jeje ko an rikanaan Jeremaia

Jan̄ eo an Rikanaan Jeremaia, jān juon ļōmļōm jān Nazarene School

Oktoba 17–23

Jeremaia 30–33; 36; Liaajlo̧ļ1; 3

“Inaaj Ukōt Aer Liaajlo̧ļ n̄an Lan̄lōn̄”

Bok ko an Jeremaia im Liaajlo̧ļ ko remaron̄ in pen n̄an an ajri ro meļeļe, ak kūlaaj eo am̧ remaron̄ in wōt ekkatak katak ko jān pedped in katak ko ilo bok kein. Ta men ko rem̧m̧an kwoj im̧we n̄an kwaļo̧ki?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Leto-letak juon kape in Baibōļ eo. Ilo an ajr ro jibwe bok eo, kajjitōk ippāer n̄an kwaļo̧k jet men em̧m̧an ippāer kōn Kallim̧ur M̧okta—bōlen juon pedped in katak ak juon bwebwenato eo em̧m̧an raar ekkatak jān m̧weeo ak ilo m̧ōnjar eo.

pija ej bōk jikin katakin

Katakin Katak eo: Ajri ro Reddikļo̧k

Jeremaia 31:3

Jemedwōj Ilan̄ im Jisōs Kraist rej iakwe eō.

En̄jake juon “yokwe indeeo” an Jemedwōj Ilan̄ im Jisōs Kraist enaaj jipan̄ ajri ro kwoj katakin epaakeļo̧k Er.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro jet kein ekkatak ko (ak jet pijain kein ekkatak ko) me eto kitieer im jet men rejjab, āinwōt juon jāān kōba im jidik m̧ōttan leen wōjke. Kajjitōk ippān ajri ro ewi wōt eo etto kitien, im ekōnono etke jet men etto kitieer jen ko jet. Riiti Jeremaia 31:3, im jipan̄ ajri ro meļeļe bwe iakwe eo an Jemedwōj Ilan̄ im Jisōs Kraist n̄an er ej “indeeo.”

• Kajjitōk ippān ajri ro n̄an kwaļo̧k elmen an Jemedwōj Ilan̄ im Jisōs Kraist kwaļo̧k Aer “iakweem̧ool” n̄an er (Jeremaia 31:3). N̄an leļo̧k ļōmņak ko n̄an ajri ro, al juon al kōn Aer iakwe kōj, āinwōt “I Feel My Savior’s Love” ak “My Heavenly Father Loves Me” (Children’s Songbook, 74–75, 228–29). N̄e ekkar, kwaļo̧k pijain men ko kar kwaļo̧ki ilo al eo. Elmen ad en̄jake n̄e jej ļōmņak kōn iakwe eo an Jemedwōj Ilan̄ im Jisōs Kraist?

juon leddikej ekkatak jān jeje ko rekwojarjar

Jeje ko rekwojarjar remaron̄ im̧we kōj n̄an ukweļo̧k im oktakļo̧k n̄an Irooj.

Jeremaia 36:1–4

Jeje ko rekwojarjar rej naan an Anij.

Irooj eaar jiron̄ Jeremaia n̄an je naan ko An, im jeje ko an Jeremaia kar kōjparoki n̄an kōj ilo bok eo an Jeremaia. Jipan̄ ajri ro kam̧wilaļļo̧k aer iakwe jeje ko rekwojarjar, ijo jemaron̄ lo naan in Anij.

M̧akūtkūt ko Maron̄ Kōm̧m̧ani

• Kajjitōk ippān juon ajri bwe en anto̧o̧ne āinwōt n̄e e Jeremaia, im kajjitōk ippān ajri ro jet bwe ren āinwōt Baruk. Jipan̄ ajri ro m̧akūtkūt āinwōt Jeremaia ba naan ko jet jān Jeremaia 36:3 ilo an ajri ro jet anto̧o̧ne n̄an jeiki, āinwōt kar Baruk. Kam̧ool bwe jeje ko rekwojarjar raan kein rej “naan ko an Irooj” (Jeremaia 36:4), im Ekar kajjitōk ippān rikanaan ro n̄an je.

• Kwaļo̧k juon bok an ajri im juon kape in jeje ko rekwojarjar, im kajjitōk ippān ajri ro n̄an kōnono kake oktak ko rejeļā ikōtaan bok ko. Ta eo ekōm̧m̧an bwe jeje ko rekwojarjar ren jenoļo̧k? Jipan̄ ajri ro meļeļe bwe jeje ko rekwojarjar rej naan ko an Anij kar jeje jen rikanaan ro, āinwōt bok ko an Jeremaia ej ta eo Irooj ekar jiron̄ Jeremiaa n̄an je.

Jeremaia 36:4–10

Imaron̄ kwaļo̧k ta eo ij ekkatak kake jān jeje ko rekwojarjar.

Ajri ro emaron̄ wōr aer im̧wee ipaļaakin ro jet. Āinwōt Baruck, remaron̄ kwaļo̧k ta eo rej ekkatak jān jeje ko rekwojarjar n̄an ro jet.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ani m̧akūtkūt ko ippānļo̧k naan ko ilo am̧ riit (ak kōmeļeļeiki) Jeremaia 36:4–10, āinwōt anto̧o̧e aer jeje ilo juon bok (lale eoon4), jibwe baar ko ilo jikin kalbuuj(lale eoon5), im riiti jeje ko rekwojarjar n̄an armej ro (lale eoon 8,10). Kwaļo̧k bwe Baruk ekar wōr an peran n̄an riiti naan ko an Jeremaia n̄an armej ro men̄e ritōl ro ilo Jerusalem rekar jab kōņaan bwe en riit. Jipan̄ ajri ro n̄an keememej men ko rekar ekkaktak jān Kallim̧ur M̧okta im ļōmņake wāween ko remaron̄ kwaļo̧ki n̄an ro jet.

• Al juon al kōn jeje ko rekwojarjar, eo āinwōt “Search, Ponder, and PrayChildren’s Songbook,109). Kwaļo̧k naan in kam̧ool eo am̧ kōn jeje ko rekwojarjar, im kajjitōk ippān ajri ro n̄an kwaļo̧k naan in kam̧ool eo aer barāinwōt.

pija ej bōk jikin katakin

Katakin Katak eo: Ajri ro Rerūttoļo̧k

Jeremaia 31:31–34; 32:38–41

Imaron̄ kōjparok bujen ko aō ippān Anij.

Katak ko an Jeremaia kōn bujen eo ekāāl im indeeo an Irooj emaron̄ jipan̄ ajri ro kwoj katakin kōkajoorļo̧kikideleel eo aer n̄an kōjparok bujen ko aer.

M̧akūtkūt ko Maron̄ Kōm̧m̧ani

• Jin̄aik juon bōro (love) ioon boot eo, im kajjitōk ippān jimettan in ajri ro n̄an riiti Jeremaia 31:31–34 im jimettan eo juon n̄an riiti Jeremaia 32:38–41. Kajjitōk ippān kurup ko n̄an je ilo bōro eo men ko raar ekkatak jān eoon ko aer kōn bujen ko ad ippān Anij. Elmen bwe kien ko an Anij ren jeje ilo būruwōd (lale Jeremaia 31:33) oktak jen baj riiti wōt jeje ko rekwojarjar? Etke jekōņaan kōm̧m̧ani bujen ko ippān Irooj? Etke E ekōņaan kōm̧m̧ani bujen ko ippād?

• N̄an etale bujen ko jej kōm̧m̧ani ke jaar peptaij, kajjitōk ippān ajri ro n̄an kōm̧m̧ane juon jaat ruo-kaļōm̧t ioon jidik peba kōn naan ko Kallim̧ur ko Aō im Kallim̧ur ko an Anij. Kajjitōk ippāer n̄an kanne jaat eo ilo kōjerbal taitōļ jekjen in “The Baptismal Covenant” ilo Gospel Topics article “Baptism” (topics.ChurchofJesusChrist.org) ak Mosaia 18:10,13; Katak im Bujen Ko 20:37. Kajjitōk ippān ajri ro n̄an kwaļo̧k peba eo ilo m̧weeo n̄an jipan̄ er keememej n̄an kōjparok bujen ko aer.

Jeremaia36

Jeje ko rekwojarjar rej naan an Anij.

Bwebwenato eo ilo Jeremaia36 emaron̄ jipan̄ ajri ro ekkatak jen waanjon̄ak ko an armej ro raar bōk naan eo an Irooj ilo jeje ko rekwojarjar.

M̧akūtkūt ko Maron̄ Kōm̧m̧ani

• Je kajjitōk kein ioon boot eo: Etke? Wōn ro rekar kaorōke jeje ko rekwojarjar? Wōn ro rekar jab? Riit ippān doon Jeremaia 36:1–3, im kajjitōk ippān ajri ro etke Irooj ekar kōņaan bwe Jeremaia en je naan ko An. Innām kajjitōk ippān ajri ro n̄an jerbal ippān doon ilo pea n̄an riiti Jeremaia 36:5–8, 20–25 im ba kajjien wōn ro rekar kwaļo̧k aer kaorōk jeje ko rekwojarjar im wōn ro rekar jab. Ekōnono kake etke kwoj kaorōk jeje ko rekwojarjar. Kwaļo̧k juon eoon ak bwebwenato me ewōr meļeļein eļaptata n̄an eok. Kajjitōk ippāer n̄an bar kwaļo̧ke.

• Kajjitōk ippān ajri ro n̄an kōjerbal peij in m̧akūtkūt eo an wiik in n̄an kaminene kwaļo̧k n̄an doon kōn bwebwenato eo ilo Jeremaia36. Kajjitōk ippāer n̄an kwaļo̧k naan in kam̧ool eo aer kōn jeje ko rekwojarjar.

Liaajļo̧ļ 1:1–2,16; 3:22–26

Rilo̧mo̧o̧r ekar kōm̧m̧ane bween ekkar n̄an eō bwe in jeo̧rļo̧k jerawiwi ko aō.

Ilo an bok in Liaajlo̧ļ lukkuun kōmeļeļeiki, ekkā ad en̄jake būrom̧ōj n̄e jej jerawiwi. En̄jake kein remaron̄ im̧we kōj n̄an oktak im kajjitōk ippān Jemedwōj Ilan̄ n̄an jeo̧rļo̧k bōd.

M̧akūtkūt ko Maron̄ Kōm̧m̧ani

• Kōmeļeļeiki n̄an ajri ro bwe kōnke Riisrael ro rekar jab ukweļo̧k, Jerusalem im tampeļ eo ijo rekar jorrāān. Kajjitōk ippān ajri ro ewi wāween aer maron̄ kar en̄jake eļan̄n̄e ren kar mour ilo Jerusalem ilo tōre eo. Riit ippān doon Liaajlo̧ļ 1:1–2,16. Ta naan im eoon ko ilo eoon kein rejipan̄ kōj meļeļe elmen an Riisrael ro maron̄ kar en̄jake? Elmen an ennan in ilo Liaajlo̧ļ 3:22–26 kar leļo̧k n̄an er kōjatdikdik?

• Kajjitōk ippān ajri ro n̄an ļōmņake juon tōre ke raar en̄jake būrom̧ōj kōn juon kālet ebōd rekar kōm̧m̧ane. Ta eo rekar loe ilo Liaajlo̧ļ 3:22–26 me ejipan̄ er jeļā bwe Irooj ej m̧ōņōņō in jeo̧rļo̧k aer bōd?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kajjitōk ippān baam̧le ko aer n̄an kwaļo̧k en̄jake ko reiokļo̧k pedped in katak ko kwaar ekkatak ilo kūlaaj. N̄an waanjon̄ak, eļan̄n̄e kwaar ekōnono kōn jeje ko rekwojarjar, ajri ro remaron̄ kajjitōk ippān juon uwaan baam̧le eo n̄an kwaļo̧k elmen an jeļā ke jeje ko rekwojarjar rej m̧ool.

Kōkm̧anm̧anļo̧k Ad Katakin

Dāpij itoklimo an ajri ro. Komaron̄ aikuj in ļōmņak kōn wāween ko rem̧m̧an bwe en kitbuuj ajri ro reddikļo̧k. N̄an waanjon̄ak, kōjerbal pija ko, al ko, ikkure ko, im m̧akūtkūt ko jet.

peij in m̧akūtkūt eo: Jeje ko rekwojarjar rej naan an Anij