“Okitobwa 17–23. Ieremia 30–33; 36; Baebaeti1; 3: ‘N na Onika Nanokawakiia n te Kimareirei,’” Nakomai, Iriirai—Ibukin te Moanrinan: Te O Tetemanti 2022 (2021)
“Okitobwa 17–23. Ieremia 30–33; 36; Baebaeti1; 3,” Nakomai, Iriirai—Ibukin te Moanrinan: 2022
The Cry Jeremiah the Prophet (Tangin Ieremia te Burabeti), man koreana iroun Nazarene School
Okitobwa 17–23
Ieremia 30–33; 36; Baebaeti1; 3
“N na Onika Nanokawakiia n te Kimareirei”
Ana boki Ieremia ao Baebaeti e na kangaanga irouia ataei bwa a na ota iai, ma a kona kaain am kiraati n reirei taian reirei man reirei aika a reireinaki inanon booki aikai. Tera bwaai aika a kaunga nanom bwa kona tibwauai?
Korei Am Namakin
Kaunga te Tibwatibwa
Tibwatibwai kaobiin te Baibara. Ngke a taua te boki ataei, tuangiia bwa a na tibwaua te bwai ae a tangiria n te O Tetemanti—tao te reirei ke te karaki ae a tatangiria ae a tia n reiakinna man mwengaia ke n te taromauri.
Reirei te Reirei: Ataei aika a Uarereke
Tamara are i Karawa ao Iesu Kristo a tangirai.
Namakinan ana “tangira ae akea tokina” Tamara are i Karawa ao Iesu Kristo e na buokiia ataei aika ko reireiniia ni kaan riki Nakoia.
Waaki ni Kakukurei aika a Kona ni Karaoaki
-
Kaoti tabeua bwaai nakoia ataei (ke tamnein bwaai) aika a teimaan ao tabeua aki, n aron te koin te biti ao te mwakoro ni uanikai. Titirakiniia ataei bwa e nga ae na maan riki taina, ao maroroakinna bwa bukin tera tabeua bwaai a maan riki taiia nakoia ake tabeua. Wareka Ieremia 31:3, ao buokiia ataei bwa a na ataia bwa a na tangira Tamara are i Karawa ao Iesu Kristo ibukiia bon “akea tokiia.”
-
Tuangiia ataei bwa a na tibwauaia bwa e kanga Tamara are i Karawa ao Iesu Kristo ni kaota Aia “atataiaomata” ibukiia (Ieremia 31:3). N anganakiia ataei iango, anenea te anene ibukin Aia tangira ibukira, n aron “I Feel My Savior’s Love” ke “My Heavenly Father Loves Me” (Aia Boki n Anene Ataei, 74–75, 228–29). Ngkana e kona, kaoti tamnein bwaai aika taekinaki n te anene. E kanga ara namakin ngkana ti iangoi ana tangira Tamara are i Karawa ao Iesu Kristo?
A kona booki aika tabu ni kaungaira bwa ti na rairi nanora ao n rairaki nakon te Uea.
Koroboki aika a tabu bon ana taeka te Atua.
Te Uea e tuanga Ieremia bwa e na koroi Ana taeka, ao ana koroboki Ieremia a tia ni kawakinaki ibukira n ana boki Ieremia. Buokiia ataei ni kakorakora aia tangira ibukin booki aika tabu, ike ti kunei iai ana taeka te Atua.
Waaki ni Kakukurei aika a Kona ni Karaoaki
-
Kaoa temanna te ataei bwa e na riki bwa aongkoa Ieremia, ao kaoia ataei ake tabeman bwa a na riki bwa Baruka. Buokiia ataei ni katea kain te bwai ae taekinna Ieremia man Ieremia 36:3 ngkai ataei ake tabeman a kamena n ae ao ngkoa a korei, n aron ae karaoia Baruka. Kakoaua bwa booki aika tabu n te bong aei bon “ana taeka te Uea ni kabane” (Ieremia 36:4) are E tuangiia burabeti bwa e na koroi.
-
Kaota ana boki te ataei ao katotoon booki aika tabu, ao tuanga te ataei bwa e na taekina taekan kakaokoro aika a noori imarenan booki. Tera ae kariki booki aika tabu bwa a na onoti? Buokiia ataei ni kaotaia bwa booki aika tabu bon ana taeka te Atua aika koreaki irouia burabeti, n aron ana boki Ieremia are e tuangaki iroun te Atua bwa e na koroia.
I kona n tibwaua te bwai ae I reiakinna man booki aika tabu.
A kona ataei n iai aia kairoro ae korakora irouia ataei ake irarikiia. N aron Baruka, a kona n tibwaua te bwai ae a reiakinn man booki aika tabu ma tabeman.
Waaki ni Kakukurei aika a Kona ni Karaoaki
-
Kaoia ataei bwa a na karaoi mwakuri aika nakoraoi ma taeka n am tai ni wareka (ke ni kakimototoa) Ieremia 36:4–10, such as pretending to write in a book (taraa te kibu4), n taui bitin te karabuti (taraa te kibu5), ao wareki booki aika tabu nakoia aomata (tarai kiibu 8,10). Katuruturua ae iai nanon Baruka ni kan wareki a na taeka Ieremia nakoia aomata e ngae ngke taan kairiiri i Ierutarem aki tangiria. Buokiia ataei n uringa te bwai ae a tia n reiakinna man te O Tetemanti ao iangoi kawai aika a kona n tibwauaia ma tabeman.
-
Anenea te kuna iaon koroboki aika tabu, n aron “Search, Ponder, and Pray” (Aia Boki n Anene Ataei,109). Tibwaua am koaua iaon koroboki aika a tabu, ao kaungaia ataei bwa a na tibwaua aia koaua naba.
Reirei te Reirei: Ataei aika a Ikawai Riki
I kona ni karaoi au berita aika tabu ma te Atua.
Ana reirei Ieremia iaon ana berita ae boou ao akea tokina te Uea e kona ni buokiia ataei aika ko reireiniia ni kakorakorai nanoia ni kawakin aia berita aika tabu.
Waaki ni Kakukurei aika a Kona ni Karaoaki
-
Korea tamnein te buroo iaon te burakibooti, ao kaoia iteraia ataei bwa a na wareka Ieremia 31:31–34 ao ake iteraia a na wareka Ieremia 32:38–41. Kaoi kurubu bwa a na korei inanon te buroo bwaai aika a reiakinaki iai man aia kibu iaon taekan ara berita ma te Atua. E kanga ana tua te Atua are e koreaki inanon buroora (taraa Ieremia 31:33) ni kaokoro ma are e tibwa koreaki inanon booki aika tabu? Bukin tera ti tangiria ni karaoi berita aika tabu ma te Uea? Bukin tera E tangiria ni karaoi berita aika tabu ma ngaira?
-
N rinanon berita aika tabu aika ti karaoi ngke ti bwabetitoaki, kaoia ataei bwa a na karaoa te tiata ae uoua rinanina iaon te mwakoro ni beeba ma atuia Au Berita ao ana berita te Atua. Tuangiia bwa a na kanoa te tiaata man kabongaan te mwakoro ae atunaki “The Baptismal Covenant” in the Gospel Topics article “Baptism” (topics.ChurchofIesuChrist.org) ke Motiaea 18:10,13; Reirei ao Berita aika Tabu 20:37. Kaoia ataei bwa a na kaota te beeba ni mwengaia ni buokiia membwa bwa a na kawakin aia berita aika tabu.
Koroboki aika a tabu bon ana taeka te Atua.
E kona te rongorongo inanon Ieremia36 ni buokiia ataei n reirei man aia katooto aomata aika a butimwaea ana taeka te Uea inanon booki aika tabu.
Waaki ni Kakukurei aika a Kona ni Karaoaki
-
Koroi titiraki aikai iaon te burakibooti: Bukin tera? Antai ae kabongai raoi booki aika tabu? Antai ae e aki? Botaki ni wareka Ieremia 36:1–3, ao titirakiniia ataeo bukina ngkai te Uea e tangira Ieremia bwa e na koroi Ana taeka. Ngkanne titirakiiia ataei bwa a na bootaki ni mwakuri ni kakauoman ni wareka Ieremia 36:5–8, 20–25 ao ni kina bwa antai ae kabongai raoi booki aika tabu ao antai ae aki. Taekinana bwa bukin tera ko kabongai booki aika tabu. Tibwauai ikota ni kibuntaeka man booki aika tabu ke te karaki are e uaana nakoim. Kaoiia ataei bwa a na tibwatibwa naba.
-
Kaoia ataei bwa a na kabongana te iteraniba ni waaki n te wiiki aei ni katanei n tibwatibwa imarenaia te rongorongo inanon Ieremia36. Kaoia bwa a na tibwauai aia koaua iaon booki aika tabu.
Te Tia Kamaiu e karaoia ibukiu bwa aonga ni kabwaraaki au bure.
Ngke ana boki Baebaeti e kabwarabwaraaki n te taeka ni kario, n tainako ao ti na namakina te nanokawaki ngkana ti bure. A kona namakin aikai ni kaungaira bwa ti na bitaki ao ni butiia Tamara are i Karawa ibukin kabwaraan ara bure.
Waaki ni Kakukurei aika a Kona ni Karaoaki
-
Kabwarabwara nakoia ataei bwa bukina ngkai a tuai kaain Iteraera ni kabwarai aia bure, Ierutarem ao te tembora ikekei a tia n uruakaki. Tuangiia ataei bwa a na taekinna bwa e na kanga aron aia namakin ngke a tia ni maeka i Ierutarem n te tai anne. Bootaki ni wareka Baebati 1:1–2,16. Tera taeka ao mwakoro n taeka inanon kiibu aikai aika a buokiira n ataa aia namakin kaain Iteraera? E na kanga te rongorongo inanon Baebaeti 3:22–26 n tia n anganiia te kantaninga?
-
Tuangiia ataei n iangoa te tai ngke a tia n namakina te nanokawaki ibukin te rinerine ae a karaoia ae buakaka. Tera ae a kunea inanon Baebaeti 3:22–26 are e buokiia n ataia bwa e tauraoi te Uea ni kabwarai aia bure?
Kaungaa te Kamatebwai n te Mweenga
Kaoia ataei bwa a na tuangiia kaain aia utu bwa a na tibwaua aia taneiai aika a irekereke ma reirei aika ko reiakin n te kiraati. Te katooto, ngkana ko maroroakin booki aika tabu, e kona te ataei n titirakina kaain te utu bwa e na tibwauaia bwa e kanga teuanne ke neienne n ataia bwa a koaua booki aika tabu.
Kanakoraoan Ara Anga reirei
Kateimatoa nanoia ataei. Kona bae ni kainnanoia n iangoi kawai ni kareke iango ni katabetabeia ataei aika uarereke. Ibukin te katooto, kabonganai tamnei, anene, takakaro, ao waaki ni kakukurei riki tabeua.