan?
Taraa naba 2 Nibwaai 28:20–24; “To Look Upon” (witeo), ChurchofJesusChrist.org.
Te bwaintangira ni kona ni kinaa te tamnei e buokai n ataa te kaokoro imarenan ae eti ma ae e bure.
Ngkana e kangai te Uea nakoim, “Ko na butiai ae N na anganiko” (1 Uea 3:5), tera ae ko na bubuti? Tera ae e kakukureiko n taekan ana bubuti Toromon? Iangoia raoi bukin tera “te nano ae ataibwai” n “ata ae raoiroi ma ae buakaka” (te kibu 9) bon te bwaintangira ae moan te kakawaki. Tera ae kona karaoia n ukoukora te bwaintangira aei?
Taraa naba 2 Rongorongo 1; Moronaai 7:12–19; David A. Bednar, “Quick to Observe,” Ensign, Ritembwa. 2006, 30–36.
Te tembora bon Ana auti te Uea.
Inanon bubua n ririki, maekan te Atua e oneaki mwiina n te tabaenako are e uouotaki are e karaoia Mote. E ngae ngke Tawita e kan katea ana auti te uea ae e bon teimaan, te Atua e rinea natin Tawita ae Toromon bwa e na katea ana tembora te Uea. Ao ngkai ko wareka ana tataro Toromon ao taeka aika e atong nakoia ana aomata inanon are ngke e a kaan tia te tembora, ataia bwa e kanga n namakina te Uea ao Ana auti. Ko kona ni koroi nako kakabwaia ake e bubuti Toromon n ana tataro. Tera ae ko ataia ibukin kakabwaia aikai? Ko kanga ni kakabwaiaki iroun te Uea man ana auti inanon ara bong?
Taraa naba 2 Rongorongo 6.
Barranquilla Colombia Tembora
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
2 Tamuera 5:19, 23.Nningai ae ti a tia “kakaea mairoun te Uea” ibukin ana kairiri ao kaetara? E kanga n tia ni kaekaira?
-
2 Tamuera 7:16.Ngke e tuangaki Tawita iroun te Uea,”E na kateimatoaki ueam n aki toki,”E kananona nakon te uea ae e na roko n ana utu Tawita are e na tautaeka n aki toki:Iesu Kristo. Tao am utu e na kukurei ni karaoan bau ni uea n te auti inanon aia tai ni marorokinna bwa e aera ngkai ko kakaitau bwa Iesu Kristo ngaia am Uea n Aki Toki.
-
2 Tamuera 11.Ni warekan ana bure kakaiaki Tawita e na reke bwa te tai ae e tamaroa ni marorokin kangaanga ibukin tamnei aika a tangako, iango aika aki itiaki ao te buakaka. A na rangi ni manena booki aikai n ami maroro: te Okitobwa 2019 rongorongon te Riaona, te Ekaretia e Maroroakin booki n reirei iaon Tamnei aika Tangako (ChurchofJesusChrist.org/addressing-pornography), ao n te witeo “What Should I Do When I See Pornography?” ao` “Watch Your Step” (ChurchofJesusChrist.org). A kona kaain te utu ni karaoa aia baire bwa tera ae a na karaoia ngkana a kaitibo ma tamnei aika tangako.
-
1 Uea 11:9-11.Antai “atua riki” ake tabeua (te kibu 10) are e kona ni katannakoi nanora mairoun te Uea? Ti na kanga ni kateimatoa nanora ni kabotoi iaon Tamara are i Karawa ao Iesu Kristo?
Ibukin iango riki tabeua ibukin reirenakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae katauaki: “More Holiness Give Me,” Boki n Anene, nambwa. 131.
Kanakoraoan Ara Anga reirei
Iangoi reirei aika a na kakabwaiaia am utu. Ngkana kam tataro mwaaka ni kamatebwaia ana taeka te Atua, titirakiniko i bon iroum, “Tera ae I kunea ikai ae e na bongana nakon au utu?” (taraa Reirei n ana Kawai te Tia Kamaiu, 17).
Tamnein ana tembora Toromon, iroun Sam Lawlor