“Jeptōm̧ba 26–Oktoba2. Aiseia 50–57: ‘Ear Ineek En̄taan ko Ad, im Bōkļo̧k Būrom̧ōj ko Ad,’” Itok, Ļoor Eō—N̄an Būraimere: Kallim̧ur Moktak 2022 (2021)
Jeptōm̧ba 26–Oktoba2. Aiseia 50–57,” Itok, Ļoor Eō—N̄an Būraimere: 2022
Kajjirere Kake Kraist, jān Carl Heinrich Bloch
Jeptōm̧ba 26–Oktoba2
Aiseia 50–57
“Ear Ineek En̄taan ko Ad, im Bōkļo̧k Būrom̧ōj ko Ad”
Aiseia 50–57 epād ie jet naan ko rem̧m̧an me ajri ro kwoj katakin remaron̄ jab meļeļe. Ilo am̧ keppopo n̄an katakin, kōļmenļo̧kjeņ kōn m̧ool ko repidodo naan kein rej katakin im elmen am̧ maron̄ jipan̄ ajri ro ekkatak kaki.
Je En̄jake ko Rej Im̧we Eok
Kajjitōk bwe ren Kwaļo̧k
Rōjan̄ kajjojo ajri n̄an kwaļo̧k elmen aer jeļā bwe Jisōs Kraist ej iakwe er. Kajjitōk ippāer n̄an kwaļo̧k ta eo rej kōm̧m̧ane n̄an kwaļo̧k ke rej iakwe Jisōs.
Katakin Katak eo: Ajri ro Reddikļo̧k
Jisōs Kraist eaar en̄taaan kōn n̄a kōnke Ej iakwe n̄a.
Kōn en̄taan in pinmuur eo An, Jisōs Kraist eaar en̄taan kōn jerawiwi ko ad im bōk ioon E Make “en̄taan ko ad” im “būrom̧ōj ko ad.” Elmen am̧ naaj kam̧ool n̄an ajri ro kōn Pinmuur eo an Jisōs?
M̧akūtkūt ko Maron̄ Kōm̧m̧ani
-
Kwaļo̧k pijain en̄taan eo an Rilo̧mo̧o̧r ilo dōbwāāl im ilo Jikin Kallib Gethsemane (lale Gospel Art Book, no. 56, 57, ak jebta ko 51–53 ilo Bwebwenato ko ilo Kallim̧ur Ekāāl). Kajjitōk ippān ajri ro n̄an kōmeļeļeik ta eo rej loe ilo pija ko im kwaļo̧k ta eo rejeļā ej waļo̧k. Etke Jisōs ekar en̄taan kōn kōj?
-
Riit n̄an ajri ro jān Aiseia 53:4:“Ear ineek en̄taan ko ad, im bōkļo̧k būrom̧ōj ko ad.” Kwaļo̧k n̄an ajri ro juon kein men eddo (ak pijain juon), im kajjitōk ippāer n̄an anto̧o̧ne aer kotak juon men eddo. Kōmeļeļeik bwe “en̄taan” im “būrom̧ōj” (ak būrom̧ōj) emaron̄ in juon en̄jake eddo im pen n̄an ineeke. Kam̧ool bwe Jisōs Kraist enaaj jipan̄ kōj ineek men kein kōnke Ej iakwe kōj.
Imaron̄ pukot Irooj im kūr ioon E.
Lōmņake elmen am̧ maron̄ jipan̄ ajri ro meļeļe ta meļeļe in n̄an “pukot” Jisōs ilo aolepen mour ko aer.
M̧akūtkūt ko Maron̄ Kōm̧m̧ani
-
Nooj juon pijain Jisōs juon jikin ilo ruum̧ eo, im kajjitōk ippān ajri ro n̄an pukote. Riiti naan kein “Kom̧win pukot Jeova ke kwō maron̄ in lo E” jān Aiseia 55:6. Kajjitōk ippān ajri ro n̄an ņaetan jet wāween ko remaron̄ pukot Irooj kake—meļeļein bwe rej kajjieon̄ in ekkatak kōn E im epakeļo̧k E. Kajjojo iien n̄e juon ajri ej uwaak, nooj bar pija eo, im kajjitōk ippān ajri ro n̄an “pukot” e.
-
Jipan̄ ajri ro ekkatak naan ko ilo al eo “Seek the Lord Early” (Children’s Songbook,108) ak bar juon al kōn epaketok Rilo̧mo̧o̧r. Kōjerbal peij in m̧akūtkūt eo n̄an jipan̄ ajri ro kālet men ko renaaj kōm̧m̧ane n̄an “pukot … Irooj.”
-
Riiti naan in “Kom̧win kūr n̄an e ke Ej epaak” jān Aiseia 55:6. Elmen ad kūr n̄an Jemedwōj Ilan̄? Kajjitōk ippān ajri ro n̄an kōnono kōn ta eo rej ba ilo jar ko aer. Kam̧ool bwe Jemedwōj Ilan̄ ej iakwe er im ron̄jake er n̄e rej jar.
Katakin Katak eo: Ajri ro Rerūttoļo̧k
Irooj ej kajjitōk bwe in “kōņak [aō] kajoor.”
Ilo Aiseia51 im52, Irooj eaar kōjerbal naan in āinwōt “kwōn ruj,” “kwōn ruj,” im “kwōn kōņak kajoor” n̄an im̧we armej ro An n̄an kakūrm̧ool kwojarjar eo aer. Ļōmņak elmen an naan kein maron̄ im̧we ajri ro kwoj katakin.
M̧akūtkūt ko Maron̄ Kōm̧m̧ani
-
M̧okta jen kūlaaj, je ioon bo̧o̧t eo naan kein jān Aiseia 51–52 me ej kwaļo̧k kōm̧m̧an ko me Irooj ekar kōņaan bwe armej ro An ren kōm̧m̧ane, “Kom̧win reilo̧k,” “Kwōn ruj,” “Kwōn jutak,” “Kwōn make joļo̧k būn̄al eo jān eok,” im “Kom̧win deblo̧k ilo lan̄lōn̄” (Aiseia 51:6,17; 52:2,9). Kōtļo̧k bwe ajri ro ren bōk kuņaer ikkure kōn juon iaan eoon ko ilo an ro ilo kūlaaj eo kajjieon̄ kajjidedeiki ta ikkure eo. Ālkin aer bōk kūņaer, kwaļo̧k n̄an ajri ro naan ko ilo eoon ko, im ekōnono ippāer kōn meļeļein jetōbin naan eo. Ta eo Irooj ej kajjitōk ippād n̄an kōm̧m̧ane? Elmen ad maron̄ kōm̧m̧ane kajjojo iaan men kein?
-
Kajjitōk ippān ajri ro n̄an riiti Aiseia 51:1, 4,7 im kalikkar wōn eo Irooj ej kōnono kake im ta eo Ej kōņaan bwe ren kōm̧m̧ane. Ta meļeļein “ron̄jake” Irooj? N̄an kōmeļeļeiki, kajjitōk ippān juon iaan ajri ro n̄an kwaļo̧k kōmeļeļe eo epidodo me ro jet remaron̄ ļoore. Etke jet iien epen n̄an ron̄jake im pokake Irooj? Elmen ad maron̄ kwaļo̧k n̄an Irooj ke jej “ron̄jake” E?
Kōn Iakwe, jān sculptor Angela Johnson
Jisōs Kraist eaar bōk ioon Make jerawiwi im būrom̧ōj ko aō.
Elmen am̧ maron̄ kōjerbal naan ko an Aiseia n̄an jipan̄ ajri ro kam̧wilaļļo̧k meļeļe eo aer kōn ta eo Rilo̧mo̧o̧r ekar kōm̧m̧ane n̄an er?
M̧akūtkūt ko Maron̄ Kōm̧m̧ani
-
Kwaļo̧k jet pija ko rej kwaļo̧k kōn en̄taan im mej eo an Jisōs Kraist (lale, waanjon̄ak, Gospel Art Book, no.56, 57, 58). Riit ippān doon Aiseia 53:3–6,9, im kajjitōk ippān ajri ro n̄an lali naan ko me rej kōmeļeļeik men ko rej waļo̧k ilo pija eo. Kam̧ool bwe bukwi iiō ko remootļo̧k Jisōs Kraist ekar en̄taan kōn kōj, rikanaan ro āinwōt Aiseia rekar kwaļo̧k kōn men kein raorōk. Etke eaorōk bwe armej ren jeļā men kein elōn̄ iiō ko rellōn̄ m̧oktaļo̧k? (lale Alma 39:15–19).
-
Kajjitōk ippān ajri ro n̄an riiti Aiseia 53:4–7 im pukot naan ko me rej kōmeļeļeik ta eo Rilo̧mo̧o̧r ekar en̄taan kōn kōj kake. Kajjitōk ippāer n̄an je naan kein ioon bo̧o̧t eo. Etke E ekar en̄taan kōnen̄taan,” “būrom̧ōj,” im “jerawiwi” ko ad? (bar lale Alma 7:11–12). Kwaļo̧k n̄an ajri ro elmen an Rilo̧mo̧o̧r kar jipan̄ eok ineek en̄taan im būrom̧ōj ko am̧. Kōtļo̧k aer kwaļo̧k elmen aer en̄jake kōn Rilo̧mo̧o̧r im ta eo E ekar kōm̧m̧ane n̄an er.
Iaļ ko an Irooj routiejļo̧k jen iaļ ko aō.
N̄e jej meļeļe bwe ļōmņak ko an Irooj routiej im iaļ ko routiejļo̧k jen ko ad, epidodoļo̧k ad lōke E.
M̧akūtkūt ko Maron̄ Kōm̧m̧ani
-
Kajjitōk ippān ajri ro wōn eo renaaj etal ippānļo̧k n̄e ewōr aer būrabōļōm̧, im etke. Riit n̄an ajri ro Aiseia 55:8–9, im kajjitōk ippāer n̄an ron̄jake etke jej aikuj pukot tōl eo an Irooj n̄e jej aikuj jipan̄.
-
Jin̄aik lan̄ im laļ ioon bo̧o̧t eo, im ļābōļi Lan̄ ko im Laļ. Innām kajjitōk ippān ajri ro n̄an riiti Aiseia 55:9 n̄an pukote ta eo Irooj ekar keidi lan̄ ko im laļ n̄ane, im kajjitōk ippāer n̄an kobaiki ļābōļ kein jet n̄an jin̄n̄a eo. Ta meļeļein an ba iaļ ko im ļōmņak ko an Irooj “re utiej” jen ko ad? Etke eaorōk n̄an kōj n̄an jeļā menin?
-
Kōnono ippān ajri ro kōn jet iaan iaļ ko an Irooj me reutiej jen iaļ ko ad. N̄an waanjon̄ak, ta iaļ an An n̄an kōmour rijerawiwi ro? (lale Mark 2:15–17). Ta iaļ ko An n̄an tōl ro jet? (lale Matu 20:25–28). Elmen an iaļ ko An oktak jen iaļ ko an ro jet? Kwaļo̧k n̄an ajri ro elmen am̧ kar jeļā n̄an lōke ilaļ ko im ļōmņak ko reutiej an Irooj.
Kōketak Ekkatak ilo M̧weo
Kwaļo̧k n̄an ajri ro bwe ren peek juon kōttōbar me emaron̄ jipan̄ er epaakeļo̧k Jisōs Kraist, pedped ioon men ko raar ekkatak ilo kūlaaj rainin. Kajjitōk ippāer n̄an kwaļo̧k kōttōbar eo aer ippān baam̧le eo.
Kōkōm̧anm̧anļo̧k Ad Katakin
Jipan̄ ajri ro katak jān jeje ko rekwojarjar. N̄an jipan̄ ajri ro katak jān jeje ko rekwojarjar, pedped wōt ioon juon eoon ilo jeje ko rekwojarjar ak juon naan. Jet iien komaron̄ riiti eoon ko im kajjitōk ippān ajri ro n̄an jutak ak kotak peier n̄e rej ron̄ naan ak eoon eo im kwoj kōņaan mije.