“Okitobwa 10–16. Ieremia 1–3; 7; 16–18; 20: ‘Before I Formed Thee in the Belly I Knew Thee,’” Nakomai, Iriirai—Ibukin te Moanrinan: Te O Tetemanti 2022 (2021)
“Okitobwa 10–16. Ieremia 1–3; 7; 16–18; 20,” Nakomai, Iriirai—Ibukin te Moanrinan: 2022
Ieremia, iroun Walter Rane
Okitobwa 10–16
Ieremia 1–3; 7; 16–18; 20
“Ngke I Tuai ni Karikiko i Nanon te Biroto ao I Ataiko”
“Aia kouru taan reirei n te euangkerio … bwa a na reirei reirein te euangkerio ae itiaki, man te Tamnei, bwa aonga ni buokiia natin te Atua ni karekei aia onimaki irouin te Tia Kamaiu ao n riki n ai Arona” (Te Anga Reirei n Ana Kawai te Tia Kamaiu, rabunana are mai imoa).
Korei Am Namakin
Kaunga te Tibwatibwa
Koroi iaon mwakoro ni beeba tabeua taeka aika kakawaki man te kamatebwai n te wiiki aei n Ieremia, n aron te burabeti, te ran ae maiu, ikotaki, ao te tano. Katikui beeba inanon te kaonteina, ao kaoia ataei bwa a na rinea teuana ao n tibwauai iango ibukina aika iai irouia. Buokiia n taraia bwa e kanga te taeka n irekereke ma te bwai ae reirei Ieremia.
Reirei te Reirei: Ataei aika a Uarereke
Tamara are i Karawa e kinaai imwain ae i bungiaki.
Bukina bwa ti maeka ma te Atua imwain ae ti roko nakon te aonaaba, E kinaira, e ngae ngke ti aki kona n Uringnga. Ko na kanga ni buokiia ataei ake ko reireiniia bwa a na mataata n te koaua ae kakawaki aio?
Waaki ni Kakukurei aika a Kona ni Karaoaki
-
Warekia nakoia ataei Ieremia 1:5, ao kabwarabwara ae e kina Ieremia te Atua imwain ae bungiaki. Tuangiia ataei, n tatabemaniia, ae Tamara are i Karawa e kina teuanne ke neienne imwain ae teuanne ke neienne e bungiaki ao E kanakoira nakomai bwa iai bukina.
-
Kaotia nakoia ataei tamnen te ataei, ao titirakiniia ataei ngkana a ataia bwa e maeka ia te ataei aei imwain ae bungiaki teuanne ke neienne. Bootaki n anenea te anene are e reirei taekan te maiu imwain te maiu aei ma te Atua, n aron “Ngai Natin te Atua” ke “I Lived in Heaven” (Aia Boki n Anene Ataei, 2–3,4). Taetae iaon te namakin n tamnei ae uotia te anene. Kaota am koaua ae ti bane ni maeka n te taina ma Tamara are i Karawa ao E kanakomaira ikai nakon te aonaaba.
A weteaki burabeti bwa a na taekin a na taeka te Uea.
Wetean Ieremia e kaota te bwai ae tuangiia burabeti te Uea bwa a na karaoia. Ko na kanga ni buokiia ataei ake ko reireiniia ni kakorakorai nanoia n ira te burabeti ae maiu?
Waaki ni Kakukurei aika a Kona ni Karaoaki
-
Kaotia nakoia ataei tamnein te burabeti ae maiu, ao kaoia bwa a na tibwaua te bwai ae ataia ibukina. Tera ae a karaoia burabeti? Warekia nakoia ataei te bwai ae taekinna te Uea nakon te burabeti are temanna, Ieremia, inanon Ieremia 1:7. Kaoia ataei bwa a na mwainging n aki nakonako ngkana ko wareka “ane I kanakoko nako ina ao ko na kawaria” ao aongkoa ko taetae ngke ko wareka “ao ane I tuangko ko na taekinna.” Tibwaua am koaua n te bwai ae a karaoi burabeti ao taekina te bwai ae tua te Uea.
-
Kaoti tamneia burabeti man booki aika tabu (taraa te Gospel Art Book, Church magazines, ao Nakomai, Iriirai—Ibukiia n Tatabemaniia ao Utu). Tuangiia ataei bwa a na tuangko te bwai ae a atai ibukin karaki aikai. Kamataata n tuangiia ataei taekan te bwai teuana ae a karaoi n tatabemaniia ni buoka ana mwakuri te Atua. Kaota am koaua ae a weteaki burabeti iroun te Atua bwa a na taekin Ana taeka ao ni buokiia ana aomata.
I kona ni buokiia natin Tamara are i Karawa bwa a na oki Nakoina.
Te katooto Ieremia 16:16, Beretitenti RussellM. E taku Nelson, “A tia ara mitinare ni ukoukoriia kaain Iteraera ake a maenako; a tia ni ukoukoriia “mai inanon bangabangani bwaa”; ao a tia n akawaiia n aron boong ake ngkoa” (“The Gathering of Scattered Israel,” Ensign ke Liahona, Nobembwa. 2006,81).
Waaki ni Kakukurei aika a Kona ni Karaoaki
-
Ngkana ko wareka Ieremia 16:16, kaoia ataei bwa aongkoa a akawa ke ni kae man. Kabwarabwara bwa taan akawa ao taan kae man n te kibu aei a kona n tei ibukiia mitinare. Kaoia ataei bwa aongkoa a maaku. Tera ae a karaoia mitinare? Ti na kanga ni buokiia?
-
Karaoa te takakaro ni kabotau man kabonganakin te iteraniba ni waaki. Ngkana e kunei tamnei aika ti tebo te ataei, taetae iaon te bwai ae kaotia te tamnei anne ae ti kona ni karaoia ni buokiia natin Tamara are i Karawa n oki nako Ina.
Reirei te Reirei: Ataei aika a Ikawai Riki
A weteaki burabeti bwa a na taekin ana taeka te Uea.
Ko na kanga ni buokiia ataei ni kakorakorai aia onimaki ao atakin tabeia burabeti n abanuean te Atua?
Waaki ni Kakukurei aika a Kona ni Karaoaki
-
Rinei tabeu kiibu aika kakawaki man Ieremia1 aika a reirei koaua aika kakawaki ibukiia burabeti, n aron kiibu 5, 7, 10, ao19. Kaoia ataei n tatabemaniia nako bwa ana rinea teuana mai ibuakon kiibu, warekia, ao tibwaua te bwai ae reiakinna teuanne ke neienne ibukiia burabeti man te kibu. Kaoia tabeman ataei bwa a na tibwauai aia koaua iaon irakin te burabeti.
-
Kaota tamnein te burabeti ae maiu, ao buokiia ataei ni karaoi bwaai aika e a tia te burabeti ae maiu n tuangiira bwa ti na karaoi “We Listen to a Prophet’s Voice” (Boki n Anene, nambwa.22). Buokiia ataei bwa a na koroi bwaai aika e a tia te burabeti ae maiu n tuangiira bwa ti na karaoi. Rinea te rongorongo man te maungatabu ae nako mairoun te burabeti, ao buokiia ataei ni kakaei reirei n ana rongorongo. Ti na kanga n iriira te burabeti? Maroroakinna bwa e kanga te reirei mairouia burabetis ni buokiira n ira Tamara are i Karawa ao Iesu Kristo n ae nakoraoi riki.
-
Kaota te witeo “Why Do We Have Prophets?” (ChurchofIesuChrist.org), ao tirakiniia ataei bwa a na kanga ni kabwarabwara nakon raoraona bukina ngkai te kakabwaia reken te burabeti ae maiu (taraa Taekan te Onimaki 1:6,9). Kaoiia ataei bwa a na tibwauai aia namakin iaon te burabeti ae maiu.
I kona n riki bwa mwakoron ikotakin Iteraera.
Te rongorongo n ikotakin Iteraera ae kuneaki inanon Ieremia 16:14–15 e kona ni karekea te tai ae tamaroa n taetae nakoia ataei ibukin te mwakuri ni mitinare ao rongorongon te utu. Aio te kawai are ti “na tei bwa taan kakoaua ibukin te Atua” (Motiaea 18:9).
Waaki ni Kakukurei aika a Kona ni Karaoaki
-
Botaki ni wareka Ieremia 16:14, ao kabonganaia ataei bwa a na tibwauai kabwarabwara aika uring bwa e kanga “te Uea … ni uotiia rake natin Ireraera man aban Aikubita” (taraa Te Otinako14). Kaoia bwa a na wareka Ieremia 16:15 ni kakaea te bwai ae e taekinna Ieremia ae na rangi n ururingaki riki nakon anne. Kabwarabwara bwa Iteraera e maenako ni kabuta te aonaaba, ma e berita te Atua bwa e na ikotiia ni kaokiia nako Ina ao Ana Ekaretia. E atongaki aei bwa ikotakin Iteaera. E kanga aio n titebo ma kainaomatakia ana aomata man te tautoronaki?
-
Tibwaua te rongorongo mairoun Beretitenti RussellM. Nelson: “N te tai are ko karaoa iai te bwai teuana are buoka temanna—n iteran te rabuna aika uoua—te waaki nakon karaoan berita aika tabu ma te Atua ao ni karekei aia otenanti ni bwabetito ao n te tembora aika kakawaki, ko buokia n ikota Iteraera” (RussellM. Nelson ao WendyW. Nelson, “Hope of Israel” [worldwide youth devotional, Tuun3, 2018], ikota nakon te New Era ao Ensign, Aokati. 2018,15, ChurchofIesuChrist.org). Ti na kangaa ni buokiia n ikota Iteraera?
-
Botaki n anenea te kuna ibukin te mwakuri ni mitinare, n aron “I Hope They Call Me on a Mission” ke “Called to Serve” (Aia Boki n Anene Ataei, 169,174), ke kaota te witeo “Your Day for a Mission” (ChurchofIesuChrist.org). Tiritakiniia ataei te bwai ae a reiakinna man te anene ke te witeo bwa bukin tera ngkai temanna e na rineia ni karaoa a na mition.
Kaungaa te Kamatebwai n te Mweenga
Tuangiia ataei bwa a na uota katotoon te iteraniba ni waaki n te wiiki aei ao n takakarona te takakaro ni kabotau ma aia utu. Kaungaia bwa a na taetae ma aia utu aron mwakuri ni mitinare n tia ni kakabwaiaia.
Kanakoraoan Ara Anga Reirei
Buokiia ataei bwa a na kina te Tamnei. Katangitang aika mimitong aki toki ni kaoa ana kairoro te Tamnei ae Raoiroi. Ngkana ko takakaro ma ataei, ana te tai ni buokiia n ni kinai a na namakin te tamnei ae raoiroi are e kamatoa te koaua ke te bwai ae a reiakinna.